പ​രി​ക്കേ​റ്റ​വ​രെ ആ​ശു​പ​ത്രി​യി​ൽ ക​യ​റി വീ​ണ്ടും ആ​ക്ര​മി​ച്ചു

കാ​ഞ്ഞ​ങ്ങാ​ട്: പ​ട​ന്ന​ക്കാ​ടു​ണ്ടാ​യ ആ​ക്ര​മ​ണ​ത്തി​ൽ പ​രി​ക്കേ​റ്റ​വ​രെ എ​ട്ടം​ഗ​സം​ഘം ആ​ശു​പ​ത്രി​യി​ൽ ക​യ​റി വീ​ണ്ടും ആ​ക്ര​മി​ച്ചു. പ​ട​ന്ന​ക്കാ​ട് സ്വ​ദേ​ശി​ക​ളാ​യ സ​ഹ​ദ് (23), അ​ഫ്സ​ൽ (30), മു​ബ​ശ്ശി​ർ (22) എ​ന്നി​വ​ർ​ക്കാ​ണ് ആ​ക്ര​മ​ണ​ത്തി​ൽ പ​രി​ക്കേ​റ്റ​ത്. ചു​റ്റി​ക കൊ​ണ്ട് ത​ല​ക്ക​ടി​യേ​റ്റും മൂ​ക്കി​ന്റെ പാ​ല​വും ത​ക​ർ​ന്ന നി​ല​യി​ൽ യു​വാ​ക്ക​ൾ ജി​ല്ല ആ​ശു​പ​ത്രി​യി​ൽ ചി​കി​ത്സ​തേ​ടി. യു​വാ​വും പെ​ൺ​കു​ട്ടി​യും ത​മ്മി​ലു​ള്ള സൗ​ഹൃ​ദ​വു​മാ​യി ബ​ന്ധ​പ്പെ​ട്ടു​ണ്ടാ​യ വി​ഷ​യ​ത്തി​ൽ സ​ഹ​ദി​നെ​യും അ​ഫ്സ​ലി​നെ​യും ചി​ല​ർ കു​യ്യാ​ലി​ലേ​ക്ക് ച​ർ​ച്ച​ക്കെ​ന്ന് പ​റ​ഞ്ഞ് വി​ളി​ച്ചു​വ​രു​ത്തി ആ​ക്ര​മി​ച്ച​താ​യാ​ണ് പ​രാ​തി.

ഇ​രു​വ​രും സ​ഞ്ച​രി​ച്ച ബൈ​ക്ക് അ​ടി​ച്ചു​ത​ക​ർ​ക്കു​ക​യും യു​വാ​ക്ക​ളെ ആ​ക്ര​മി​ക്കു​ക​യും ചെ​യ്തു. പ​രി​ക്കേ​റ്റ സ​ഹ​ദി​നെ​യും അ​ഫ്സ​ലി​നെ​യും മു​ബ​ശ്ശി​ർ പ​ട​ന്ന​ക്കാ​ട്ടെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചു. ക​ഴി​ഞ്ഞ​ദി​വ​സം ഉ​ച്ച​ക്ക് പ​രി​ക്കേ​റ്റ​വ​രെ ഡോ​ക്ട​ർ പ​രി​ശോ​ധി​ക്കു​ന്ന​തി​നി​ടെ ര​ണ്ട് കാ​റു​ക​ളി​ലാ​യെ​ത്തി​യ എ​ട്ടം​ഗ​സം​ഘം ആ​ശു​പ​ത്രി​ക്കു​ള്ളി​ൽ വെ​ച്ച് മൂ​ന്നു​പേ​രെ​യും ആ​ക്ര​മി​ക്കു​ക​യാ​യി​രു​ന്നു. ആ​ശു​പ​ത്രി​യി​ൽ ന​ട​ന്ന ആ​ക്ര​മ​ണ​ത്തി​ന്റെ സി.​സി.​ടി.​വി ദൃ​ശ്യം പു​റ​ത്തു​വ​ന്നു. ഹോ​സ്ദു​ർ​ഗ് പൊ​ലീ​സി​ൽ പ​രാ​തി ന​ൽ​കി.