Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasaragodchevron_rightതെരഞ്ഞെടുപ്പ്​ ചെലവ്​: ...

തെരഞ്ഞെടുപ്പ്​ ചെലവ്​: കെ. സുരേന്ദ്രൻ മുന്നിൽ, ചന്ദ്രശേഖരനും ലത്തീഫിനും പാർട്ടി ഫണ്ടില്ല

text_fields
bookmark_border
K Surendran
cancel

കാസർകോട്​: നിയമസഭ തെരഞ്ഞെടുപ്പിൽ ജില്ലയിൽ ഏറ്റവും കൂടൂതൽ തുക ചെലവഴിച്ചത്​ കെ. സുരേന്ദ്രൻ. നിശ്ശബ്​ദ പ്രചാരണമാണ്​ മഞ്ചേശ്വരത്ത്​ ബി.ജെ.പി നടത്തിയതെങ്കിലും മറ്റ്​ അഞ്ചു മണ്ഡലങ്ങളിലെ വിജയിച്ച സ്​ഥാനാർഥികളേക്കാളും ജില്ലയിലെ മറ്റ്​ ബി.ജെ.പി സ്​ഥാനാർഥികളേക്കാളും കൂടുതലാണ്​ സുരേന്ദ്ര​െൻറ ചെലവ്​. ​

ചുവരെഴുത്ത്, പോസ്​റ്റർ പ്രചാരണം, മൈക്ക്​ അനൗൺസ്​മെൻറ്​ എന്നിവ കെ. സുരേന്ദ്രനുവേണ്ടി മഞ്ചേശ്വരത്ത്​ ഉണ്ടായിരുന്നില്ല. വീടുകൾ ​ േകന്ദ്രീകരിച്ച്​ സ്​ക്വാഡ്​ പ്രവർത്തനമാണ്​ ഏറെയും നടന്നത്​. എന്നിട്ടും 23,75,445 രൂപയാണ്​ സുരേന്ദ്രൻ ചെലവഴിച്ചത്​. സുന്ദരയുടെ സ്​ഥാനാർഥിത്വം പിൻവലിക്കാൻ നൽകിയതായി പറയുന്ന രണ്ടര ലക്ഷം ഇതിനു പുറത്താണ്​. തെരഞ്ഞെടുപ്പ് കമീഷന് സുരേന്ദ്രന്‍ നൽകിയ കണക്കാണിത്​.

കാസര്‍കോട് മണ്ഡലത്തില്‍ രണ്ടാം സ്ഥാനത്തെത്തിയ ബി.ജെ.പി സ്​ഥാനാർഥി അഡ്വ. കെ. ശ്രീകാന്ത്​ 18,34,128 രൂപയാണ്​ ചെലവഴിച്ചത്​. ഇതിൽ 15 ലക്ഷം രൂപയാണ്​ പാർട്ടി നൽകിയത്​. കാസർകോടും മഞ്ചേശ്വരവും 15 ലക്ഷം വീതമാണ്​ ബി.ജെ.പി സംസ്​ഥാന കമ്മിറ്റി നൽകിയത്​. ഉദുമയിൽ 10 ലക്ഷം രൂപയാണ്​ സ്​ഥാനാർഥി എ. വേലായുധന്​ നൽകിയത്​. വേലായുധന്‍ 10,40,866 രൂപ ചെലവഴിച്ചു.

കാഞ്ഞങ്ങാട്​ മണ്ഡലത്തിൽ ബി.ജെ.പി സ്​ഥാനാർഥി എം. ബൽരാജിന്​ ഏഴുലക്ഷമാണ്​ ബി.ജെ.പി നൽകിയത്​. 7,15,317 രൂപയാണ് ബല്‍രാജി​െൻറ ചെലവ്. തൃക്കരിപ്പൂരിലെ ബി.ജെ.പി സ്​ഥാനാർഥിക്ക്​ പാർട്ടി നൽകിയത്​​ 6,35,500 രൂപയാണ്​. ടി.വി. ഷിബിനായിരുന്നു സ്​ഥാനാർഥി. ഒരു സ്​ഥാനാർഥിക്ക്​ ചെലവഴിക്കാവുന്ന പരമാവധി തുക 30.8 ലക്ഷം രൂപയാണ്.

മറ്റ്​ സ്​ഥാനാർഥികളുടെ ചെലവ്​: ഉദുമയില്‍ എല്‍.ഡി.എഫി​െൻറ സി.എച്ച്. കുഞ്ഞമ്പു 22,51,984.98 രൂപ ചെലവഴിച്ചു. തൃക്കരിപ്പൂരിൽ എം. രാജഗോപാലന്‍ 21,63,514 രൂപ, കാസർകോട്​ എന്‍.എ. നെല്ലിക്കുന്ന് 19,52,617 രൂപ, മഞ്ചേശ്വരത്തെ യു.ഡി.എഫ്​ സ്​ഥാനാർഥി എ.കെ.എം. അഷറഫ് 18,85,750 രൂപ, തൃക്കരിപ്പൂരില്‍ യു.ഡി.എഫി​െൻറ എം.പി. ജോസഫ് 20,74,738 രൂപ​.

മഞ്ചേശ്വരത്ത്​ എല്‍.ഡി.എഫ് സ്ഥാനാര്‍ഥിയായിരുന്ന വി.വി. രമേശന്‍ 10,71,891 രൂപയും കാസർകോട്​ ഐ.എന്‍.എല്‍ സ്ഥാനാര്‍ഥി പി.എ. ലത്തീഫ് ആറ് ലക്ഷം രൂപയും ഉദുമയിൽ യു.ഡി.എഫി​െൻറ ബാലകൃഷ്ണന്‍ പെരിയ 17,62,977 രൂപയും ചെലവഴിച്ചു. കാഞ്ഞങ്ങാട് മണ്ഡലത്തില്‍ ഇ. ചന്ദ്രശേഖരൻ 9,28,405 രൂപയാണ്​ ചെലവഴിച്ചത്​. പാര്‍ട്ടി നല്‍കിയ 8.5 ലക്ഷം രൂപയും സംഭാവനയായി ലഭിച്ച 3,08,753.68 രൂപയും കൊണ്ടാണ് പി.വി. സുരേഷ് മത്സരിച്ചത്.

Show Full Article
TAGS:assembly election 2021 Election Expenses k surendran 
News Summary - Election Expense Surendran first Chandrasekharan and PA Latheef have no party fund
Next Story