ഹൈവേ വികസനം; അപകടസാധ്യതയെന്ന് നാട്ടുകാർ; പ്രതിഷേധം ശ​ക്തം

കാ​സ​ർ​കോ​ട്: മൊ​ഗ്രാ​ൽ പാ​ലം പു​ന​ർ​നി​ർ​മി​ക്കാ​തെ ഹൈ​വേ നി​ർ​മാ​ണം പൂ​ർ​ത്തി​യാ​ക്കാ​നു​ള്ള അ​ധി​കൃ​ത​രു​ടെ നീ​ക്കം വ​ൻ പ്ര​തി​ഷേ​ധ​ത്തി​ന് കാ​ര​ണ​മാ​കു​ന്നു. പ്ര​സ്തു​ത റീ​ച്ചി​ൽ കാ​സ​ർ​കോ​ട്ടു​നി​ന്ന് ത​ല​പ്പാ​ടി ഭാ​ഗ​ത്തേ​ക്ക് സ്ലി​പ് റോ​ഡ് ക​ഴി​ഞ്ഞാ​ൽ അ​വി​ടെ​നി​ന്ന് മൊ​ഗ്രാ​ൽ പാ​ലം വ​ഴി പോ​കാ​ൻ സ​ർ​വി​സ് റോ​ഡോ ന​ട​പ്പാ​ത​യോ ഇ​ല്ലാ​ത്ത​ത് ജ​ന​ങ്ങ​ൾ ഭീ​തി​യോ​ടെ​യാ​ണ് കാ​ണു​ന്ന​ത്. മാ​ത്ര​മ​ല്ല, ഇ​വി​ടെ ശാ​സ്ത്രീ​യ​മാ​യ ഡ്രെ​യ്നേ​ജ് സം​വി​ധാ​ന​മി​ല്ലാ​ത്ത​തും ദു​രി​ത​മി​ര​ട്ടി​പ്പി​ക്കും.

മൊ​ഗ്രാ​ൽ പാ​ലം പു​ന​ർ​നി​ർ​മി​ക്കാ​ത്ത​തു​മൂ​ലം ഇ​വി​ടെ​യെ​ത്തു​മ്പോ​ൾ മൂ​ന്നു​വ​രി ഹൈ​വേ ര​ണ്ടു​വ​രി​യാ​യി ചു​രു​ങ്ങു​ക​യും ചെ​യ്യു​ന്നു. ക​ണ്ണൂ​രി​ൽ​നി​ന്ന​ട​ക്കം വി​വി​ധ ആ​വ​ശ്യ​ങ്ങ​ൾ​ക്കാ​യി മം​ഗ​ളൂ​രു​വി​ലേ​ക്ക് നി​ര​വ​ധി വാ​ഹ​ന​ങ്ങ​ളാ​ണ് ഇ​തു​വ​ഴി ക​ട​ന്നു​പോ​കു​ന്ന​ത്. പാ​ല​ത്തി​ലെ​ത്തു​മ്പോ​ൾ പൊ​ടു​ന്ന​നെ പാ​ത ര​ണ്ടാ​യി ചു​രു​ങ്ങു​ന്ന​ത് വേ​ഗ​ത്തി​ൽ വ​രു​ന്ന വാ​ഹ​ന​ങ്ങ​ൾ പ​ര​സ്പ​രം കൂ​ട്ടി​മു​ട്ടി വ​ൻ അ​പ​ക​ട​ങ്ങ​ളി​ൽ​പെ​ടാ​നു​ള്ള സാ​ധ്യ​ത ഏ​റെ​യാ​ണ്. പ​ഴ​യ മൊ​ഗ്രാ​ൽ പാ​ലം പൊ​ളി​ച്ച് മൂ​ന്നു​വ​രി​യാ​ക്കി പു​ന​ർ​നി​ർ​മി​ക്കു​ക​യും സ​ർ​വി​സ് റോ​ഡ് സ്ഥാ​പി​ക്കു​ക​യും ചെ​യ്താ​ൽ മാ​ത്ര​മേ ഈ ​പ്ര​ശ്ന​ത്തി​ന് പ​രി​ഹാ​ര​മാ​വു​ക​യു​ള്ളൂ​വെ​ന്നും ജ​ന​ങ്ങ​ളു​ടെ ആ​ശ​ങ്ക​യ​ക​റ്റ​ണ​മെ​ന്നും മൊ​ഗ്രാ​ൽ ദേ​ശീ​യ​വേ​ദി പ്ര​സി​ഡ​ന്റ് ടി.​കെ. അ​ൻ​വ​ർ, ജ​ന. സെ​ക്ര​ട്ട​റി എം.​എ. മൂ​സ എ​ന്നി​വ​ർ ആ​വ​ശ്യ​പ്പെ​ട്ടു.