ഇവിടം വൃ​ത്തി​യാ​ക്കാ​ൻ ആ​ളി​ല്ലേ?

കാ​സ​ർ​കോ​ട്: കാ​സ​ർ​കോ​ട് പു​തി​യ ബസ് സ്റ്റാ​ൻ​ഡ് മാ​ലി​ന്യ​ക്കു​പ്പ​യാ​കു​ന്നു. തി​ങ്ക​ളാ​ഴ്ച രാ​വി​ലെ മു​ത​ൽ മൂ​ക്കു​പൊ​ത്തി​യാ​ണ് ജ​നം ഇ​വി​ടെ നി​ൽ​ക്കു​ന്ന​ത്. സ്റ്റാ​ൻ​ഡി​ൽ നി​റ​യെ ചാ​ണ​ക​വും മാ​ലി​ന്യ​വും നി​റ​ഞ്ഞ അ​വ​സ്ഥ​യാ​ണ്. പ​ല​രും ചാ​ണ​കം ച​വി​ട്ടി സ്റ്റാ​ൻ​ഡി​ൽ മു​ഴു​വ​നും ആ​യി​ട്ടു​മു​ണ്ട്. ഇ​തി​ന്റെ നാ​റ്റം സ​ഹി​ച്ചു​വേ​ണം യാ​ത്ര​ക്കാ​ർ ബ​സി​ൽ ക​യ​റാ​ൻ. ക​ഴി​ഞ്ഞ​ദി​വ​സ​ങ്ങ​ളി​ലൊ​ന്നും ഇ​വി​ടം വൃ​ത്തി​യാ​ക്കി​യ​താ​യി അ​റി​യി​ല്ല എ​ന്നാ​ണ് ബ​സ് യാ​ത്ര​ക്കാ​രും മ​റ്റും പ​റ​യു​ന്ന​ത്.

ഓ​രോ ക​ട​യു​ടെ മു​ന്നി​ലും വേ​സ്റ്റ് ബി​ന്നു​ക​ൾ സ്ഥാ​പി​ച്ചി​ട്ടു​ണ്ടെ​ങ്കി​ലും വേ​സ്റ്റ് ബി​ന്നി​ലു​ള്ള​തി​നെ​ക്കാ​ൾ മാ​ലി​ന്യം പു​റ​ത്താ​ണു​ള്ള​ത്. പ​ശു​ക്ക​ളെ നി​യ​ന്ത്രി​ക്കാ​നാ​ളി​ല്ലാ​തെ അ​ഴി​ച്ചു​വി​ടു​ന്ന​തു​കാ​ര​ണം ഇ​തി​ന്റെ ബു​ദ്ധി​മു​ട്ട​നു​ഭ​വി​ക്കു​ന്ന​ത് യാ​ത്ര​ക്കാ​രാ​ണ്. ശു​ചി​ത്വ​ന​ഗ​ര​ത്തി​ന് ചെ​യ​ർ​മാ​ൻ​ത​ന്നെ നേ​രി​ട്ടി​ട​പെ​ടു​മെ​ന്ന് പ​റ​യു​മ്പോ​ഴാ​ണ് പു​തി​യ സ്റ്റാ​ൻ​ഡി​ലെ ഈ ​വൃ​ത്തി​യി​ല്ലാ​യ്മ. സ്റ്റാ​ൻ​ഡി​ൽ പ്ര​വ​ർ​ത്തി​ക്കു​ന്ന ഹോ​ട്ട​ലു​ക​ള​ട​ക്കം വൃ​ത്തി​യി​ല്ലാ​ത്ത സാ​ഹ​ച​ര്യ​ത്തി​ലാ​ണ് പ്ര​വ​ർ​ത്തി​ക്കു​ന്ന​തെ​ന്ന ആ​രോ​പ​ണ​വും ജ​ന​ങ്ങ​ൾ​ക്കു​ണ്ട്. കൂ​ടാ​തെ, മാ​ലി​ന്യം നി​റ​ച്ച പ്ലാ​സ്റ്റി​ക് ക​വ​ർ സ്റ്റാ​ൻ​ഡി​ൽ ത​ള്ളി​യി​ട്ടു​മു​ണ്ട്.

ഞാ​യ​റാ​ഴ്ച​യും തി​ങ്ക​ളാ​ഴ്ച അ​വ​ധി​ദി​ന​വു​മാ​യ​തു​കൊ​ണ്ടാ​ണ് ഇ​ങ്ങ​നെ സം​ഭ​വി​ച്ച​തെ​ന്നും എ​ത്ര​യും പെ​ട്ടെ​ന്ന് ഇ​ത് നീ​ക്കാ​നു​ള്ള ന​ട​പ​ടി സ്വീ​ക​രി​ക്കു​മെ​ന്നും വൃ​ത്തി​യി​ല്ലാ​ത്ത സാ​ഹ​ച​ര്യ​ത്തി​ലെ ഹോ​ട്ട​ലു​ക​ൾ​ക്കെ​തി​രെ ആ​രോ​ഗ്യ​വി​ഭാ​ഗം സ്ക്വാ​ഡ് ന​ട​പ​ടി​യെ​ടു​ക്കു​മെ​ന്നും ന​ഗ​ര​സ​ഭ ആ​രോ​ഗ്യ​വി​ഭാ​ഗം സൂ​പ്പ​ർ​വൈ​സ​ർ കെ.​സി. ല​തീ​ഷ് ‘മാ​ധ്യ​മ’​ത്തോ​ട് പ​റ​ഞ്ഞു.