ബസ് സ്റ്റാൻഡിലെ മുലയൂട്ടൽ കേന്ദ്രം പൊളിച്ച സംഭവം; ക്രമക്കേട്‌ നടന്നതായി വിവരാവകാശ രേഖ

നീ​ലേ​ശ്വ​രം: 16 കോ​ടി​യി​ല​ധി​കം രൂ​പ ചെ​ല​വ​ഴി​ച്ച് നി​ർ​മി​ച്ച് നാ​ടി​ന് സ​മ​ർ​പ്പി​ച്ച നീ​ലേ​ശ്വ​രം ബ​സ് സ്റ്റാ​ൻ​ഡ്​ കെ​ട്ടി​ട​ത്തി​ൽ ഗു​രു​ത​ര​മാ​യ നി​യ​മ​ലം​ഘ​ന​ങ്ങ​ളും അ​ന​ധി​കൃ​ത നി​ർ​മാ​ണ​ങ്ങ​ളും ന​ട​ന്ന​താ​യി വി​വ​രാ​വ​കാ​ശ രേ​ഖ​ക​ൾ വ്യ​ക്ത​മാ​ക്കു​ന്നു. 2026 ഫെ​ബ്രു​വ​രി ആ​റി​ന് ബ​സു​ക​ൾ സ​ർ​വീ​സ് ആ​രം​ഭി​ച്ച ബ​സ്​ സ്റ്റാ​ൻ​ഡി​ന്റെ പ്ര​ധാ​ന കെ​ട്ടി​ട​ത്തി​ൽ ര​ഹ​സ്യ​മാ​യി ഘ​ട​നാ​പ​ര​മാ​യ മാ​റ്റ​ങ്ങ​ൾ വ​രു​ത്തി​യി​രു​ന്നു. മു​ല​യൂ​ട്ട​ൽ കേ​ന്ദ്ര​ത്തി​ന്റെ ചു​മ​രു​ക​ൾ യാ​തൊ​രു​വി​ധ മു​ൻ​ക​രു​ത​ലു​ക​ളോ അ​നു​മ​തി​ക​ളോ ഇ​ല്ലാ​തെ പൊ​ളി​ച്ച് നീ​ക്കി അ​തി​ലൂ​ടെ പി​റ​കു​വ​ശ​ത്തേ​ക്ക് വ​ഴി നി​ർ​മി​ച്ച​താ​ണ് ഇ​പ്പോ​ൾ വി​വാ​ദ​മാ​യി​രി​ക്കു​ന്ന​ത്.

ന​ഗ​ര​സ​ഭ​യു​ടെ ഔ​ദ്യോ​ഗി​ക വി​വ​രാ​വ​കാ​ശ മ​റു​പ​ടി​യി​ൽ 2026 ഏ​പ്രി​ൽ 21ന് ​ചേ​ർ​ന്ന സ്റ്റി​യ​റി​ങ് ക​മ്മി​റ്റി യോ​ഗ​ത്തി​ൽ മു​ല​യൂ​ട്ട​ൽ കേ​ന്ദ്രം നി​ല​നി​ർ​ത്തി​ക്കൊ​ണ്ട് അ​തി​ന്റെ അ​രി​കി​ലൂ​ടെ വ​ഴി സ്ഥാ​പി​ക്ക​ണ​മെ​ന്നാ​ണ് തീ​രു​മാ​നി​ച്ച​തെ​ന്നാ​ണ് ന​ഗ​ര​സ​ഭ​യു​ടെ വാ​ദം. എ​ന്നാ​ൽ നാ​ലു​നി​ല​ക​ളു​ള്ള ഒ​രു പൊ​തു​ക്കെ​ട്ടി​ട​ത്തി​ൽ ഇ​ത്ത​ര​ത്തി​ലു​ള്ള ഘ​ട​നാ​പ​ര​മാ​യ മാ​റ്റ​ങ്ങ​ളോ പൊ​ളി​ച്ചു​മാ​റ്റ​ലു​ക​ളോ വ​രു​ത്താ​ൻ കേ​വ​ലം ഒ​രു സ്റ്റി​യ​റി​ങ് ക​മ്മി​റ്റി​ക്ക്​ അ​ധി​കാ​ര​മി​ല്ല. വി​വ​രാ​വ​കാ​ശ​പ്ര​കാ​രം ഈ ​മ​റു​പ​ടി ന​ൽ​കാ​നാ​വാ​ത്ത​തി​നാ​ൽ കെ​ട്ടി​ട​ത്തി​ന്റെ നി​ർ​മാ​ണം പൂ​ർ​ത്തി​യാ​യി​ട്ടി​ല്ലെ​ന്നാ​ണ് മ​റു​പ​ടി ന​ൽ​കി​യ​ത്.

