അദാലത്തിലെ പരാതിക്ക് ജലസേചന വകുപ്പിന്റെ മറുപടി

കാ​സ​ർ​കോ​ട്: അ​ദാ​ല​ത്തി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ കു​മ്പ​ള​യി​ലെ ക​ഞ്ചി​ക്ക​ട്ട-​കൊ​ടി​യ​മ്മ പാ​ലം പു​ന​ർ​നി​ർ​മാ​ണ​ത്തി​ന് ന​ട​പ​ടി തു​ട​ങ്ങി. ചെ​റു​കി​ട ജ​ല​സേ​ച​ന വ​കു​പ്പി​ന്റെ അ​ധീ​ന​ത​യി​ലു​ള്ള കു​മ്പ​ള ക​ഞ്ചി​ക്ക​ട്ട-​കൊ​ടി​യ​മ്മ വി.​സി.​ബി കം ​ബ്രി​ഡ്ജ് പു​ന​ർ​നി​ർ​മാ​ണ​ത്തി​നാ​യു​ള്ള ന​ട​പ​ടി​ക​ൾ ന​ട​ന്നു​വ​രു​ന്ന​താ​യി ചെ​റു​കി​ട ജ​ല​സേ​ച​ന വി​ഭാ​ഗം എ​ക്സി​ക്യൂ​ട്ടി​വ് എ​ൻ​ജി​നീ​യ​റാ​ണ് അ​റി​യി​ച്ച​ത്. കാ​ല​പ്പ​ഴ​ക്കം​മൂ​ലം ബ​ല​ക്ഷ​യം സം​ഭ​വി​ച്ച​തി​നെ തു​ട​ർ​ന്ന് ജി​ല്ല റോ​ഡ് സേ​ഫ്റ്റി അ​തോ​റി​റ്റി നി​ർ​ദേ​ശ​പ്ര​കാ​രം ഒ​രു വ​ർ​ഷ​മാ​യി അ​ട​ച്ചി​ട്ടി​രി​ക്കു​ക​യാ​യി​രു​ന്നു ഈ ​പാ​ലം.

സം​സ്ഥാ​ന സ​ർ​ക്കാ​റി​ന്റെ ‘ക​രു​ത​ലും കൈ​ത്താ​ങ്ങും’ പ​രി​പാ​ടി​യു​ടെ ഭാ​ഗ​മാ​യി സം​ഘ​ടി​പ്പി​ച്ച താ​ലൂ​ക്ക്ത​ല അ​ദാ​ല​ത്തി​ൽ ആ​ദി ദ​ലി​ത മു​ന്നേ​റ്റ​സ​മി​തി സ​മ​ർ​പ്പി​ച്ച നി​വേ​ദ​ന​ത്തി​നു​ള്ള മ​റു​പ​ടി​യി​ലാ​ണ് ജ​ല​സേ​ച​ന​വ​കു​പ്പ് വി​ശ​ദീ​ക​ര​ണം.

പാ​ലം അ​ട​ച്ചി​ട്ട​പ്പോ​ൾ​ത​ന്നെ പു​തി​യ പു​തി​യ​തി​നു​ള്ള പ​രി​ശോ​ധ​ന പൂ​ർ​ത്തി​യാ​ക്കു​ക​യും ഡി​സൈ​ൻ ല​ഭ്യ​മാ​ക്കു​ക​യും ചെ​യ്തി​രു​ന്നു. എ​ന്നാ​ൽ, അ​പ്രോ​ച്ച് റോ​ഡി​നാ​വ​ശ്യ​മാ​യ സ്ഥ​ല​ല​ഭ്യ​ത ത​ട​സ്സം സൃ​ഷ്ടി​ച്ച​ത് തു​ട​ർ​ന​ട​പ​ടി​ക​ൾ വൈ​കാ​നി​ട​യാ​ക്കി. തു​ട​ർ​ന്ന് എ.​കെ.​എം. അ​ഷ്റ​ഫ് എം.​എ​ൽ.​എ​യും ജ​ന​കീ​യ ആ​ക്ഷ​ൻ ക​മ്മി​റ്റി​യും കു​മ്പ​ള ഗ്രാ​മ​പ​ഞ്ചാ​യ​ത്തും ചേ​ർ​ന്ന് ക​ഴി​ഞ്ഞ​മാ​സം സ്ഥ​ല​ല​ഭ്യ​ത ഉ​റ​പ്പു​വ​രു​ത്തി​യി​രു​ന്നു. ഇ​തോ​ടെ​യാ​ണ് പ​ദ്ധ​തി​ക്കു​ള്ള ഡി.​പി.​ആ​ർ ത​യാ​റാ​ക്കി​യ​ത്. ഈ ​മാ​സം​ത​ന്നെ ഡി.​പി.​ആ​ർ ന​ബാ​ർ​ഡി​ൽ സ​മ​ർ​പ്പി​ക്കും. അം​ഗീ​കാ​രം ല​ഭ്യ​മാ​യാ​ൽ പ്ര​വൃ​ത്തി​ക​ൾ തു​ട​ങ്ങു​മെ​ന്നും മ​റു​പ​ടി​യി​ലു​ണ്ട്.