Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightകാസർകോട്​ ജില്ലയിലെ...

കാസർകോട്​ ജില്ലയിലെ ആദ്യ ഒാക്​സിജൻ പ്ലാൻറ്​ ആഗസ്​റ്റോടെ യാഥാർഥ്യമാവും

text_fields
bookmark_border
oxygen plant
cancel
camera_alt

representational image

കാസർകോട്​: ജില്ലയിലെ ആദ്യത്തെ ഒാക്​സിജൻ പ്ലാൻറ്​ ആഗസ്​റ്റ്​​ അവസാനത്തോടെ യാഥാർഥ്യമാവും. ചട്ടഞ്ചാലിലെ വ്യവസായ പാര്‍ക്കിലെ ജില്ല പഞ്ചായത്തി​െൻറ ഉടമസ്ഥതയിലുള്ള 50 സെൻറ്​ സ്ഥലത്താണ് പ്ലാൻറ്​ ഒരുങ്ങുന്നത്​. 1.87 കോടി രൂപ ചെലവിൽ കൊച്ചി ആസ്​ഥാനമായ കെയർ സിസ്​റ്റംസിനാണ്​ നിർമാണച്ചുമതല.

പദ്ധതിയുടെ വിവിധ പേപ്പർ ജോലികൾ പൂർത്തീകരിച്ചു. തിങ്കളാഴ്​ച സിവിൽ പ്രവൃത്തികൾക്ക്​ തുടക്കമാവും. പ്ലാൻറ്​ എത്തുന്നതിനുമുമ്പുള്ള സിവിൽ പ്രവൃത്തികളാണ്​ തിങ്കളാഴ്​ച ആരംഭിക്കുന്നത്​. പ്ലാൻറിനായുള്ള ഷെഡ്​ അനുബന്ധ കെട്ടിടങ്ങൾ തുടങ്ങിയവയാണ്​ ആദ്യ ഘട്ടത്തിൽ ഒരുക്കുക.

തുടർന്ന്​ പ്ലാൻറ്​ സ്​ഥാപിക്കും. സിവില്‍ പ്രവൃത്തികളുടെ ചുമതല നിർമിതികേന്ദ്രമാണ്​ നടപ്പിലാക്കുക. ജില്ല വ്യവസായകേന്ദ്രം മാനേജറാണ് പദ്ധതിയുടെ നിർവഹണ ഉദ്യോഗസ്ഥന്‍. 2.87 ലക്ഷം രൂപയാണ്​ പദ്ധതിക്കായി മാറ്റിവെച്ചത്​. ഇതിൽ ജില്ല പഞ്ചായത്ത്​ 97 ലക്ഷം രൂപ വകയിരുത്തി. നാലും അഞ്ചും ലക്ഷം വീതം ജില്ലയിലെ തദ്ദേശസ്​ഥപാനങ്ങളും വകയിരുത്തി. മൂന്നാംതരംഗം ഉണ്ടാവുകയാണെങ്കിൽ ജില്ലക്ക് ​ആവശ്യമായ ഒാക്​സിജൻ ഇവിടെ ലഭ്യമാക്കാൻ കഴിയുമെന്നാണ്​ പ്രതീക്ഷിക്കുന്നത്​.

ദിവസം 200 സിലിണ്ടര്‍ ഓക്‌സിജന്‍ ഉല്‍പാദിപ്പിക്കാന്‍ സാധിക്കുന്ന പ്ലാൻറാണിത്​. പദ്ധതിയുടെ 20ശതമാനം തുക മുൻകൂറായി കമ്പനി നൽകണമെന്നാണ്​ വ്യവസ്​ഥ. 50​ ശതമാനം തുക പ്ലാൻറ്​ സ്​ഥാപിക്കുന്ന വേളയിലും ശേഷിക്കുന്ന 30 ശതമാനം തുക പൂർത്തീകരിച്ചശേഷവും നൽകുന്ന വിധമാണ്​ കരാർ. ജില്ല പഞ്ചായത്ത്​ പ്രസിഡൻറ്​ ബേബി ബാലകൃഷ്​ണൻ, മുൻ കലക്​ടർ ഡോ. ഡി. സജിത്​ ബാബു, ജില്ല വ്യവസായകേന്ദ്രം ജനറൽ മാനേജർ ഇൻചാർജ്​ കെ. സജിത്​ കുമാർ തുടങ്ങിയവരുടെ സാന്നിധ്യത്തിലാണ്​ കരാർ ഒപ്പിട്ടത്​.

കോവിഡ്​ കാല ആവശ്യം കഴിഞ്ഞാൽ ഭാവിയില്‍ വ്യവസായികാവശ്യങ്ങള്‍ക്കുകൂടി ഉപയോഗപ്പെടുത്താന്‍ പറ്റുന്നതരത്തിലാണ് പ്ലാൻറ്​ നിര്‍മിക്കുന്നത്. സെപ്​റ്റംബർ ആദ്യവാരത്തിൽ പ്ലാൻറിൽനിന്ന്​ ഒാക്​സിജൻ വിതരണം നടത്താനാവുമെന്നാണ്​ പ്രതീക്ഷിക്കുന്നതെന്ന്​ ജില്ല വ്യവസായകേന്ദ്രം ജനറൽ മാനേജർ ഇൻചാർജ്​ കെ. സജിത്​ കുമാർ പറഞ്ഞു.

Show Full Article
TAGS:kasargod oxygen plant 
News Summary - first oxygen plant in Kasargod district will be operational by August
Next Story