കുമ്പളയിൽ ബസ്​ സർവിസ് ഏഴുമണിക്ക് നിലക്കുന്നു

മൊ​ഗ്രാ​ൽ: സ​ന്ധ്യ​മ​യ​ങ്ങി​യാ​ൽ കാ​സ​ർ​കോ​ട്​ ഡി​പ്പോ​യി​ൽ നി​ന്നു​ള്ള കെ.​എ​സ്.​ആ​ർ.​ടി.​സി ബ​സു​ക​ളു​ടെ കു​റ​വു​മൂ​ലം യാ​ത്രാ​ദു​രി​തം നേ​രി​ടു​ന്ന​തി​നി​ട​യി​ൽ ഏ​ഴു​മ​ണി​ക്ക് ത​ന്നെ സ​ർ​വി​സ് അ​വ​സാ​നി​പ്പി​ച്ച് ക​ർ​ണാ​ട​ക കെ.​എ​സ്.​ആ​ർ.​ടി.​സി ബ​സു​ക​ൾ. കാ​സ​ർ​കോ​ടു​നി​ന്ന് ദേ​ശീ​യ​പാ​ത​യി​ലൂ​ടെ​യു​ള്ള കെ.​എ​സ്.​ആ​ർ.​ടി.​സി ബ​സു​ക​ളു​ടെ കു​റ​വ് വ​ലി​യ​തോ​തി​ൽ പ്ര​യാ​സ​മു​ണ്ടാ​ക്കു​ന്ന​തി​നി​ടെ​യാ​ണ് യാ​ത്ര​ക്കാ​ർ​ക്ക് ഇ​ര​ട്ട പ്ര​ഹ​ര​മാ​യി ക​ർ​ണാ​ട​ക ആ​ർ.​ടി.​സി​യു​ടെ ന​ട​പ​ടി. കോ​വി​ഡ് മ​ഹാ​മാ​രി​ക്ക് മു​മ്പ് രാ​ത്രി ഒ​മ്പ​തു മ​ണി​വ​രെ സ​മ​യ​ക്ര​മം പാ​ലി​ച്ച് കെ.​എ​സ്.​ആ​ർ.​ടി.​സി ബ​സു​ക​ൾ കൃ​ത്യ​മാ​യി ദേ​ശീ​യ​പാ​ത​യി​ൽ സ​ർ​വി​സ് ന​ട​ത്തി​യി​രു​ന്നു. കോ​വി​ഡ് കാ​ല​ത്ത് വെ​ട്ടി​ച്ചു​രു​ക്കി​യ ബ​സു​ക​ൾ പു​നഃ​സ്ഥാ​പി​ക്കാ​ൻ ഇ​തു​വ​രെ ത​യാ​റാ​യി​ട്ടി​ല്ല. നി​യ​മ​സ​ഭ​യി​ൽ പോ​ലും ഇ​ത് ച​ർ​ച്ച​യാ​യി​ട്ടും ന​ട​പ​ട​ിയി​ല്ല.

ബ​സു​ക​ളു​ടെ കു​റ​വ് കാ​ര​ണം കാ​സ​ർ​കോ​ട്ട് പൊ​തു​ഗ​താ​ഗ​തം നി​ല​ച്ച് ഏ​ഴു​മ​ണി ക​ഴി​ഞ്ഞാ​ൽ ത​ന്നെ ഇ​രു​ട്ടി​ലാ​കും, ക​ട​ക​ൾ അ​ട​ഞ്ഞു​കി​ട​ക്കും. ഇ​തി​നു​ള​ള പ​രി​ഹാ​ര നി​ർ​ദേ​ശ​ങ്ങ​ളൊ​ക്കെ അ​ധി​കൃ​ത​ർ ചെ​വി​ക്കൊ​ള്ളു​ന്നു​മി​ല്ല. കാ​സ​ർ​കോ​ട് ടൗ​ണി​ന് വെ​ളി​ച്ച​മേ​കാ​ൻ ഒ​ട്ടേ​റെ പ​ദ്ധ​തി​ക​ൾ​ക്ക് തു​ട​ക്ക​മി​ട്ടി​രു​ന്നു. ‘പാ​ങ്ങു​ള്ള ബ​ജാ​റി​നും, ചേ​ലു​ള്ള ബ​ജാ​റി​നും’ തു​ട​ക്ക​മി​ട്ടു​വെ​ങ്കി​ലും ന​ഗ​ര​ത്തി​ൽ മ​നു​ഷ്യ​രി​ല്ലെ​ങ്കി​ൽ ന​ഗ​ര​ത്തി​ൽ പാ​ങ്ങു​മി​ല്ല, ചേ​ലു​മി​ല്ല എ​ന്ന​താ​ണ് സ്ഥി​തി.