ദേശീയപാതയിൽനിന്ന് കു​മ്പ​ള ടൗണിലേക്ക് പ്രവേശനമില്ല; ​ഇനി ടൗ​ണി​ലെ​ത്താ​ൻ കാ​സ​ർ​കോ​ട്ടു​നി​ന്നുള്ള വാഹനങ്ങൾ സർവീസ് റോഡിനെ ആശ്രയിക്കണം

മൊ​ഗ്രാ​ൽ: കു​മ്പ​ള ടൗ​ണി​ലേ​ക്ക് ദേ​ശീ​യ​പാ​ത​യി​ൽ​നി​ന്ന് നേ​രി​ട്ട് പ്ര​വേ​ശി​ക്കാ​നു​ള്ള സാ​ധ്യ​ത അ​ട​ഞ്ഞു. ഇ​തോ​ടെ, ഇ​നി ടൗ​ണി​ലെ​ത്താ​ൻ കാ​സ​ർ​കോ​ട്ടു​നി​ന്ന് വ​രു​ന്ന വാ​ഹ​ന​ങ്ങ​ളും ബ​സു​ക​ളും വീ​തി​കു​റ​ഞ്ഞ സ​ർ​വി​സ് റോ​ഡി​നെ ആ​ശ്ര​യി​ക്കേ​ണ്ടി​വ​രും. കാ​സ​ർ​കോ​ട് ഭാ​ഗ​ത്തേ​ക്ക് പോ​കേ​ണ്ട​തും ഇ​തേ സ​ർ​വി​സ് റോ​ഡി​ലൂ​ടെ​യാ​ണ്. ഇ​ത് വ​ലി​യ ഗ​താ​ഗ​ത​ക്കു​രു​ക്കി​ന് വ​ഴി​യൊ​രു​ക്കും.

ജ​ന​പ്ര​തി​നി​ധി​ക​ൾ വി​ഷ​യ​ത്തി​ൽ കൈ​മ​ല​ർ​ത്തി​യി​രു​ന്നു. അ​തു​കൊ​ണ്ട് അ​വ​സാ​ന ശ്ര​മ​മെ​ന്ന​നി​ല​യി​ൽ കു​മ്പ​ള പൗ​ര​സ​മി​തി ബി.​ജെ.​പി ജി​ല്ല പ്ര​സി​ഡ​ന്റ് എം.​എ​ൽ. അ​ശ്വി​നി​യെ ക​ണ്ട് ഇ​ട​പെ​ട​ൽ ന​ട​ത്തി കേ​ന്ദ്ര​മ​ന്ത്രി നി​തി​ൻ ഗ​ഡ്ക​രി​യെ നേ​രി​ട്ടു​ക​ണ്ട് നി​വേ​ദ​നം ന​ൽ​കി​യെ​ങ്കി​ലും ഫ​ല​മു​ണ്ടാ​യി​ല്ല.

ഇ​തി​നാ​യി പൗ​ര​സ​മി​തി കു​മ്പ​ള​യി​ൽ​നി​ന്ന് പ​രാ​തി ന​ൽ​കു​ന്ന​തി​നാ​യി വ്യാ​പാ​രി​ക​ള​ട​ക്കം നൂ​റു​ക​ണ​ക്കി​നാ​ളു​ക​ളു​ടെ ഒ​പ്പു​ശേ​ഖ​ര​ണ​വും ന​ട​ത്തി​യി​രു​ന്നു. സി​ഗ്ന​ൽ സം​വി​ധാ​ന​മെ​ങ്കി​ലും ന​ട​പ്പി​ലാ​ക്കു​മെ​ന്ന് പ്ര​തീ​ക്ഷി​ച്ച​താ​ണ്. ഇ​പ്പോ​ൾ എ​ല്ലാ പ്ര​തീ​ക്ഷ​യും മ​ങ്ങി. നി​ർ​മാ​ണ​വു​മാ​യി മു​ന്നോ​ട്ടു​പോ​കാ​നാ​ണ് നി​ർ​മാ​ണ ക​മ്പ​നി​യോ​ട് ബ​ന്ധ​പ്പെ​ട്ട​വ​ർ ആ​വ​ശ്യ​പ്പെ​ട്ടി​രി​ക്കു​ന്ന​ത്.

