കോർപറേഷൻ ചെയർമാൻ സ്ഥാനം ഉപേക്ഷിച്ച്​ സി.പി.ഐ നേതാവ്

കാ​സ​ർ​കോ​ട്​: പ​ദ​വി​ക്കു​വേ​ണ്ടി​യു​ള്ള പോ​ർ​വി​ളി​ക​ൾ സ​ജീ​വ​മാ​യ രാ​ഷ്ട്രീ​യ​ത്തി​ൽ, പാ​ർ​ട്ടി ന​ൽ​കി​യ കോ​ർ​പ​റേ​ഷ​ൻ ചെ​യ​ർ​മാ​ൻ പ​ദ​വി വേ​ണ്ടെ​ന്നു​വെ​ച്ച്​ സി.​പി.​ഐ നേ​താ​വ്. സം​സ്​​ഥാ​ന സമിതി അം​ഗം ടി. ​കൃ​ഷ്ണ​നാ​ണ്​ പൗ​ൾ​ട്രി വി​ക​സ​ന കോ​ർ​പ​റേ​ഷ​ൻ ചെ​യ​ർ​മാ​ൻ സ്ഥാ​നം വേ​ണ്ടെ​ന്നു​വെ​ച്ച​ത്. ഒ​ഴി​വാ​ക്ക​ണ​മെ​ന്ന കൃ​ഷ്ണ​ന്‍റെ ക​ത്തി​ന്‍റെ അ​ടി​സ്ഥാ​ന​ത്തി​ൽ എ.​ഐ.​ടി.​യു.​സി വ​യ​നാ​ട്​ ജി​ല്ല പ്ര​സി​ഡ​ന്‍റ്​ ടി.​കെ. മൂ​ർ​ത്തി​യോ​ട്​ ചെ​യ​ർ​മാ​ൻ സ്ഥാ​നം​ ഏ​റ്റെ​ടു​ക്കാ​ൻ പാ​ർ​ട്ടി ആ​വ​ശ്യ​പ്പെ​ട്ടു.

ഡി​സം​ബ​ർ 15ന്​ ​ചേ​ർ​ന്ന സി.​പി.​ഐ സം​സ്ഥാ​ന കൗ​ൺ​സി​ൽ യോ​ഗ​മാ​ണ്​ പാ​ർ​ട്ടിക്ക്​ ല​ഭി​ച്ച 15 ബോ​ർ​ഡ്​, കോ​ർ​പ​റേ​ഷ​ൻ പ​ദ​വി​ക​ൾ ജി​ല്ല​ക​ൾ​ക്ക്​ വീ​തി​ച്ചത്. കാ​സ​ർ​കോ​ട്​ ജി​ല്ല​ക്ക്​ ല​ഭി​ച്ച വി​ഹി​ത​മാ​ണ്​ കൃ​ഷ്ണ​ന്​ ല​ഭി​ച്ച​ത്. പദവിയിൽ താ​ൽ​പ​ര്യ​മി​ല്ലെ​ന്ന്​ കൃ​ഷ്ണ​ൻ യോ​ഗ​ത്തി​ൽ​ത​ന്നെ അ​റി​യി​ച്ചെ​ങ്കി​ലും പാ​ർ​ട്ടി മു​ഖ​വി​ല​ക്കെ​ടു​ത്തി​ല്ല. തു​ട​ർ​ന്ന്​ ഒ​ഴി​വാ​ക്കി​ത്ത​ര​ണ​മെ​ന്ന്​ നേ​തൃ​ത്വ​ത്തി​ന്​ ക​ത്ത്​ ന​ൽ​കു​ക​യാ​യി​രു​ന്നു. സെ​ക്ര​ട്ട​റി കാ​നം രാ​ജേ​ന്ദ്ര​ൻ കൃ​ഷ്ണ​നോ​ട്​ കാ​ര്യം അ​ന്വേ​ഷി​ച്ച​പ്പോ​ഴും ഒ​ഴി​വാ​ക്ക​ണ​മെ​ന്ന നി​ല​പാ​ടി​ൽ ഉ​റ​ച്ചു​നി​ന്നു. തു​ട​ർ​ന്ന്​ എ​ക്സി​ക്യൂ​ട്ടി​വ്​ ചേ​ർ​ന്ന്​ ടി.​കെ. മൂ​ർ​ത്തി​യോ​ട്​ പ​ദ​വി ഏ​റ്റെ​ടു​ക്കാ​നാ​വ​ശ്യ​പ്പെ​ടു​ക​യാ​യി​രു​ന്നു.

കാ​റും പേ​ഴ്​​സ​ണ​ൽ സ്റ്റാ​ഫും പ്ര​തി​മാ​സ ശ​മ്പ​ള​വും മ​റ്റ്​ അ​ല​വ​ൻ​സു​ക​ളും ഉ​ൾ​പ്പെ​ടെ​യു​ള്ള പ​ദ​വി​യാ​ണ്​ മൃ​ഗ​സം​ര​ക്ഷ​ണ വ​കു​പ്പി​നു കീ​ഴി​ലു​ള്ള പൗ​ൾ​ട്രി വി​ക​സ​ന കോ​ർ​പ​റേ​ഷ​ൻ. നി​ല​വി​ലെ മൃ​ഗ​സം​ര​ക്ഷ​ണ മ​ന്ത്രി ജെ. ​ചി​ഞ്ചു​റാ​ണി​യാ​ണ്​ ക​ഴി​ഞ്ഞ ത​വ​ണ കോ​ർ​പ​റേ​ഷ​ൻ ചെ​യ​ർ​പേ​ഴ്​​സ​നാ​യ​ത്. എ.​ഐ.​ടി.​യു.​സി ജി​ല്ല പ്ര​സി​ഡ​ന്‍റാ​യ ടി. ​കൃ​ഷ്ണ​ൻ ചെ​റു​പ്പം​മു​ത​ൽ മു​ഴു​വ​ൻ​സ​മ​യ പാ​ർ​ട്ടി പ്ര​വ​ർ​ത്ത​ക​നാ​ണ്. സാ​ധാ​ര​ണ കു​ടും​ബ​ത്തി​ൽ വ​ള​ർ​ന്ന്​ ഏ​റെ ക​ഷ്ട​പ്പാ​ടു​ക​ളി​ലൂ​ടെ ക​ട​ന്നു​വ​ന്ന ടി. ​കൃ​ഷ്ണ​ൻ പ​ഞ്ചാ​യ​ത്തീ​രാ​ജ്​ വ​രും​മു​മ്പ്​ ഒ​രു​ത​വ​ണ ചെ​മ്മ​നാ​ട്​ ഗ്രാ​മ​പ​ഞ്ചാ​യ​ത്ത്​ അം​ഗ​മാ​യി​രു​ന്നി​ട്ടു​ണ്ട്.​ കോ​ർ​പ​റേ​ഷ​ൻ ചെ​യ​ർ​മാ​ൻ സ്ഥാ​നം വേ​ണ്ടെ​ന്നു​വെ​ക്കാ​ൻ കാ​ര​ണം ചോ​ദി​ച്ച​പ്പോ​ൾ 'വേ​റെ കാ​ര​ണ​ങ്ങ​ൾ ഒ​ന്നു​മി​ല്ല. താ​ൽ​പ​ര്യ​മി​ല്ലാ​ത്ത​തു​കൊ​ണ്ടാ​ണ്. പാ​ർ​ട്ടി അ​ത്​ അം​ഗീ​ക​രി​ച്ചു' എ​ന്ന്​ പ്ര​തി​ക​രി​ച്ചു. ഈ ​സ​മ​യം കാ​സ​ർ​കോ​ട്​ പു​തി​യ ബ​സ്​​സ്റ്റാ​ൻ​ഡ്​​ പ​രി​സ​ര​ത്തെ എ​സ്.​ടി.​യു തൊ​ഴി​ലാ​ളി വി​ശ്ര​മ​കേ​ന്ദ്ര​ത്തി​ൽ തൊ​ഴി​ലാ​ളി​യെ അ​ന്വേ​ഷി​ച്ച്​ എ​ത്തി​യ​താ​യി​രു​ന്നു എ.​ഐ.​ടി.​യു.​സി നേ​താ​വ്.