വാക്കും വരയും ബാക്കിയായി; ബിജു കാഞ്ഞങ്ങാട് യാത്രയായി

കാ​സ​ർ​കോ​ട്: ‘ക​വി​യാ​യ് നീ ​വ​ര​ക്കു​ന്നു, ക​വി​യ വ​ർ​ണ വി​സ്മ​യം, ചി​ത്ര​മാ​യ് നീ ​ക​വി​ക്കു​ന്നു ക​വി​ത ധ്വ​നി സാ​ന്ദ്ര​ണം. വാ​ക്കും വ​ര​യും ചേ​ർ​ന്നു​ള്ള വാ​ഗ​ർ​ഥ ര​സ​പൂ​ര​ണം മൗ​ന​ത്തി​ങ്ക​ലൊ​ളി​ച്ചു​ള്ള സ്വ​ര​സം​ഗീ​ത സാ​ധ​കം’, അ​കാ​ല​ത്തി​ൽ പൊ​ലി​ഞ്ഞു​പോ​യ ക​വി ബി​ജു കാ​ഞ്ഞ​ങ്ങാ​ടി​നെക്കുറി​ച്ച് അ​ദ്ദേ​ഹം ജീ​വി​ച്ചി​രി​​ക്കെ ത​ന്നെ ക​വി ദി​വാ​ക​ര​ൻ വി​ഷ്ണു​മം​ഗ​ലം 2018ൽ ​എ​ഴു​തി​യ ക​വി​ത ‘ഉ​റ​വി​ട’​ത്തി​ൽ നി​ന്നു​ള്ള വ​രി​ക​ളാ​ണി​ത്. ക​വി​ത​യും ചി​ത്ര​വും ഭാ​വാ​ത്മ​ക​മാ​യി മേ​ളി​ച്ച ബി​ജു​വി​ന്റെ ജീ​വി​ത​ത്തെക്കുറി​ച്ചു​ള്ള വ​രി​ക​ളാ​ണി​വ. ഈ​ണ​വും താ​ള​വും തേ​ടി ക​വി​ക​ൾ പാ​യു​ന്ന കാ​ല​ത്ത് വാ​ക്കു​ക​ളും ഭാ​വ​ന​ക​ളും ക​ായ്ക്കു​ന്ന ക​വി​ത​യാ​യി ത​ന്നെ വി​ള​മ്പി​യ ബി​ജു വ​ർ​ണ​ങ്ങ​ൾ​കൊ​ണ്ട് മ​റു​വ​ശ​ത്ത് സം​ഗീ​തം തീ​ർ​ത്തു. ഒ​രു ക​വി മ​റ്റൊ​രു ക​വി​ക്ക് ക​വി​ത​യാ​യി മാ​റാ​നി​ട​യാ​യ ജീ​വി​ത​മാ​ണ് ബി​ജു കാ​ഞ്ഞ​ങ്ങാ​ടി​ന്റേ​ത്. സാ​ഹി​ത്യ​ത്തി​ലെ ത​ല​മു​റ​മാ​റ്റം ഏ​റ്റെ​ടു​ക്കാ​ൻ ഈ​റ​ന​ണി​ഞ്ഞി​രി​ക്കേ​ണ്ട ബി​ജു കാ​ഞ്ഞ​ങ്ങാ​ടി​​ന്റെ അ​കാ​ല​ത്തി​ലു​ള്ള യാ​ത്ര സ​ഹി​ക്കാ​നും ഉ​ൾ​ക്കൊ​ള്ളാ​നും ക​ഴി​യാ​തെ വി​ങ്ങി​പ്പൊ​ട്ടു​ക​യാ​ണ് എ​ഴു​ത്തു​ലോ​കം.

2005ൽ ​സാ​ഹി​ത്യ അ​ക്കാ​ദ​മി​യു​ടെ ദേ​ശീ​യ ക​വി സ​മ്മേ​ള​ന​ത്തി​ൽ മ​ല​യാ​ള​ത്തെ പ്ര​തി​നി​ധാ​നം ചെ​യ്തു. ചെ​റി​യ ജീ​വി​ത കാ​ല​യ​ളി​വ​നു​ള്ളി​ൽ അ​ദ്ദേ​ഹ​ത്തി​ന്റെ ക​വി​ത​ക​ൾ ഇം​ഗ്ലീ​ഷ്, ഹി​ന്ദി, തു​ളു, ക​ന്ന​ട എ​ന്നീ ഭാ​ഷ​ക​ളി​ലേ​ക്ക് വി​വ​ർ​ത്ത​നം ചെ​യ്തി​ട്ടു​ണ്ട്. തൊ​ട്ടു​മു​മ്പ് മ​ഞ്ഞ​യി​ല​യോ​ട്, അ​ഴി​ച്ചു​കെ​ട്ട് (ക​വി​ത​ക​ൾ), ജൂ​ൺ (പ്ര​ണ​യ ക​വി​ത​ക​ൾ), ഉ​ച്ച​മ​ഴ​യി​ൽ (ക​വി​ത​ക​ൾ), വെ​ള്ളി​മൂ​ങ്ങ (ര​ണ്ട് ദീ​ർ​ഘ ക​വി​ത​ക​ൾ), പു​ലി​യു​ടെ ഭാ​ഗ​ത്താ​ണ് ‍ഞാ​നി​പ്പോ​ഴു​ള്ള​ത് (ക​വി​ത​ക​ൾ), ഉ​ള്ള​ന​ക്ക​ങ്ങ​ൾ (പ്ര​ണ​യ ക​വി​ത​ക​ൾ), വാ​ക്കി​ന്റെ വ​ഴി​യും വെ​ളി​ച്ച​വും(​പ​ഠ​നം), ക​വി​ത മ​റ്റൊ​രു ഭാ​ഷ​യാ​ണ് (പ​ഠ​നം) എ​ന്നീ കൃ​തി​ക​ൾ ബി​ജു​വി​ന്റേ​താ​യു​ണ്ട്. മ​ഹാ​ക​വി പി.​സ്മാ​ര​ക യു​വ​ക​വി പ്ര​തി​ഭ പു​ര​സ്കാ​രം (2013), മൂ​ടാ​ടി ദാ​മോ​ദ​ര​ൻ സ്മാ​ര​ക ക​വി​ത പു​ര​സ്കാ​രം (2015), പ്ര​ഫ. ജോ​സ​ഫ് മു​ണ്ട​ശ്ശേ​രി സ്മാ​ര​ക സാ​ഹി​ത്യ പു​ര​സ്കാ​രം (2017) എ​ന്നി​വ ക​ര​സ്ഥ​മാ​ക്കി​യി​ട്ടു​ണ്ട്.

