Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightതലയിൽ രക്തം കട്ടകെട്ടി...

തലയിൽ രക്തം കട്ടകെട്ടി മരിക്കേണ്ട കുഞ്ഞായിരുന്നില്ല അവൾ

text_fields
bookmark_border
തലയിൽ രക്തം കട്ടകെട്ടി മരിക്കേണ്ട കുഞ്ഞായിരുന്നില്ല അവൾ
cancel
camera_alt

കു​ഞ്ഞു​മ​ക്ക​ളെ കൊ​ന്നൊ​ടു​ക്കു​ന്ന അ​വ​ഗ​ണ​നാ ഭീ​ക​ര​ത​ക്കെ​തി​രെ അമേയയുടെ ചി​ത്രത്തി നരികെ എ​യിം​സ് കാ​സ​ർ​കോ​ട് വേ​ദി പ്ര​വ​ർ​ത്ത​ക​ർ മെ​ഴു​കു​തി​രി ക​ത്തി​ച്ച് പ്ര​തി​ഷേ​ധി​ക്കു​ന്നു

കാ​ഞ്ഞ​ങ്ങാ​ട്: പ്ര​സ​വി​ച്ച നാ​ൾ മു​ത​ൽ എ​ൻ​ഡോ​സ​ൾ​ഫാ​ൻ പ​ട്ടി​ക​യി​ൽ മ​ക​ളെ ഉ​ൾ​പ്പെ​ടു​ത്താ​ൻ പാ​ടു​പെ​ടു​ക​യാ​യി​രു​ന്നു ക​ഴി​ഞ്ഞ ദി​വ​സം മ​രി​ച്ച അ​മേ​യ​യു​ടെ മാ​താ​പി​താ​ക്ക​ൾ.

2019ൽ ​ക്യാ​മ്പി​ൽ ര​ജി​സ്റ്റ​ർ ചെ​യ്തി​രു​ന്നു. എ​ന്നാ​ൽ, ന്യൂ​റോ വി​ഭാ​ഗ​ത്തി​ൽ​പെ​ട്ട ത​ല വ​ള​രു​ന്ന ത​രം രോ​ഗ​മാ​യി​ട്ടു പോ​ലും പ​ട്ടി​ക​യി​ൽ പെ​ടു​ത്താ​ൻ സ​ർ​ക്കാ​റി​ന് ക​ഴി​ഞ്ഞി​ല്ല. ര​ണ്ടു വ​യ​സ്സ് മു​ത​ൽ അ​വ​ളെ​​െ​ന്‍റ കൈ​യി​ലാ​ണ്. മാ​ല​യും വ​ള​യും വേ​ണം. അ​ത് ധ​രി​ച്ച് സു​ന്ദ​രി​യാ​യി ന​ട​ക്ക​ണം. ഞ​ര​മ്പ് നു​റു​ങ്ങു​ന്ന വേ​ദ​ന​ക്കി​ട​യി​ലും അ​മേ​യ​ക്ക് ഒ​രു​പാ​ട് ആ​ഗ്ര​ഹ​ങ്ങ​ളാ​യി​രു​ന്നു. ത​ല​യി​ൽ ര​ക്തം ക​ട്ട​പി​ടി​ച്ച്​ മ​രി​ക്കേ​ണ്ട​വ​ളാ​യി​രു​ന്നി​ല്ല അ​മേ​യ​യെ​ന്ന കു​ഞ്ഞാ​റ്റ. പൂ​മ്പാ​റ്റ​പോ​ലെ പാ​റി​ക്ക​ളി​ക്കേ​ണ്ട​വ​ളാ​യി​രു​ന്നു അ​വ​ൾ -എ​ൻ​ഡോ​സ​ൾ​ഫാ​ൻ പീ​ഡി​ത ജ​ന​കീ​യ മു​ന്ന​ണി ക​ൺ​വീ​ന​ർ മു​നീ​സ അ​മ്പ​ല​ത്ത​റ വേ​ദ​ന​യോ​ടെ 'മാ​ധ്യ​മ'​ത്തോ​ട് പ​റ​ഞ്ഞു.

ശ​നി​യാ​ഴ്ച നീ​രോ​ട് കൂ​ടി​യ പ​ല്ലു​വേ​ദ​ന വ​ന്നു. ഞാ​യ​റാ​ഴ്ച കു​ഞ്ഞി​നെ​യും കൊ​ണ്ട് എ​ണ്ണ​പ്പാ​റ പി.​എ​ച്ച്.​സി യി​ൽ പോ​യി മ​രു​ന്ന് ന​ൽ​കി. തി​ങ്ക​ളാ​ഴ്ച്ച വീ​ണ്ടും ജി​ല്ലാ​ശു​പ​ത്രി​യി​ലെ​ത്തി ര​ക്ത​പ​രി​ശോ​ധ​ന​യ​ട​ക്ക​മു​ള്ള പ​രി​ശോ​ധ​ന​ക​ൾ ക​ഴി​ഞ്ഞ് വീ​ട്ടി​ലെ​ത്തി പാ​ട്ടും ക​ളി​യും തു​ട​ങ്ങു​ന്ന​തി​നി​ടെ കു​ഴ​ഞ്ഞ് വീ​ഴു​ക​യാ​യി​രു​ന്നു. ഉ​ട​ൻ ജി​ല്ലാ​ശു​പ​ത്രി​യി​ലെ​ത്തി​ച്ചു​വെ​ങ്കി​ലും ര​ക്ഷി​ക്കാ​നാ​യി​ല്ല. ത​ല​യി​ൽ ര​ക്തം ക​ട്ട​പി​ടി​ച്ച​താ​ണെ​ന്നും വൃ​ക്ക​ക​ൾ ത​ക​രാ​റി​ലാ​യി​രു​ന്നു​വെ​ന്നു​മാ​ണ്​ ഡോ​ക്ട​ർ​മാ​ർ ന​ൽ​കു​ന്ന വി​ശ​ദീ​ക​ര​ണം. രാ​വി​ലെ മ​ണി​ക്കൂ​റോ​ളം പ​രി​ശോ​ധി​ച്ചി​ട്ടും ര​ക്തം ക​ട്ട​പി​ടി​ച്ച​ത് ഡോ​ക്ട​ർ​മാ​ർ​ക്ക് ക​ണ്ടെ​ത്താ​ൻ ക​ഴി​ഞ്ഞി​ല്ല!

അ​മ്പ​ല​ത്ത​റ മു​ക്കു​ഴി​യി​ലെ ദ​ലി​ത് കു​ടും​ബ​ത്തി​ലെ മ​നു- സു​മി​ത്ര ദ​മ്പ​തി​ക​ളു​ടെ മ​ക​ളാ​ണ് ഏ​ക മ​ക​ൾ അ​മേ​യ. ആ​റ് മാ​സം മു​മ്പ് കു​ഞ്ഞി​നെ തി​രു​വ​ന​ന്ത​പു​ര​ത്ത് ശ്രീ ​ചി​ത്ര​യി​ൽ ഏ​താ​നും മ​നു​ഷ്യ​സ്​​നേ​ഹി​ക​ളു​ടെ സ​ഹാ​യ​ത്തോ​ടെ എ​ത്തി​ച്ച് ചി​കി​ത്സി​ച്ചി​രു​ന്നു. ഒ​ക്ടോ​ബ​റി​ലാ​യി​രു​ന്നു അ​ത്. ഡി​സം​ബ​ർ 15ന് ​ശ്രീ​ചി​ത്ര​യി​ൽ കാ​ണി​ച്ച​പ്പോ​ൾ ത​ല ചെ​റി​യ രീ​തി​യി​ൽ വ​ള​രു​ന്നു​ണ്ടെ​ന്നും തെ​റ​പ്പി നി​ർ​ബ​ന്ധ​മാ​യും ചെ​യ്യ​ണ​മെ​ന്നും നി​ർ​ദേ​ശം ന​ൽ​കി. പൈ​സ ക​ടം വാ​ങ്ങി​ച്ചും ഏ​റെ സാ​മ്പ​ത്തി​ക ബു​ദ്ധി​മു​ട്ടു​ക​ൾ സ​ഹി​ച്ചു​മാ​ണ് മ​ക​ളെ ചി​കി​ത്സി​ച്ച​ത്.

