വനിത പഞ്ചായത്തംഗത്തെ ഫോണിൽ ഭീഷണിപ്പെടുത്തിയതായി പരാതി

കാസർകോട്: വനിത പഞ്ചായത്തംഗത്തെ ബ്ലോക്ക്‌ പഞ്ചായത്ത്‌ അംഗം ഫോണിൽ വിളിച്ച്‌ ഭീഷണിപ്പെടുത്തിയതായി പരാതി. ചെങ്കള പഞ്ചായത്ത്‌ പിലാങ്കട്ട നാലാം വാർഡ്‌ അംഗം എം. സവിതയെയാണ്‌ കാസർകോട്‌ ബ്ലോക്ക്‌ പഞ്ചായത്ത്‌ അംഗം സി.വി. ജെയിംസ്‌ ഭീഷണിപ്പെടുത്തിയതായി പരാതി നൽകിയത്​.

തിങ്കളാഴ്‌ച രാത്രി 10നാണ്‌ പരാതിക്കിടയാക്കിയ സംഭവം. എം.എൽ.എ ഫണ്ട്‌ പ്രകാരം തുക അനുവദിച്ച്‌ ആറുമാസം മുമ്പ്‌ എസ്‌റ്റിമേറ്റ്‌ തയാറായ മാവിനകട്ട– പള്ളത്തുമൂല റോഡി​െൻറ ഗുണഭോക്തൃ യോഗം സവിതയുടെ നേതൃത്വത്തിൽ വിളിച്ചിരുന്നു. ഇതിൽ പ്രകോപിതനായാണ്‌ ഭീഷണിപ്പെടുത്തിയതെന്നാണ്​ പരാതി.

രാത്രിയിൽ വളിച്ച്‌ ഭീഷണിപ്പെടുത്തിയ ജെയിംസിനെതിരെ നടപടി സ്വീകരിക്കണമെന്നാവശ്യപ്പെട്ട്‌ സവിത ബദിയടുക്ക പൊലീസിൽ പരാതി നൽകി. സംഭവത്തിൽ നിയമനടപടി സ്വീകരിക്കണമെന്ന്‌ സി.പി.എം കാസർകോട്‌ ഏരിയ കമ്മിറ്റിയും ആവശ്യപ്പെട്ടു.