ക​വി​ത​യു​ടെ​യും ചി​ത്ര​ക​ല​യു​ടെ​യും ഏ​റ്റ​വും നൂ​ത​ന​മാ​യ സ്പ​ന്ദ​ന​മ​റി​യു​ന്ന വ​ലി​യ ക​വി​യും ചി​ത്ര​കാ​ര​നു​മാ​ണ് ബി​ജു കാ​ഞ്ഞ​ങ്ങാ​ട് എ​ന്ന് ക​വി ദി​വാ​ക​ര​ൻ വി​ഷ്ണു​മം​ഗ​ലം അ​നു​സ്മ​രി​ച്ചു. ഏ​ത് ക​വി​ത എ​ഴു​തു​മ്പോ​ഴും ആ​ദ്യം ഞാ​ൻ ബി​ജു​വി​നെ വാ​യി​ച്ചു കേ​ൾ​പ്പി​ക്കും. എ​ന്റെ ക​വി​ത​യി​ലെ തെ​റ്റു​കു​റ്റ​ങ്ങ​ൾ പ​റ​ഞ്ഞു​ത​രാ​നും കൂ​ടെ ന​ട​ക്കാ​നും ബി​ജു​വു​ണ്ടാ​യി​രു​ന്നു. ഒ​രു ന​ല്ല പു​സ്ത​കം വാ​യി​ച്ചാ​ൽ, സി​നി​മ ക​ണ്ടാ​ൽ, സം​ഗീ​ത​മോ ചി​ത്ര​മോ ആ​സ്വ​ദി​ച്ചാ​ൽ ഉ​ട​നെ​യു​ണ്ടാ​കും ഫോ​ൺ വി​ളി​ക​ൾ, സ​ർ​ഗാ​ത്മ​ക സം​വാ​ദ​ങ്ങ​ൾ. അ​നാ​ഥ​മാ​ക്കിപ്പോ​യ വ​ഴി​ക​ളി​ൽ നോ​ക്കി​യി​ങ്ങ​നെ പ​ക​ച്ചുനി​ൽ​ക്കാ​ന​ല്ലാ​തെ മ​റ്റൊ​ന്നു​മാ​വു​ന്നി​ല്ല’-​അ​ദ്ദേ​ഹം പ​റ​ഞ്ഞു.

ക​വി​ത​യും ചി​ത്ര​ക​ല​യും ഒ​രു​മി​ച്ചു​കൊ​ണ്ടു​പാ​യ എ​ഴു​ത്തു​കാ​ര​നാ​ണ് ബി​ജു കാ​ഞ്ഞ​ങ്ങാ​ട് എ​ന്ന് നോ​വി​ലി​സ്റ്റ് അം​ബി​കാ​സു​ത​ൻ മാ​ങ്ങാ​ട് പ​റ​ഞ്ഞു. മ​ഞ്ഞ ചി​ത്ര​ക​ല​യും കാ​വ്യ​ക​ല​യും സ​മ്മേ​ളി​ക്കു​ന്ന പു​സ്ത​കം. വാ​ൻ​ഗോ​ഗി​ന്റെ ഓ​രോ ചി​ത്ര​ങ്ങ​ൾ​ക്ക് ഓ​രോ ക​വി​ത എ​ന്ന നി​ല​യി​ൽ പ്ര​കൃ​തി​യു​ടെ സു​ക്ഷ്മ ഭാ​വ വി​ന്യാ​സ​ങ്ങ​ളെ ആ​രാ​യു​ന്ന മ​ല​യാ​ള​ത്തി​ലെ ആ​ദ്യ​പു​സ്ത​ക​മാ​ണ് മ​ഞ്ഞ. വ​ള​രെ അ​പൂ​ർ​വ​മാ​യ പു​സ്ത​കം. ബി​ജു​വി​ന്റെ വി​യോ​ഗം​ അ​ഗാ​ധ​മാ​യ ശൂ​ന്യ​ത​യാ​ണ് സൃ​ഷ്ടി​ച്ചി​രി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു.