ജീവനക്കാർ ശേഖരിക്കുന്ന മാലിന്യം മാർക്കറ്റിൽ തള്ള​ുന്നു

കാ​സ​ർ​കോ​ട്: ന​ഗ​ര​ത്തി​ൽ​നി​ന്ന് ന​ഗ​ര​സ​ഭ ജീ​വ​ന​ക്കാ​ർ ശേ​ഖ​രി​ക്കു​ന്ന മാ​ലി​ന്യം മു​നി​സി​പ്പ​ൽ മ​ത്സ്യ മാ​ർ​ക്ക​റ്റി​ൽ ത​ള്ളു​ന്നു. ചാ​ക്കി​ൽ കെ​ട്ടി കൊ​ണ്ടു​വ​ന്ന് മ​ത്സ്യം മൊ​ത്ത​ക്ക​ച്ച​വ​ടം ചെ​യ്യു​ന്ന​തി​ന് ഒ​രു​ക്കി​യ, വാ​ഹ​നം പാ​ർ​ക്ക് ചെ​യ്യു​ന്ന സ്ഥ​ല​ത്ത് നി​ക്ഷേ​പി​ക്കു​ക​യാ​ണ്. ഇ​ത് മ​ത്സ്യ​ത്തൊ​ഴി​ലാ​ളി​ക​ൾ​ക്കും മ​ത്സ്യ മൊ​ത്ത വ്യാ​പാ​രി​ക​ൾ​ക്കും മ​ത്സ്യ​വി​ത​ര​ണ തൊ​ഴി​ലാ​ളി​ക​ൾ​ക്കും ദു​രി​ത​മാ​യി. ന​ഗ​ര​ത്തി​ൽ ഏ​റ്റ​വും കൂ​ടു​ത​ൽ ജ​ന​ങ്ങ​ൾ എ​ത്തു​ന്ന മ​ത്സ്യ മാ​ർ​ക്ക​റ്റി​ൽ പ​ല സ്ഥ​ല​ങ്ങ​ളി​ൽ​നി​ന്നാ​യി ശേ​ഖ​രി​ച്ച് കൊ​ണ്ടു​വ​രു​ന്ന മാ​ലി​ന്യം നി​ക്ഷേ​പി​ക്കു​ന്ന​തി​ന് ന​ഗ​ര​സ​ഭ ഭ​ര​ണ​സ​മി​തി​യു​ടെ​യും ഉ​ന്ന​ത ഉ​ദ്യോ​ഗ​സ്ഥ​രു​ടെ​യും ഒ​ത്താ​ശ​യു​ണ്ടെ​ന്നാ​ണ് ആ​രോ​പ​ണം.

ചാ​ക്കി​ൽ കെ​ട്ടി കൊ​ണ്ടു​വ​രു​ന്ന മാ​ലി​ന്യം മ​ത്സ്യ മാ​ർ​ക്ക​റ്റി​ന​ക​ത്ത് പൊ​ടി​ച്ച് സം​സ്ക​രി​ക്കാ​ൻ സ്വ​കാ​ര്യ വ്യ​ക്തി​ക​ൾ​ക്ക് സൗ​ക​ര്യം ചെ​യ്തു​കൊ​ടു​ക്കാ​നു​ള്ള നീ​ക്ക​വും അ​ണി​യ​റ​യി​ൽ ന​ട​ക്കു​ന്ന​താ​യി മ​ത്സ്യ​ത്തൊ​ഴി​ലാ​ളി​ക​ൾ സം​ശ​യി​ക്കു​ന്നു.

മ​ത്സ്യ മാ​ർ​ക്ക​റ്റി​ൽ മ​ത്സ്യ​വി​ൽ​പ​ന ന​ട​ത്തു​ന്ന സ്ഥ​ല​ത്ത് പു​റ​ത്തു​നി​ന്ന് മാ​ലി​ന്യം ചാ​ക്കി​ൽ കെ​ട്ടി കൊ​ണ്ടു​വ​ന്ന് നി​ക്ഷേ​പി​ച്ച് തൊ​ഴി​ലാ​ളി​ക​ളെ ബു​ദ്ധി​മു​ട്ടി​ച്ചാ​ൽ മാ​ലി​ന്യം എ​ടു​ത്തു​മാ​റ്റി ന​ഗ​ര​സ​ഭ ഓ​ഫി​സ് പ​രി​സ​ര​ത്ത് നി​ക്ഷേ​പി​ക്കു​മെ​ന്ന് മ​ത്സ്യ​ത്തൊ​ഴി​ലാ​ളി​ക​ൾ മു​ന്ന​റി​യി​പ്പ് ന​ൽ​കി.