ടൗ​ണി​ൽ ദേ​ശീ​യ​പാ​ത പൂ​ർ​ത്തി​യാ​ക്കു​ന്ന​തി​നാ​യി സം​ര​ക്ഷ​ണ​മ​തി​ൽ നി​ർ​മാ​ണ​ത്തി​നാ​യി ക​ഴി​ഞ്ഞ​ദി​വ​സം മു​ത​ൽ പു​തി​യ ട്രാ​ഫി​ക് സം​വി​ധാ​നം നി​ർ​മാ​ണ ക​മ്പ​നി അ​ധി​കൃ​ത​ർ ഏ​ർ​പ്പെ​ടു​ത്തി​യി​രു​ന്നു. എ​ന്നാ​ൽ, കാ​സ​ർ​കോ​ട് ഭാ​ഗ​ത്തു​നി​ന്ന് വ​രു​ന്ന കെ.​എ​സ്.​ആ​ർ.​ടി.​സി ബ​സു​ക​ൾ റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തു​ള്ള അ​ടി​പാ​ത​വ​ഴി ടൗ​ണി​ലേ​ക്ക് വ​രു​ന്നി​ല്ലെ​ന്ന പ​രാ​തി മം​ഗ​ളൂ​രു​വി​ലേ​ക്ക് പോ​കു​ന്ന വി​ദ്യാ​ർ​ഥി​ക​ൾ​ക്കും വ്യാ​പാ​രി​ക​ൾ​ക്കു​മു​ണ്ട്.

അ​ഞ്ഞൂ​റോ​ളം വ്യാ​പാ​രി​ക​ളു​ള്ള കു​മ്പ​ള ടൗ​ണി​ന്റെ ക​വാ​ടം അ​ട​ക്ക​രു​തെ​ന്നു​കാ​ണി​ച്ച് നേ​ര​ത്തെ ജ​ന​പ്ര​തി​നി​ധി​ക​ൾ​ക്കും ദേ​ശീ​യ​പാ​ത അ​തോ​റി​റ്റി ഉ​ദ്യോ​ഗ​സ്ഥ​ർ​ക്കും നി​ര​ന്ത​ര​മാ​യി നി​വേ​ദ​ന​ങ്ങ​ളും മ​റ്റും ന​ൽ​കി​യി​രു​ന്നെ​ങ്കി​ലും എ​ല്ലാം ബ​ന്ധ​പ്പെ​ട്ട​വ​ർ അ​വ​ഗ​ണി​ച്ചു​വെ​ന്ന് നാ​ട്ടു​കാ​ർ ആ​ക്ഷേ​പി​ക്കു​ന്നു. മു​ൻ​കൂ​ട്ടി ക​ണ്ടു​കൊ​ണ്ട് ഈ ​വി​ഷ​യം ബ​ന്ധ​പ്പെ​ട്ട​വ​രെ ധ​രി​പ്പി​ക്കു​ന്ന​തി​ൽ കു​മ്പ​ള ഗ്രാ​മ​പ​ഞ്ചാ​യ​ത്തും ജ​ന​പ്ര​തി​നി​ധി​ക​ളും ശ്ര​മി​ച്ചി​ല്ലെ​ന്ന ആ​ക്ഷേ​പ​വും നാ​ട്ടു​കാ​ർ​ക്കു​ണ്ട്.

പു​തി​യ ട്രാ​ഫി​ക് സം​വി​ധാ​നം രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ന് ഇ​ട​യാ​ക്കു​മെ​ന്ന് കു​മ്പ​ള​യി​ലെ വ്യാ​പാ​രി​ക​ൾ പ​റ​യു​ന്നു​ണ്ട്. കു​മ്പ​ള​യി​ലെ വ്യ​വ​സാ​യ-​വാ​ണി​ജ്യ കേ​ന്ദ്ര​ങ്ങ​ളി​ലേ​ക്ക് എ​ത്തു​ന്ന ച​ര​ക്കു​വാ​ഹ​ന​ങ്ങ​ൾ​ക്ക് റെ​യി​ൽ​വേ സ്റ്റേ​ഷ​ൻ അ​ടി​പാ​ത​വ​ഴി വീ​തി​കു​റ​ഞ്ഞ സ​ർ​വി​സ് റോ​ഡി​ലൂ​ടെ കു​മ്പ​ള ബ​സ് സ്റ്റാ​ൻ​ഡ് വ​ഴി പോ​കാ​ൻ ഏ​റെ പാ​ടു​പെ​ടേ​ണ്ടി​വ​രും. അ​തി​നി​ടെ, സ​ർ​വി​സ് റോ​ഡി​ന്റെ വീ​തി​കൂ​ട്ടാ​ൻ സ്ഥ​ലം ഏ​റ്റെ​ടു​ക്കു​ന്ന​തി​ന് കു​മ്പ​ള ഗ്രാ​മ​പ​ഞ്ചാ​യ​ത്ത് ബ​ന്ധ​പ്പെ​ട്ട​വ​രു​ടെ സ​ഹാ​യം തേ​ടി​യി​ട്ടു​ണ്ട്.