കണ്ണീരൊഴിയാതെ കേരകർഷകർ; മുഖംതിരിച്ച് കൃഷിവകുപ്പ്

കാ​സ​ർ​കോ​ട്: വി​ള​ക​ൾ​ക്ക് ന​ല്ല വി​ല ല​ഭി​ക്കു​മ്പോ​ഴും ഉ​ൽ​പാ​ദ​ന​ക്കു​റ​വി​ൽ നൊ​ന്ത് കേ​ര​ക​ർ​ഷ​ക​ർ. നാ​ളി​കേ​ര വി​ല നാ​ൾ​ക്കു​നാ​ൾ കു​തി​ച്ചു​യ​രു​മ്പോ​ഴാ​ണ് വി​ള​വി​ല്ലാ​തെ​യും തെ​ങ്ങു​ക​ൾ രോ​ഗ​ങ്ങ​ളാ​ൽ ന​ശി​ച്ചും ക​ർ​ഷ​ക​ർ നി​രാ​ശ​പ്പെ​ടു​ന്ന​ത്. പ​ച്ച​ത്തേ​ങ്ങ​ വി​ല കു​തി​ച്ചു​യ​ർ​ന്ന് 65ൽ ​എ​ത്തി​നി​ൽ​ക്കു​ന്നു. കൊ​പ്ര​വി​ല​യും ഉ​യ​ര​ത്തി​ൽ​ത​ന്നെ. വി​ല സ​ർ​വ​കാ​ല റെ​ക്കോ​ഡി​ലേ​ക്ക് കു​തി​ക്കു​മ്പോ​ൾ ക​ർ​ഷ​ക​ർ തേ​ങ്ങ​യി​ല്ലാ​ത്ത​തി​ന്റെ സ​ങ്ക​ട​ത്തി​ലും.

രാ​ജ്യ​ത്തു​ട​നീ​ളം നാ​ളി​കേ​ര ഉ​ൽ​പാ​ദ​നം കു​റ​ഞ്ഞ​താ​ണ് വി​ല കു​തി​ച്ചു​യ​രു​ന്ന​തി​ന് കാ​ര​ണ​മെ​ന്നാ​ണ് ബ​ന്ധ​പ്പെ​ട്ട​വ​ർ പറയുന്നത്. ജി​ല്ല​യി​ൽ തെ​ങ്ങു​ക​ളു​ടെ രോ​ഗ​ബാ​ധ ഇ​ന്നോ ഇ​ന്ന​ലെ​യോ തു​ട​ങ്ങി​യ​ത​ല്ല. എ​ന്നി​ട്ടും, കൃ​ഷി​വ​കു​പ്പ് തി​രി​ഞ്ഞു​നോ​ക്കു​ന്നി​ല്ലെ​ന്നാ​ണ് പ​രാ​തി. വേ​ന​ൽ ശ​ക്ത​മാ​വു​ക​യും ചൂ​ട് കൂ​ടു​ക​യും ചെ​യ്ത​തോ​ടെ തെ​ങ്ങു​ക​ൾ ക​രി​ഞ്ഞു​ണ​ങ്ങു​ന്ന​ത് വേ​റെ​യും.

