പ്രതീക്ഷയുടെ പാക്കേജ്​

കാസർകോട്​: മുപ്പത്തിയേഴ്​ വയസ്സ്​ തികഞ്ഞ ജില്ലക്ക്​ പ്രതീക്ഷക്ക്​ വകയുണ്ടെങ്കിലത്​ കാസർകോട്​ വികസന പാക്കേജാണ്​. മുൻ ചീഫ്​ സെക്രട്ടറി ഡോ. പി. പ്രഭാകരൻ കമീഷൻ സമർപ്പിച്ച റിപ്പോർട്ടി​െൻറ അടിസ്​ഥാനത്തിൽ പിറവികൊണ്ടതാണ്​ കാസർകോട്​ വികസന പാക്കേജ്​. പരിമതികളേറെയുണ്ടെങ്കിലും ജില്ലയുടെ പുരോഗതിയുടെ നാഴികക്കല്ലാണിത്​. 430 പദ്ധതികൾ അടങ്ങിയ റിപ്പോർട്ടിലെ ഒ​േട്ടറെ നിർദേശങ്ങൾ ഇതിനകം നടപ്പാക്കി. കുറേ പദ്ധതികൾ പുരോഗമിക്കുന്നു.

ജില്ലയുടെ പിറവിക്കുശേഷം ആദ്യമായാണ്​ പിന്നാക്കാവസ്​ഥ പഠിക്കാൻ ഒരു കമീഷനെ നിയോഗിച്ചത്​. ജില്ലയുടെ ഒട്ടുമിക്ക മേഖലകളിലെയും പിന്നാക്കാവസ്​ഥ ശരിവെച്ചശേഷമാണ്​ വിശദമായ റിപ്പോർട്ട്​ സമർപ്പിച്ചത്​. ഒരുനാടി​െൻറ അവഗണനയുടെ നേർസാക്ഷ്യമാണ് 617 പേജുള്ള ആ റിപ്പോർട്ട്​. കാസർകോടിനെ സംബന്ധിച്ചിടത്തോളം പ്രഭാകരൻ കമീഷൻ റിപ്പോർട്ട്​ ഒരു വഴിത്തിരിവാണ്​. ഗവ. മെഡിക്കൽ കോളജ്​ മുതൽ ഒാവുപാലം വ​രെയെല്ലാം കാസർകോട്​ പാക്കേജ്​ വഴിയാണ്​ നടപ്പാക്കുന്നത്​. ഇ.പി. രാജ്​മോഹനാണ്​ സ്​പെഷൽ ഒാഫിസർ. ഇ​ദ്ദേഹത്തി​െൻറ നേത​ൃത്വത്തിൽ കലക്​ടറേറ്റിൽ പ്രത്യേക വിഭാഗം പ്രവർത്തിക്കുന്നു.

നിർദേശിച്ചത്​ 11,123 കോടി; അംഗീകരിച്ചത്​ 4200 കോടി

കാസർകോടി​െൻറ വിവിധ മേഖലകളിലെ വികസനം ലക്ഷ്യമിട്ട്​ 11,123 കോടിയുടെ പദ്ധതിയാണ്​ സർക്കാർ നിർദേശിച്ചത്​. എന്നാൽ, പല പദ്ധതികളും പിന്നീട്​ ഉപേക്ഷിച്ചതിനാൽ ഏകദേശം 4200 കോടിയിലൊതുങ്ങി​. 5500 കോടിയുടെ ചീമേനി താപവൈദ്യുതി പദ്ധതി​ ആണ്​ ഉപേക്ഷിച്ച വൻകിടപദ്ധതിക​ളിൽ ഏറ്റവും പ്രധാനപ്പെട്ടത്​. ചീമേനി വില്ലേജിൽ സംസ്​ഥാന വ്യവസായവികസന കോർപറേഷനും വൈദ്യുതി ബോർഡും സംയുക്​തമായി താപവൈദ്യുതി പ്ലാൻറ്​ നിർമിക്കാൻ തീരു​മാനിച്ചെങ്കിൽ നാട്ടുകാരുടെ എതിർപ്പ്​ കാരണം പിന്നീട്​ റദ്ദാക്കുകയായിരുന്നു.

