'ഇമ്മിണി ബല്യ അകലം' ഹ്രസ്വ സിനിമയുമായി കുട്ടികൾ

കാസർകോട്​: കഥയുടെ സുൽത്താൻ വൈക്കം മുഹമ്മദ് ബഷീറി​െൻറ കഥാപാത്രങ്ങളെ കോവിഡ് പശ്ചാത്തലത്തിൽ വായിക്കാൻ ശ്രമിക്കുകയാണ് മേലാങ്കോട്ട് എ.സി. കണ്ണൻ നായർ സ്​മാരക ഗവ.യു.പി സ്​കൂൾ വിദ്യാരംഗം കലാ സാഹിത്യ വേദി. അഞ്ച്​ മിനിറ്റ്​ ദൈർഘ്യമുള്ള ഹ്രസ്വ സിനിമക്ക് അവർ സുൽത്താ​െൻറ ഭാഷയിൽതന്നെ പേരുമിട്ടു- 'ഇമ്മിണി ബല്യ അകലം'.

ഗ്രാമഫോണിൽ 'ഏകാന്തതയുടെ അപാര തീരം' എന്ന പാട്ട് കേട്ടുകൊണ്ട് ചാരുകസേരയിൽ മയക്കത്തിലായിരുന്ന ബഷീർ മതിലിനപ്പുറത്തുനിന്ന് ത​െൻറ പ്രിയപ്പെട്ട കഥാപാത്രങ്ങളുടെ ശബ്​ദം കേട്ടാണ് ഉണരുന്നത്. കഥകളിലെ 'മതിൽ' സിനിമയിൽ സാമൂഹിക അകലത്തി​െൻറ പ്രതീകമായി വളരുന്നു. ആടിന് മാസ്​ക്​ കെട്ടാൻ കഴിയാത്തതിലുള്ള വേവലാതിയുമായി പാത്തുമ്മ, കണ്ണിന് ബ്ലാക്ക് ഫംഗസ് വരുമെന്ന ഇബ്​ലീസുകളുടെ പരിഹാസവുമായി ഒറ്റക്കണ്ണൻ പോക്കർ, ആകാശമിഠായി വാങ്ങാൻ ആകാശത്തേക്ക് വിമാനം കയറേണ്ടിവരുമെന്ന ആശങ്കയുമായി കേശവൻ നായരും സാറാമ്മയും. ഇങ്ങനെ പോകുന്നു കഥാപാത്രങ്ങളുടെ കോവിഡ് കാല വർത്തമാനം. രാഷ്​ട്രീയത്തടവുകാരനായി ജയിലിലെത്തുന്ന ബഷീർ മതിലിനപ്പുറത്തെ സ്ത്രീ ജയിലിലെ നാരായണിയുമായുള്ള നഷ്​ടപ്രണയത്തി​െൻറ ദൃശ്യത്തോടെയാണ് സിനിമയുടെ തുടക്കം.

മനുഷ്യർ ജയിക്കുന്ന ലോകമുണ്ടാകണമെങ്കിൽ പ്രകൃതിയെ സ്നേഹിക്കുന്ന മനുഷ്യരുണ്ടാകണം. കേന്ദ്ര കഥാപാത്രമായ ബഷീറിനെ ആറാം ക്ലാസിലെ ഋതുരാജ് അനായാസം അവതരിപ്പിച്ചു. ഒന്നാംതരത്തിലെ അക്ഷര കൃഷ്​ണയാണ് കുഞ്ഞിപ്പാത്തു വായിച്ച്​ അഭിനയിച്ചത്. മീനാക്ഷി, രാജലക്ഷ്​മി, ജിഷ്​ണ, അതുൽ, ആദിത്യൻ, നിവേദ്, രോഹിത്ത്, ആകാശ്, വിശ്വജിത്ത് എന്നിവർ മറ്റു കഥാപാത്രങ്ങൾക്ക് വേഷം പകർന്നു. അധ്യാപകനും എഴുത്തുകാരനുമായ പ്രകാശൻ കരിവെള്ളൂരി​േൻറതാണ് തിരക്കഥ. രാജേഷ് മധുരക്കാട്ട് സംവിധാനം നിർവഹിച്ചു. സന്ധ്യാ ബാലകൃഷ്​ണൻ, ജുബിൻ ബാബു, വിഷ്​ണുദത്തൻ, പ്രഥമാധ്യാപകൻ ഡോ. കൊടക്കാട് നാരായണൻ, പി. കുഞ്ഞിക്കണ്ണൻ, ജി. ജയൻ, പി. സജിത എന്നിവരാണ് അണിയറയിൽ. ബഷീർ ദിനാചരണ പരിപാടികൾ എം.എ. റഹ്മാൻ ഉദ്ഘാടനം ചെയ്യും.