തെ​ങ്ങു​ക​ളു​ടെ മ​ണ്ട ചീ​ഞ്ഞ് കൊ​ഴി​ഞ്ഞു​വീ​ഴു​ക, ഉ​ണ​ങ്ങി​ന​ശി​ക്കു​ക, വെ​ള്ളീ​ച്ച​ശ​ല്യ​വും ചെ​മ്പ​ൻ​ചെ​ല്ലി (ചെ​ള്ള്) ശ​ല്യ​വും വേ​റെ​യും. മ​ഞ്ഞ​ളി​പ്പ്, പോ​ള​ചീ​യ​ല്‍, വാ​ട്ട​രോ​ഗം തു​ട​ങ്ങി​യ​വ​യെ​ക്കു​റി​ച്ച് പ​റ​യു​ന്നു​ണ്ടെ​ങ്കി​ലും ഇ​തൊ​ന്നും മു​മ്പ് കേ​ട്ടു​കേ​ൾ​വി ഇ​ല്ലാ​ത്ത​തെ​ന്ന് ക​ർ​ഷ​ക​ർ പ​റ​യു​ന്നു. രോ​ഗ​കാ​ര​ണ​ത്തി​ലെ അ​വ്യ​ക്ത​ത​കൊ​ണ്ട് ക​ർ​ഷ​ക​ർ​ക്ക് ഇ​ത് ഫ​ല​പ്ര​ദ​മാ​യി ത​ട​യാ​നും ക​ഴി​യു​ന്നി​ല്ല.

വീ​ട്ടു​പ​റ​മ്പു​ക​ളി​ൽ ന​ല്ല​വി​ള ല​ഭി​ക്കു​ന്ന തെ​ങ്ങു​ക​ളു​ടെ നാ​മ്പു​ക​ളാ​ണ് ചെ​മ്പ​ൻ​ചെ​ല്ലി ന​ശി​പ്പി​ക്കു​ന്ന​ത്. രോ​ഗം മ​റ്റു​ള്ള തെ​ങ്ങു​ക​ളി​ലേ​ക്ക് വ്യാ​പി​ക്കു​ന്നു​ണ്ടെ​ന്ന് ക​ർ​ഷ​ക​ർ പ​റ​യു​ന്നു. പ​ച്ച ഓ​ല​ക​ളാ​ൽ സ​മ്പു​ഷ്ട​മാ​യി​രു​ന്ന തെ​ങ്ങി​ൻ തോ​പ്പു​ക​ളെ​ല്ലാം ക​രി​ഞ്ഞു​ണ​ങ്ങി​യ അ​വ​സ്ഥ​യി​ലാ​ണി​പ്പോ​ൾ. തെ​ങ്ങു​ക​ൾ വ്യാ​പ​ക​മാ​യി ന​ശി​ക്കു​ന്ന​തും ഉ​ൽ​പാ​ദ​നം കു​റ​യു​ന്ന​തും​വ​ഴി ക​ർ​ഷ​ക​രു​ടെ ജീ​വി​ത​മാ​ർ​ഗം​കൂ​ടി അ​ട​യു​ക​യാ​ണ്.

ര​ണ്ടു വ​ർ​ഷ​ത്തി​നി​ട​യി​ൽ നൂ​റോ​ളം തെ​ങ്ങു​ക​ളാ​ണ് ജി​ല്ല​യി​ൽ​നി​ന്ന് രോ​ഗ​വ്യാ​പ​നം​മൂ​ലം മു​റി​ച്ചു​മാ​റ്റേ​ണ്ടി​വ​ന്ന​ത്. കേ​ര​ക​ർ​ഷ​ക​രു​ടെ ക​ണ്ണീ​രൊ​പ്പാ​ൻ ഫ​ല​പ്ര​ദ​മാ​യ ന​ട​പ​ടി കൈ​ക്കൊ​ള്ള​ണ​മെ​ന്നാ​ണ് ആ​വ​ശ്യം. അ​ട​ക്ക ക​ർ​ഷ​ക​രു​ടെ പ്ര​ശ്നം പ​ഠി​ക്കാ​ൻ കൃ​ഷി​വ​കു​പ്പ് ത​യാ​റാ​യ​തു​പോ​ലെ തെ​ങ്ങു​ക​ളു​ടെ ന​ശീ​ക​ര​ണ​ത്തെ​ക്കു​റി​ച്ചും സ​മ​ഗ്ര​മാ​യ പ​ഠ​നം വേ​ണ​മെ​ന്നാ​ണ് കേ​ര​ക​ർ​ഷ​ക​ർ പ​റ​യു​ന്ന​ത്.