തു​ട​ർ​ന്ന് 2026 ജൂ​ലാ​യ് 15-ന് ​ന​ൽ​കി​യ മ​റ്റൊ​രു വി​വ​രാ​വ​കാ​ശ ചോ​ദ്യ​ത്തി​ന്, കെ​ട്ടി​ടം പൊ​ളി​ച്ചു​നീ​ക്കു​ന്ന​തി​ന് ചീ​ഫ് ടൗ​ൺ പ്ലാ​ന​റു​ടെ അ​നു​മ​തി​യോ കൗ​ൺ​സി​ൽ അം​ഗീ​കാ​ര​മോ ആ​വ​ശ്യ​മി​ല്ലെ​ന്നാ​ണ്. ഇ​തി​നെ​തി​രെ വി​വ​രാ​വ​കാ​ശ പ്ര​വ​ർ​ത്ത​ക​നാ​യ സു​രേ​ഷ് പു​തി​യേ​ട​ത്ത് ഒ​ന്നാം അ​പ്പീ​ൽ അ​ധി​കാ​രി​യാ​യ എ​ൽ.​ഐ.​ഡി ആ​ൻ​ഡ് ഇ.​ഡ​ബ്ല്യു സ​ബ് ഡി​വി​ഷ​ൻ അ​സി​സ്റ്റ​ന്റ് എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ മു​മ്പാ​കെ സെ​പ്തം​ബ​ർ ഒ​മ്പ​തി​ന്​ അ​പ്പീ​ൽ സ​മ​ർ​പ്പി​ച്ചു. ന​ഗ​ര​സ​ഭ കൗ​ൺ​സി​ൽ അം​ഗീ​ക​രി​ച്ച അ​ജ​ണ്ട​യും മി​നു​ട്സ് കോ​പ്പി​യും അ​പേ​ക്ഷ​ക​ന് ന​ൽ​കാ​ൻ ഉ​ത്ത​ര​വി​ട്ടു.

ഈ ​ഉ​ത്ത​ര​വി​ന്റെ അ​ടി​സ്ഥാ​ന​ത്തി​ൽ പ​രി​ശോ​ധി​ച്ച​പ്പോ​ഴാ​ണ് കൂ​ടു​ത​ൽ ദു​രൂ​ഹ​ത​ക​ൾ പു​റ​ത്തു​വ​ന്ന​ത്. 2026 ജൂ​ലാ​യ് 27ന് ​ന​ട​ന്ന മു​നി​സി​പ്പ​ൽ കൗ​ൺ​സി​ൽ യോ​ഗ​ത്തി​ന്റെ അ​ജ​ണ്ട​യി​ലെ 54-ാം ന​മ്പ​ർ മാ​ത്ര​മാ​ണ് ഇ​തി​നാ​യി പി​ന്നീ​ട് അ​നു​വ​ദി​ച്ച​ത്.

വി​വ​രാ​വ​കാ​ശ ചോ​ദ്യ​ത്തി​ന് മ​റു​പ​ടി ന​ൽ​കാ​ൻ വേ​ണ്ടി മാ​ത്രം വ​ള​രെ വൈ​കി വി​ഷ​യം കൗ​ൺ​സി​ൽ അ​ജ​ണ്ട​യി​ൽ ഉ​ൾ​പ്പെ​ടു​ത്തു​ക​യാ​യി​രു​ന്നു​വെ​ന്ന് ഇ​തി​ലൂ​ടെ വ്യ​ക്ത​മാ​ണ്. കൗ​ൺ​സി​ലി​നെ നോ​ക്കു​കു​ത്തി​യാ​ക്കി ഉ​ദ്യോ​ഗ​സ്ഥ​ർ ത​ന്നി​ഷ്ട​പ്ര​കാ​രം എ​ടു​ത്ത തീ​രു​മാ​ന​ങ്ങ​ൾ പൊ​തു​പ​ണ ദു​ർ​വ്യ​യ​ത്തി​ന് കാ​ര​ണ​മാ​യി.