ദു​രി​ത ബാ​ധി​ത​രു​ടെ പ​ട്ടി​ക​യി​ൽ പെ​ടാ​ത്ത​തി​നാ​ൽ ചി​കി​ത്സാ സ​ഹാ​യം സ​ർ​ക്കാ​ർ ന​ൽ​കി​യി​രു​ന്നി​ല്ല. നാ​ലു വ​ർ​ഷ​മാ​യി മെ​ഡി​ക്ക​ൽ ക്യാ​മ്പ് ന​ട​ക്കു​ന്നി​ല്ല. പി​ന്നെ എ​ങ്ങ​നെ കു​ഞ്ഞാ​റ്റ​യെ​പ്പോ​ലു​ള്ള കു​ഞ്ഞു​ങ്ങ​ൾ പ​ട്ടി​ക​യി​ൽ വ​രും. 2017ലെ ​ക്യാ​മ്പി​ൽ തി​ര​ഞ്ഞെ​ടു​ക്ക​പ്പെ​ട്ട 511 തീ​രെ വ​യ്യാ​ത്ത കു​ട്ടി​ക​ളെ പ​ട്ടി​ക​യി​ൽ നി​ന്നും പു​റ​ത്താ​ക്കി​യ​പ്പോ​ൾ നീ​ണ്ട സ​മ​രം ന​ട​ന്നു. അ​ങ്ങ​നെ​യാ​ണ് ആ 511 ​കു​ട്ടി​ക​ൾ പ​ട്ടി​ക​യി​ൽ വ​ന്ന​ത്. ആ​രോ​ഗ്യ മ​ന്ത്രി ഓ​ടി​യെ​ത്തി പ്ര​ഖ്യാ​പി​ച്ചു. ഡി​സം​ബ​ർ ആ​ദ്യ​വാ​രം മെ​ഡി.​കോ​ള​ജ് ഒ.​പി. ആ​രം​ഭി​ക്കും എ​ന്ന്. ര​ണ്ട് കൊ​ല്ലം മു​മ്പ് ഒ​രു സ​മ​ര സ​ന്ദ​ർ​ഭ​ത്തി​ൽ മു​ൻ മ​ന്ത്രി കെ.​കെ. ശൈ​ല​ജ​യും ഇ​തു​പോ​ലെ മാ​ർ​ച്ചി​ൽ തു​ട​ങ്ങു​മെ​ന്ന് പ്ര​ഖ്യാ​പി​ച്ചി​രു​ന്നു.

മ​ന്ത്രി​യു​ടെ വാ​ക്ക് പാ​ഴ്വാ​ക്കാ​കു​ന്നു​വോ?

ജി​ല്ല​യി​ൽ ന്യൂ​റോ​ള​ജി​സ്റ്റി​നെ ഉ​ട​ൻ നി​യ​മി​ക്കു​മെ​ന്ന് ആ​രോ​ഗ്യ മ​ന്ത്രി വീ​ണ ജോ​ർ​ജ് പ​റ​ഞ്ഞി​ട്ട് ഒ​രു മാ​സ​മാ​കു​ന്ന​തി​നി​ടെ​യാ​ണ് ന്യൂ​റോ പ്ര​ശ്നം മൂ​ലം അ​മേ​യ​യും ഇ​സ്മ​യി​ലും മ​രി​ക്കു​ന്ന​ത്. പു​തി​യ ത​സ്തി​ക​ക​ൾ സൃ​ഷ്ടി​ക്കു​ന്ന​തി​ന് കാ​ല​താ​മ​സ​മു​ണ്ടെ​ന്നും അ​തി​നു​വേ​ണ്ടി കാ​ത്തു നി​ൽ​ക്കു​ന്നി​ല്ല, പ​ക​രം സം​വി​ധാ​നം ര​ണ്ടു മാ​സ​ത്തി​നു​ള്ളി​ൽ ക​ണ്ടെ​ത്തു​മെ​ന്നു​മാ​ണ്​ മ​ന്ത്രി എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​ർ​ക്ക് ഉ​റ​പ്പു ന​ൽ​കി​യ​ത്. അ​ത് പാ​ഴ്വാ​ക്കാ​യി മാ​റു​ക​യാ​ണ്. ലാ​ഭ​ക്കൊ​തി​യ​ന്മാ​രു​ടെ വി​ഷ​മ​ഴ ന​ന​ഞ്ഞ് ദു​രി​ത​ത്തി​ലാ​യ എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​ർ ജി​ല്ല​യി​ൽ ഒ​രു ന്യൂ​റോ​ള​ജി​സ്റ്റി​നെ വീ​ണ്ടും സ​ർ​ക്കാ​റി​നോ​ട് ചോ​ദി​ക്കു​ക​യാ​ണ്.​

അ​പ​സ്മാ​ര​വും മ​റ്റു​മു​ൾ​പ്പെ​ടെ ന്യൂ​റോ വി​ഭാ​ഗ​വു​മാ​യി ബ​ന്ധ​പ്പെ​ട്ടാ​ണ് ഇ​ര​ക​ളി​ല​ധി​കം പേ​ർ​ക്കും ചി​കി​ത്സ വേ​ണ്ട​ത്. നേ​ര​ത്തേ തീ​രു​മാ​നി​ച്ച​താ​ണെ​ന്നും ഉ​ട​ൻ നി​യ​മി​ക്കു​മെ​ന്നും അ​ധി​കൃ​ത​ർ പ​റ​യാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യെ​ങ്കി​ലും ത​സ്തി​ക പോ​ലും സൃ​ഷ്​​ടി​ച്ചി​ട്ടി​ല്ലെ​ന്ന് ഈ​യ​ടു​ത്താ​ണ​റി​ഞ്ഞ​തെ​ന്ന് എ​ൻ​ഡോ​സ​ൾ​ഫാ​ൻ പീ​ഡി​ത ജ​ന​കീ​യ മു​ന്ന​ണി കു​റ്റ​പ്പെ​ടു​ത്തി. ജി​ല്ല, താ​ലൂ​ക്ക്​ ആ​ശു​പ​ത്രി​ക​ളി​ൽ ഈ ​വി​ഭാ​ഗ​ങ്ങ​ൾ​ക്ക് വേ​ണ്ട​ത്ര സൗ​ക​ര്യ​മി​ല്ല. കു​ട്ടി​ക​ളാ​ണ് ഏ​റെ​യും ചി​കി​ത്സ തേ​ടു​ന്ന​വ​ർ.

ചി​കി​ത്സ ല​ഭി​ക്കാ​തെ മ​ര​ണ​നി​ര​ക്ക് വ​ർ​ധി​ക്കു​ന്ന​തി​ന് സാ​ക്ഷി​യാ​കേ​ണ്ടി​വ​രു​മോ എ​ന്ന ആ​ശ​ങ്ക​യി​ലാ​ണ് അ​ത്യു​ത്ത​ര​ദേ​ശം. 2016ൽ ​ഉ​മ്മ​ൻ ചാ​ണ്ടി സ​ർ​ക്കാ​റി​െൻറ കാ​ലം മു​ത​ലാ​ണ് ന്യൂ​റോ​ള​ജി​സ്​​റ്റി​നെ നി​യ​മി​ക്കു​മെ​ന്ന് വാ​ഗ്ദാ​നം ന​ൽ​കി​ത്തു​ട​ങ്ങി​യ​ത്. മം​ഗ​ളൂ​രു​വി​ൽ നി​ന്ന് വെ​ള്ളി​യാ​ഴ്ച വ​രു​ന്ന ഡോ. ​ശി​വാ​ന​ന്ദ പൈ ​മാ​ത്ര​മാ​ണ് ഏ​ക ആ​ശ്ര​യം.

