കാഞ്ഞങ്ങാട് റാലിയിലെ വിദ്വേഷ മുദ്രാവാക്യം; മൂന്നുപേർ കൂടി അറസ്റ്റിൽ

കാ​സ​ർ​കോ​ട്: കാ​ഞ്ഞ​ങ്ങാ​ട് ന​ട​ന്ന മു​സ്‍ലിം യൂ​ത്ത് ലീ​ഗ് റാ​ലി​യി​ലെ വി​ദ്വേ​ഷ മു​ദ്രാ​വാ​ക്യം വി​ളി​ച്ച​തി​ന് മൂ​ന്നു​പേ​ർ കൂ​ടി അ​റ​സ്റ്റി​ൽ. തെ​ക്കേ​പ്പു​റം നൗ​ഷാ​ദ് മ​ൻ​സി​ലി​ൽ പി.​എം. നൗ​ഷാ​ദ് (42), അ​ജാ​നൂ​ർ ആ​റ​ങ്ങാ​ടി സാ​യ സ​മീ​ർ (35), പ്രാ​യ​പൂ​ർത്തി​യാ​കാ​ത്ത കു​ട്ടി എ​ന്നി​വ​രാ​ണ് അ​റ​സ്റ്റി​ലാ​യ​ത്.

പ്രാ​യ​പൂ​ർ​ത്തി​യാ​കാത്ത കു​ട്ടിയുടെ പി​താ​വി​ന് പൊ​ലീ​സ് നോ​ട്ടീ​സ് ന​ൽ​കി​യി​ട്ടു​ണ്ട്. വി​ദ്വേ​ഷ റാ​ലി​യി​ലെ മു​ദ്രാ​വാ​ക്യം വി​ളി​ച്ച​യാ​ൾ ഉ​ൾ​പ്പെ​ടെ അ​ഞ്ചു​പേ​രെ ക​ഴി​ഞ്ഞ ദി​വ​സം അ​റ​സ്റ്റ് ചെ​യ്തി​രു​ന്നു. അ​ബ്ദു​ല്‍ സ​ലാം (18), ശ​രീ​ഫ് (38), ഹാ​ശി​ര്‍ (25), പി.​എ​ച്ച്. അ​യ്യൂ​ബ് (45), പി. ​മു​ഹ​മ്മ​ദ് കു​ഞ്ഞി (55) എ​ന്നി​വ​രാ​ണ് അ​റ​സ്റ്റി​ലാ​യ​ത്. ഇ​വ​ർ​ക്കെ​തി​രെ ജാ​മ്യ​മി​ല്ല വ​കു​പ്പു​ക​ളാ​ണ് ചു​മ​ത്തി​യ​ത്. ഇ​വ​രെ റി​മാ​ൻ​ഡ് ചെ​യ്തു. കേ​സി​ൽ എ​ട്ടു​പേ​ർ ഇ​തു​വ​രെ അ​റ​സ്റ്റി​ലാ​യി.

അ​തി​നി​ടെ റാ​ലി​യു​മാ​യി ബ​ന്ധ​പ്പെ​ട്ട് സാ​മൂ​ഹിക മാ​ധ്യ​മ​ങ്ങ​ളി​ൽ പ്ര​കോ​പ​നപ​ര​മാ​യ പോ​സ്റ്റു​ക​ൾ ഇ​ട്ട​വ​ർ​ക്കെ​തി​രെ കേ​സ് ര​ജി​സ്റ്റ​ർ ചെ​യ്ത് കാ​സ​ർ​കോ​ട് സൈ​ബ​ർ പൊ​ലീ​സ്. റാ​ലി​യു​ടെ വി​ഡി​യോ സോ​ഷ്യ​ൽ മീ​ഡി​യ​യി​ൽ പ്ര​ച​രി​ക്കു​ക​യും, നി​ര​വ​ധി പേ​ർ ഇ​തു​മാ​യി ബ​ന്ധ​പ്പെ​ട്ട് പ്ര​കോ​പ​ന​പ​ര​മാ​യ ക​മന്റു​ക​ളും ഇ​ട്ടി​രു​ന്നു.

ഇ​തു​മാ​യി ബ​ന്ധ​പ്പെ​ട്ട് അ​ഞ്ചു​കേ​സു​ക​ൾ ര​ജി​സ്റ്റ​ർ ചെ​യ്തു. ഐ.​പി.​സി 153 പ്ര​കാ​രം ല​ഹ​ള​യു​ണ്ടാ​ക്ക​ണ​മെ​ന്ന ഉ​ദ്ദേ​ശ്യത്തോ​ടുകൂ​ടി​യു​ള്ള പ്ര​കോ​പ​ന​മെ​ന്ന വ​കു​പ്പി​ലാ​ണ് അ​ഞ്ച് കേ​സു​ക​ളും ര​ജി​സ്റ്റ​ർ ചെ​യ്തി​ട്ടു​ള്ള​ത്. ജി​ല്ല​ക്ക് അ​ക​ത്ത് നി​ന്നും പു​റ​ത്ത് നി​ന്നും ഉ​ള്ള​വ​ർ പ്ര​തി​ക​ളാ​ണ്. നാ​ട്ടി​ൽ സ​മാ​ധാ​ന അ​ന്ത​രീ​ക്ഷ​ത്തി​ൽ ക​ഴി​യു​ന്ന ജ​ന​ങ്ങ​ളു​ടെ സ്വൈ​ര ജീ​വി​ത​ത്തി​ന് ഭം​ഗം ഉ​ണ്ടാ​കു​ക​യും ജ​ന​ങ്ങ​ളി​ൽ ഭ​യം ജ​നി​പ്പി​ക്കു​ക​യും അ​തു​വ​ഴി സ​മൂ​ഹ​ത്തി​ൽ ല​ഹ​ള ഉ​ണ്ടാ​ക്ക​ണ​മെ​ന്ന അ​റി​വോ​ടെ പോ​സ്റ്റ്‌ ചെ​യ്യു​ക​യും ചെ​യ്തു എ​ന്ന​താ​ണ് കു​റ്റം.

ഇ​ത്ത​ര​ത്തി​ൽ സോ​ഷ്യ​ൽ മീ​ഡി​യ​യി​ൽ പോ​സ്റ്റ്‌ ചെ​യ്യു​ന്ന​വ​രെ ഇ​നി​യും നി​രീ​ക്ഷി​ക്കു​ക​യും, അ​വ​ർ​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​മെ​ന്നും ജാ​മ്യ​മി​ല്ല വ​കു​പ്പു​ക​ൾ ഉ​ൾ​പ്പെ​ടെ ചു​മ​ത്തു​മെ​ന്നും ജി​ല്ല പൊ​ലീ​സ് മേ​ധാ​വി ഡോ. ​വൈ​ഭ​വ് സ​ക്സേ​ന അ​റി​യി​ച്ചു.