ആശ്വാസം; ഒ​ടു​വി​ൽ മാ​ലി​ന്യം നീ​ക്കി ന​ഗ​ര​സ​ഭ

കാ​സ​ർ​കോ​ട്: ന​ഗ​ര​സ​ഭ​യി​ലെ ക​റ​ന്ത​ക്കാ​ട് ഉ​മ ന​ഴ്സി​ങ് ഹോ​മി​ന് സ​മീ​പ​ത്തെ മാ​ലി​ന്യം ഒ​ടു​വി​ൽ നീ​ക്കി. പ്ര​ദേ​ശ​ത്ത് മാ​ലി​ന്യം ത​ള്ളു​ന്ന​ത് പ​തി​വാ​യി​രു​ന്നു. തെ​രു​വു​വി​ള​ക്കു​ള്ള സ്ഥ​ല​മാ​യി​ട്ടും രാ​ത്രി​ വാ​ഹ​ന​ത്തി​ലെ​ത്തി​യാ​ണ് മാ​ലി​ന്യം ത​ള്ളി​യി​രു​ന്ന​ത്. 21ാം തീ​യ​തി ‘മാ​ലി​ന്യ​ത്താ​ൽ വ​ല​ഞ്ഞ് ജ​നം’​ത​ല​ക്കെ​ട്ടി​ൽ ‘മാ​ധ്യ​മം’​ഇ​ത് വാ​ർ​ത്ത​യാ​ക്കി​യി​രു​ന്നു.

മാ​ലി​ന്യം ത​ള്ളി​യി​രു​ന്ന ഇ​ട​ത്തെ ഉ​മ ന​ഴ്സി​ങ് ഹോം ​മു​മ്പ് കാ​സ​ർ​കോ​ട്ടെ പ്ര​മു​ഖ ആ​ശു​പ​ത്രി​യാ​യി​രു​ന്നു. പി​ന്നീ​ട് പൂ​ട്ടു​ക​യാ​യി​രു​ന്നു. കാ​ടു​പി​ടി​ച്ച് വി​ജ​ന​മാ​യ ഇ​വി​ടെ വാ​ട​ക​വീ​ടു​ക​ള​ട​ക്കം ഉ​ണ്ടാ​യി​രു​ന്നെ​ങ്കി​ലും മാ​ലി​ന്യ​ദു​ർ​ഗ​ന്ധം കാ​ര​ണം എ​ല്ലാ​വ​രും ഒ​ഴി​ഞ്ഞു​പോ​വു​ക​യാ​യി​രു​ന്നു. പ​ല​രും വാ​ഹ​ന​ങ്ങ​ളി​ൽ മൂ​ക്കു​പൊ​ത്തി​യാ​ണ് ഇ​തു​വ​ഴി പോ​യി​രു​ന്ന​ത്. തി​ക​ച്ചും ദു​സ്സ​ഹ​മാ​യി​രു​ന്നു ഇ​വി​ട​ത്തെ കാ​ഴ്ച.

തെ​രു​വു​നാ​യ്ക്ക​ളും മ​റ്റും മാ​ലി​ന്യം റോ​ഡി​ലേ​ക്ക് വ​ലി​ച്ചു​കൊ​ണ്ടി​ടു​ന്ന​തും കോ​ഴി​മാ​ലി​ന്യ​മ​ട​ക്കം ഇ​വി​ടെ ത​ള്ളു​ന്ന​താ​യും കൗ​ൺ​സി​ല​ർ ‘മാ​ധ്യ​മ’​ത്തോ​ട് പ​റ​ഞ്ഞി​രു​ന്നു. വാ​ർ​ഡ് അം​ഗ​മ​ട​ക്കം ന​ഗ​ര​സ​ഭ ആ​രോ​ഗ്യ വി​ഭാ​ഗ​ത്തെ അ​റി​യി​ച്ചെ​ങ്കി​ലും ന​ട​പ​ടി​യു​ണ്ടാ​യി​രു​ന്നി​ല്ല. വാ​ർ​ത്ത വ​ന്ന​തോ​ടെ ജ​നം പ്ര​ശ്നം ഏ​റ്റെ​ടു​ത്തു. തു​ട​ർ​ന്നാ​ണ് അ​ഞ്ചാം വാ​ർ​ഡ് അം​ഗം ഹേ​മ​ല​ത ന​ഗ​ര​സ​ഭ​യി​ൽ അ​റി​യി​ച്ച​തും ശു​ചീ​ക​ര​ണ വി​ഭാ​ഗം വ​ന്ന് മാ​ലി​ന്യം മു​ഴു​വ​നാ​യി നീ​ക്കി​യ​തും.