ജനാർദന നായകിനെ എന്തിനാണ് മഴയത്ത് നിർത്തുന്നത്?

ബ​ദി​യ​ടു​ക്ക: പ​ട്ടി​ക​വ​ർ​ഗ കു​ടും​ബ​ത്തി​ലെ ജ​നാ​ർ​ദ​ന നാ​യ​കി​ന്‍റെ പൊ​ളി​ഞ്ഞു​വീ​ണ വീ​ട് സ​ർ​ക്കാ​റി​ന്‍റെ ലൈ​ഫ് ഭ​വ​ന​പ​ദ്ധ​തി​യി​ൽ ഭ​വ​ന​ര​ഹി​ത​രു​ടെ പ​ട്ടി​ക​യി​ൽ ഇ​ടം​പി​ടി​ക്കാ​ത്ത​ത് നി​ർ​ധ​ന കു​ടും​ബ​ത്തെ ദു​രി​ത​ത്തി​ലാ​ക്കി. അ​ന്വേ​ഷ​ണം ന​ട​ത്തി​യ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ന്‍റെ ക​ണ്ണി​ൽ വാ​സ​യോ​ഗ്യ​ത​യു​ള്ള വീ​ടെ​ന്ന റി​പ്പോ​ർ​ട്ട് ലൈ​ഫ് ഭ​വ​ന പ്ര​തീ​ക്ഷ​യും ഇ​ല്ലാ​താ​ക്കി. ബ​ദി​യ​ടു​ക്ക പ​ഞ്ചാ​യ​ത്തി​ലെ പ​ത്താം വാ​ർ​ഡ് ബാ​റ​ഡു​ക്ക ക​ന​ക്ക​പ്പാ​ടി​യി​ലെ ജ​നാ​ർ​ദ​ന നാ​യ​ക്കാ​ണ് മേ​ൽ​ക്കൂ​ര ത​ക​ർ​ന്ന വീ​ടി​ന്‍റെ വ​രാ​ന്ത​യി​ൽ ക​ഴി​യു​ന്ന​ത്.

36 വ​ർ​ഷം മു​മ്പാ​ണ് കു​ടും​ബ​സ്വ​ത്താ​യി ല​ഭി​ച്ച സ്ഥ​ല​ത്ത് ഓ​ടി​ട്ട മേ​ൽ​ക്കൂ​ര​യു​ള്ള വീ​ട് കെ​ട്ടി​യ​ത്. ക​ഴി​ഞ്ഞ കാ​ല​വ​ർ​ഷ​ത്തി​ലു​ണ്ടാ​യ ശ​ക്ത​മാ​യ കാ​റ്റി​ൽ മ​രം വീ​ണ് വീ​ട് ഭാ​ഗി​ക​മാ​യി ത​ക​ർ​ന്നു. ചു​മ​രു​ക​ൾ​ക്ക് വി​ള്ള​ലു​ണ്ടാ​യി. റ​വ​ന്യൂ വ​കു​പ്പ് വ​ഴി ല​ഭി​ക്കു​ന്ന ധ​ന​സ​ഹാ​യ​ത്തി​ന് അ​പേ​ക്ഷ ന​ൽ​കി​യെ​ങ്കി​ലും ല​ഭി​ച്ചി​ല്ല. നി​ല​വി​ൽ പൂ​ർ​ണ​മാ​യും നി​ലംപ​തി​ക്കു​ന്ന സ്ഥി​തി​യി​ലാ​ണ്.

അ​ക​ത്ത് ഉ​റ​ങ്ങാ​ൻ ഭ​യ​മു​ള്ള​തി​നാ​ൽ വ​രാ​ന്ത​യി​ലാ​ണ് ക​ഴി​യു​ന്ന​ത്. ലൈ​ഫ് പ​ദ്ധ​തി​യി​ൽ വീ​ട്​ ല​ഭി​ക്കു​മെ​ന്ന പ്ര​തീ​ക്ഷ ഉ​ണ്ടാ​യി​രു​ന്നു. എ​ന്നാ​ൽ, അ​തും ല​ഭി​ക്കി​ല്ലെ​ന്ന് അ​റി​ഞ്ഞ​തോ​ടെ ആ​രോ​ടാ​ണ് ഇ​നി പ​റ​യേ​ണ്ട​തെ​ന്ന ചോ​ദ്യ​മാ​ണ് ഇ​വ​രു​ടെ മു​ന്നി​ലു​ള്ള​ത്. വാ​സ​യോ​ഗ്യ​മാ​യ വീ​ടു​ക​ൾ പൊ​ളി​ച്ച് പു​തി​യ വീ​ട് കെ​ട്ടാ​ൻ ത​യാ​റാ​യ​വ​ർ​ക്ക് അ​വ​സ​ര​മു​ണ്ടാ​ക്കി കൊ​ടു​ത്തെ​ന്ന പ​രാ​തി അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്കു​നേ​രെ ബ​ദി​യ​ടു​ക്ക​യി​ൽ ഉ​യ​ർ​ന്നു​വ​രു​ന്നു. എ​ന്നാ​ൽ, ജ​നാ​ർ​ദ​ന നാ​യ​ക് പ​ട്ടി​ക​യി​ൽ​നി​ന്ന് പു​റ​ത്താ​യ​ത് സ​മ്മ​ർ​ദം ഇ​ല്ലാ​ത്ത​തി​നാ​ലാ​ണെ​ന്നും പ​റ​യു​ന്നു. 65 വ​യ​സ്സു​ള്ള ഇ​യാ​ൾ​ക്ക് നാ​ല് പെ​ൺ മ​ക്ക​ളാ​ണു​ള്ള​ത്. ഇ​വ​രെ ക​ല്യാ​ണം ക​ഴി​ച്ചു​കൊ​ടു​ത്തി​രു​ന്നു. കൂ​ലി​പ്പ​ണി എ​ടു​ത്താ​ണ് കു​ടും​ബം ക​ഴി​യു​ന്ന​ത്. ഇ​പ്പോ​ൾ അ​തി​ന് ക​ഴി​യു​ന്നി​ല്ല. എ​ട്ടു വ​ർ​ഷം മു​മ്പ് ഭാ​ര്യ ഗീ​ത തീ​പൊ​ള്ള​ലേ​റ്റ് മ​രി​ച്ചു. ഇ​തോ​ടെ ജ​നാ​ർ​ദ​ന ഒ​റ്റ​ക്കാ​യി. ശാ​ര​ദ എ​ന്ന മ​ക​ളാ​ണ് സ​ഹാ​യി​ക്കാ​നു​ള്ള​ത്. വൃ​ക്ക​രോ​ഗ​ത്തി​ന് പ്ര​തി​മാ​സം 2,000 രൂ​പ മ​രു​ന്നി​ന് വേ​ണം. ആ​ശു​പ​ത്രി​യി​ൽ പോ​കാ​നും പ​ണം ക​ണ്ടെ​ത്ത​ണം. സ​ർ​ക്കാ​ർ പെ​ൻ​ഷ​ൻ 1,600 രൂ​പ മാ​ത്ര​മാ​ണ് വ​രു​മാ​നം. മ​രി​ക്കു​ന്ന​തി​ന് മു​മ്പ് അ​ന്തി​യു​റ​ങ്ങാ​ൻ വീ​ട് വേ​ണ​മെ​ന്ന​താ​ണ് ആ​ഗ്ര​ഹ​മെ​ന്ന് ജ​നാ​ർ​ദ​ന നാ​യ​ക് പ​റ​യു​ന്നു.

അ​തേ​സ​മ​യം, ഈ ​കു​ടും​ബ​ത്തി​ന്‍റെ ദു​രി​തം നേ​രി​ട്ട് അ​റി​യാ​മെ​ന്നും സാ​ങ്കേ​തി​ക പ്ര​ശ്ന​മാ​ണ് നേ​ര​ത്തെ പ​ട്ടി​ക​യി​ൽ പെ​ടാ​തെ പോ​യ​തി​ന് കാ​ര​ണ​മെ​ന്നും അ​ധി​ക പ​ട്ടി​ക​യി​ൽ ഉ​ൾ​പ്പെ​ടു​ത്താ​നു​ള്ള ശ്ര​മം ന​ട​ത്തു​ന്ന​താ​യും വാ​ർ​ഡ് ജ​ന​പ്ര​തി​നി​ധി കൂ​ടി​യാ​യ പ​ഞ്ചാ​യ​ത്ത് പ്ര​സി​ഡ​ൻ​റ് ബി. ​ശാ​ന്ത ‘മാ​ധ്യ​മ’​ത്തോ​ട് പ​റ​ഞ്ഞു.