കിദൂരിലേക്ക് വരൂ, പക്ഷിഗ്രാമം കാണാം

മൊ​ഗ്രാ​ൽ: പ​ക്ഷി​നി​രീ​ക്ഷ​ണ​ത്തി​നും ഗ​വേ​ഷ​ണ​ത്തി​നു​മാ​യി കു​മ്പ​ള പ​ഞ്ചാ​യ​ത്തി​ലെ കി​ദൂ​ർ കു​ണ്ട​ങ്ക​ര​ടു​ക്ക​യി​ൽ സം​സ്ഥാ​ന സ​ർ​ക്കാ​റി​ന്റെ ഡോ​ർ​മെ​ട്രി പ​ക്ഷി​ഗ്രാ​മം പ​ദ്ധ​തി നി​ർ​മാ​ണം പൂ​ർ​ത്തി​യാ​യി. പ്ര​കൃ​തി​സ്നേ​ഹി​ക​ൾ​ക്ക് പ​ക്ഷി​ഗ്രാ​മ​ത്തി​ൽ താ​മ​സി​ക്കാം. വി​നോ​ദ​സ​ഞ്ചാ​ര വ​കു​പ്പി​ന്റെ​താ​ണ് പ​ക്ഷി​ഗ്രാ​മം പ​ദ്ധ​തി. പ​ഞ്ചാ​യ​ത്തി​ൽ ന​ട​പ്പാ​ക്കു​ന്ന ആ​ദ്യ​ത്തെ സ​ർ​ക്കാ​ർ ടൂ​റി​സം പ​ദ്ധ​തി​കൂ​ടി​യാ​ണി​ത്. ന​ട​ത്തി​പ്പി​നാ​യി ടെ​ൻ​ഡ​ർ ന​ട​പ​ടി പൂ​ർ​ത്തി​യാ​യാ​ൽ കെ​ട്ടി​ടം തു​റ​ന്നു​കൊ​ടു​ക്കും.

2019ൽ ​കാ​സ​ർ​കോ​ട് വി​ക​സ​ന പാ​ക്കേ​ജി​ൽ ഉ​ൾ​പ്പെ​ടു​ത്തി 60 ല​ക്ഷം രൂ​പ ചെ​ല​വ​ഴി​ച്ചാ​ണ് പ​ക്ഷി​ഗ്രാ​മ​ത്തി​ന്റെ ഡോ​ർ​മെ​ട്രി നി​ർ​മാ​ണം പൂ​ർ​ത്തി​യാ​ക്കി​യ​ത്. മീ​റ്റി​ങ് ഹാ​ൾ, ഓ​ഫി​സ് മു​റി, കാ​ബി​ൻ, താ​മ​സ​ത്തി​നു​ള്ള മു​റി​ക​ൾ, അ​ടു​ക്ക​ള, ശൗ​ചാ​ല​യ​ങ്ങ​ൾ എ​ന്നി​വ​യെ​ല്ലാം ഒ​രു​ക്കി​യി​ട്ടു​ണ്ട്. 10 ഏ​ക്ക​ർ വി​സ്തൃ​തി​യി​ലു​ള്ള​താ​ണ് പ​ക്ഷി​ഗ്രാ​മം. ജൈ​വ​വൈ​വി​ധ്യ​ങ്ങ​ളാ​ൽ സ​മ്പ​ന്ന​വു​മാ​ണ്.

വി​ദേ​ശ​ത്തെ​യും സ്വ​ദേ​ശ​ത്തെ​യു​മാ​യി 174 ഇ​നം പ​ക്ഷി​ക​ളെ ഇ​വി​ടെ ക​ണ്ടെ​ത്തി​യി​ട്ടു​ണ്ട്.​ അ​പൂ​ർ​വ​യി​നം പ​ക്ഷി​ക​ൾ കി​ദൂ​റി​ന്റെ ആ​ക​ർ​ഷ​ണ​മാ​ണെ​ന്ന് പ​ക്ഷി​നി​രീ​ക്ഷ​ക​ർ പ​റ​യു​ന്നു. ഏ​തു വേ​ന​ലി​ലും വ​റ്റാ​ത്ത പ്ര​കൃ​തി​ദ​ത്ത​മാ​യ ‘കാ​ജൂ​ർ പ​ള്ളം’ കി​ദൂ​റി​ന്റെ പ്ര​ത്യേ​ക​ത​യാ​ണ്. പ​ദ്ധ​തി ഉ​ദ്ഘാ​ട​ന​ത്തി​നൊ​രു​ങ്ങു​ന്ന​തോ​ടെ തൊ​ട്ട​ടു​ത്ത കു​മ്പ​ള​യി​ലെ ആ​രി​ക്കാ​ടി കോ​ട്ട, കു​മ്പ​ള ത​ടാ​ക ക്ഷേ​ത്രം തു​ട​ങ്ങി​യ സ്ഥ​ല​ങ്ങ​ളു​ടെ വി​നോ​ദ സ​ഞ്ചാ​ര വി​ക​സ​ന സാ​ധ്യ​ത​ക​ൾ​ക്ക് സാ​ഹ​ച​ര്യ​മൊ​രു​ങ്ങു​മെ​ന്നാ​ണ് നാ​ട്ടു​കാ​രു​ടെ പ്ര​തീ​ക്ഷ.