ഞ​ങ്ങ​ളു​ടെ സ്നേ​ഹ വീ​ട്ടി​ലെ ഓ​മ​ന​യാ​യി​രു​ന്നു ക​ു​ഞ്ഞാ​റ്റ

അം​ബി​കാ​സൂ​ത​ൻ മാ​ങ്ങാ​ട് , എഴുത്തുകാരൻ

അ​ത്യ​ന്തം സ​ങ്ക​ട​ത്തോ​ടെ കു​ഞ്ഞാ​റ്റ​യു​ടെ മ​ര​ണ വാ​ർ​ത്ത കേ​ട്ട​ത്. കു​ഞ്ഞാ​റ്റ​യെ​ന്ന് എ​ല്ലാ​വ​രും വി​ളി​ച്ച അ​ഞ്ചു വ​യ​സ്സു​കാ​രി അ​മേ​യ. ഞ​ങ്ങ​ളു​ടെ സ്നേ​ഹ വീ​ട്ടി​ലെ ഓ​മ​ന.

കേ​ര​ള​ത്തെ 300 കി​ലോ​മീ​റ്റ​ർ വേ​ഗ​ത്തി​ലോ​ടി​ക്കാ​ൻ ഭാ​വ​ന ചെ​യ്യു​മ്പോ​ൾ നി​ങ്ങ​ളോ​ർ​ക്ക​ണം, ഇ​വി​ടെ മു​ട്ടി​ലി​ഴ​യാ​ൻ പോ​ലും ക​ഴി​യാ​ത്ത, അ​ന​ക്ക​മ​റ്റ, വേ​ഗ​ത എ​ന്ന അ​നു​ഭ​വ​മെ​ന്തെ​ന്ന​റി​യാ​ത്ത നൂ​റ് ക​ണ​ക്കി​ന് കു​ഞ്ഞു​ങ്ങ​ളു​ണ്ട് എ​ന്ന്.

പ്രതിസന്ധികളോട് പൊരുതി ഇസ്മായിലും മറഞ്ഞു

കാ​ഞ്ഞ​ങ്ങാ​ട്: പ്ര​തി​സ​ന്ധി​ക​ളോ​ടും രോ​ഗ​ത്തോ​ടും നി​ര​ന്ത​രം പൊ​രു​തി​യ വി​ദ്യാ​ർ​ഥി കൂ​ടി​യാ​യി​രു​ന്നു ക​ഴി​ഞ്ഞ ദി​വ​സം മ​രി​ച്ച മു​ഹ​മ്മ​ദ് ഇ​സ്മാ​യി​ൽ. എ​ൻ​ഡോ​സ​ൾ​ഫാ​ൻ ദു​രി​ത​ബാ​ധി​ത​നാ​യി​രി​ക്കെ ര​ണ്ട​ര വ​ർ​ഷം മു​മ്പാ​ണ് വൃ​ക്ക​രോ​ഗം പി​ടി​കൂ​ടി​യ​ത്. കാ​ഴ്ച്ച​ക്കു​റ​വു​ള്ള ഇ​സ്മാ​യി​ൽ ബാ​ല​ൻ​സ്​ തെ​റ്റു​ന്ന രീ​തി​യി​ലാ​യി​രു​ന്നു.

