നാടാകെ പൂക്കളം പദ്ധതി വിളവെടുപ്പ് ഉദ്ഘാടനം

കാസർകോട്: വലിയപറമ്പ പഞ്ചായത്തിന്റെ നാടാകെ പൂക്കളം പദ്ധതിയുടെ ഉദ്ഘാടനം മാടക്കാലില്‍ പഞ്ചായത്ത് പ്രസിഡന്റ് വി.വി. സജീവന്‍ നിര്‍വഹിച്ചു. വികസനകാര്യ സ്​ഥിരംസമിതി ചെയര്‍മാന്‍ ഖാദര്‍ പണ്ഡ്യാല അധ്യക്ഷത വഹിച്ചു. വാര്‍ഡ് മെംബര്‍ എം. താജുന്നീസ, എം. ഹസീന എന്നിവര്‍ സംസാരിച്ചു. കൃഷി ഓഫിസര്‍ ശിവകുമാര്‍ സ്വാഗതവും എ.ഡി.എസ് അംഗം നിഷ വിനോദ് നന്ദിയും പറഞ്ഞു.

ഓണത്തിന് പൂക്കളമൊരുക്കാന്‍ ചെണ്ടുമല്ലിത്തൈകള്‍ പഞ്ചായത്തിലെ 2860 വീടുകളിലേക്കാണ് എത്തിച്ചത്​. കൃഷിക്ക് പിന്തുണയുമായി വലിയപറമ്പ കൃഷിഭവനും പദ്ധതിയില്‍ സജീവമായിരുന്നു. പഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി നാലു ലക്ഷം രൂപ ചെലവിലാണ് നാടാകെ പൂക്കളം പദ്ധതി നടപ്പാക്കിയത്.