വൈദ്യുതിമേഖലയിൽ വലിയ പ്രതിസന്ധിയി​ല്ലെന്നതും പിന്മാറ്റത്തിന്​ കാരണമായി. നീലേശ്വരം മേഖലയിൽ ഇരുമ്പയിര്​ ഖനനത്തിന്​ 1000 കോടി വകയിരുത്തിയെങ്കിലും അതും വേണ്ടെന്നുവെച്ചു. ഒരിക്കലും നടപ്പാക്കാൻ പ്രയാസമേറിയ 400 കോടിയുടെ പദ്ധതികളും റദ്ദാക്കി. അ​ങ്ങനെ 4200 കോടിയുടെ പദ്ധതികളിൽ പാക്കേജ്​ ഒതുങ്ങി. ഇതിൽ 3600 കോടിയുടെ പദ്ധതി നടപ്പാക്കിക്കഴിഞ്ഞു. ഏതാനും പദ്ധതികൾകൂടി നടപ്പാക്കുന്നതോടെ പാക്കേജ്​ പ്രകാരമുള്ള പദ്ധതികൾ അവസാനിക്കും.

ലഭിക്കുമോ ആ 6500 കോടി

കാസർകോട്​ പാക്കേജി​െൻറ പകുതിയിലധികം തുകയുടെ പദ്ധതികളും ഒഴിവാക്കിയതിനാൽ ആനുപാതികമായി പുതിയ പ്രപ്പോസൽ സമർപ്പിക്കാൻ സർക്കാർ ആവശ്യപ്പെട്ടു. ഒന്നാം പിണറായി സർക്കാറിലെ കാലാവധി പൂർത്തിയാക്കുന്നതിന്​ മാസങ്ങൾക്കുമുമ്പ്​ 6500 കോടിയുടെ പദ്ധതി സമർപ്പിക്കുകയും ചെയ്​തു. സംസ്​ഥാന ആസൂത്രണ ബോർഡി​െൻറ പരിഗണനയിലാണത്​. ചീമേനി പ്ലാൻറിനും ഇരുമ്പയിര്​ ഖനനത്തിനും പകരമുള്ള പദ്ധതിനിർദേശമാണ്​ ഇതിലുള്ളത്​.

മെഡിക്കൽ കോളജ്​ ഉൾപ്പെടെയുള്ള പദ്ധതികളുടെ പൂർത്തീകരണത്തിനുള്ള ഫണ്ട്​ ഇതിലുൾപ്പെടും. 500 ബെഡുള്ള മെഡിക്കൽ കോളജിൽ ഒന്നരവർഷത്തിനകം വിദ്യാർഥി പ്രവേശനവും സാധ്യമാക്കുകയാണ്​ ലക്ഷ്യം. എന്നാൽ, ഫണ്ട്​ ലഭിച്ചില്ലെങ്കിൽ മെഡിക്കൽ കോളജ്​ ഉൾപ്പെടെയുള്ള പദ്ധതികൾ പൂർത്തിയാവാൻ പിന്നെയും കാത്തിരിക്കേണ്ടിവരും. ജില്ലയിൽ ഏഴ്​ ഡയാലിസിസ്​ കേന്ദ്രങ്ങൾ ഉടൻ പൂർത്തിയാക്കാമെന്നാണ്​ പ്രതീക്ഷ.

ഫണ്ട്​ തന്നെയാണ്​ പ്രശ്​നം

കേന്ദ്ര-സംസ്ഥാന ഫണ്ടുകൾ, സ്വകാര്യ പങ്കാളിത്തം എന്നിങ്ങനെയെല്ലാം കണക്കിലെടുത്താണ്​ കാസർകോട്​ പാക്കേജ്​ പ്രഖ്യാപിച്ചത്​. ആരോഗ്യം, വിദ്യാഭ്യാസം, വ്യവസായം, വൈദ്യുതി, റോഡ്, പാലം, ജലവിതരണം, കൃഷി, മാലിന്യനിര്‍മാര്‍ജനം, മത്സ്യബന്ധനം തുടങ്ങി വിവിധ മേഖലകളിലായി പദ്ധതികള്‍ നടപ്പിലാക്കാനാണ് നിര്‍ദേശിച്ചത്​. എന്നാൽ, ഫണ്ടി​െൻറ അഭാവം വലിയ തിരിച്ചടിയായിട്ടുണ്ട്​. ഒന്നാം പിണറായി സർക്കാറി​െൻറ കാലത്ത്​ 238 പദ്ധതികളാണ്​ അനുവദിച്ചത്​. എന്നാൽ, ബജറ്റിൽ ഫണ്ട്​ വകയിരുത്തിയാലും ലഭ്യമാവുന്നില്ലെന്നാണ്​ മ​റ്റൊരു പ്രശ്​നം. ഭരണാനുമതി ലഭിച്ചാലും ഫണ്ട്​ അനുവദിക്കുന്നതിൽ കാലതാമസം വരുന്നു. സംസ്​ഥാനം കടുത്ത സാമ്പത്തിക പ്രതിസന്ധിയിലായ പുതിയ സാഹചര്യത്തിൽ സ്വാഭാവികമായും ജില്ലയിലെ പദ്ധതികളെയും അത്​ ബാധിക്കും.

(തുടരും)