വാ​ട​ക വീ​ട്ടി​ലാ​യി​രു​ന്നു താ​മ​സം. ഇ​ട​ക്കി​ടെ ഞ​ര​മ്പ് മു​റു​കു​ന്ന വേ​ദ​ന​യും കി​ഡ്നി സം​ബ​ന്ധ​മാ​യ അ​സു​ഖ​ത്തി​‍െൻറ പ്ര​യാ​സ​വും മൂ​ലം മ​ക​ൻ വ​ല്ലാ​തെ ക​ര​ഞ്ഞി​രു​ന്ന​താ​യി പി​താ​വ് മൊ​യ്തു വേ​ദ​ന​യോ​ടെ പ​റ​യു​ന്നു. മം​ഗ​ളൂ​രു​വി​ലെ സ്വ​കാ​ര്യ ആ​ശു​പ​ത്രി​യി​ലെ സൗ​ജ​ന്യ ചി​കി​ത്സ ഇ​ട​ക്കു​വെ​ച്ച് നി​ല​ച്ചു. എ​ൻ​ഡോ​സ​ൾ​ഫാ​ൻ പീ​ഡി​ത ജ​ന​കീ​യ മു​ന്ന​ണി നേ​താ​ക്ക​ൾ ഡെ​പ്യൂ​ട്ടി ക​ല​ക്ട​റെ​ക്ക​ണ്ട് ആ​വ​ശ്യ​ങ്ങ​ളു​ന്ന​യി​ച്ച​പ്പോ​ഴാ​ണ് സൗ​ജ​ന്യ ചി​കി​ത്സ വീ​ണ്ടും ല​ഭി​ച്ച​ത്. റോ​ട്ട​റി സ്പെ​ഷ​ൽ സ്കൂ​ളി​ലെ വി​ദ്യാ​ർ​ഥി​യാ​യി​രു​ന്നു ഇ​സ്മാ​യി​ൽ.

അ​ൻ​വാ​സി​നെ ഓ​ർ​മ​യി​ല്ലേ?

ഇരകൾക്ക്​ നീതി ആവശ്യപ്പെട്ടുകൊണ്ടുള്ള സമരത്തിനിടെ അ​ൻ​വാ​സ്

കാ​സ​ര്‍കോ​ട് പെ​രി​യ മ​ഹാ​ത്മ ബ​ഡ്സ് സ്കൂ​ളി​ലെ വി​ദ്യാ​ര്‍ഥി​യാ​യി​രു​ന്നു അ​ൻ​വാ​സ്. ക​ടു​ത്ത വ​യ​റു​വേ​ദ​ന​യും ഛർ​ദി​യും അ​നു​ഭ​വ​പ്പെ​ട്ട അ​ന്‍വാ​സി​നെ 2018 ജൂ​ൺ 15ന് ​രാ​വി​ലെ​യാ​ണ് ജി​ല്ല ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച​ത്. അ​ന്‍വാ​സി​െ​ന്‍റ ര​ക്ത പ​രി​ശോ​ധ​ന റി​പ്പോ​ര്‍ട്ട് കി​ട്ടാ​ന്‍ വൈ​കു​ന്നേ​രം വ​രെ കാ​ത്തു നി​ല്‍ക്കേ​ണ്ടി​വ​ന്നു. ഇ​തി​നു​ശേ​ഷ​മാ​ണ് ഡോ​ക്ട​ര്‍മാ​ര്‍ വി​ദ​ഗ്ധ ചി​കി​ത്സ​യ്ക്ക് പ​രി​യാ​രം മെ​ഡി​ക്ക​ല്‍ കോ​ള​ജി​ലേ​ക്ക് മാ​റ്റാ​ന്‍ നി​ർ​ദേ​ശി​ച്ച​ത്. എ​ന്നാ​ല്‍, പ​രി​യാ​രം മെ​ഡി​ക്ക​ല്‍ കോ​ള​ജി​ലെ​ത്തു​മ്പോ​ഴേ​ക്കും അ​ന്‍വാ​സ് മ​രി​ച്ചി​രു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:endosulfan victimAIIMS
News Summary - died kid ameya was not included in endosulfan victim list
Next Story