പു​സ്ത​ക​ങ്ങ​ളി​ലൂ​ടെ വി​ദ്യാ​ഭ്യാ​സ മു​ന്നേ​റ്റം; എ​സ്.​സി-​എ​സ്.​ടി മേ​ഖ​ല​ക​ളി​ല്‍ ‘അ​ക്ഷ​രോ​ന്ന​തി’

കാ​സ​ർ​കോ​ട്: ജി​ല്ല​യി​ലെ പ​ട്ടി​ക​ജാ​തി -വ​ര്‍ഗ വി​ഭാ​ഗ​ങ്ങ​ളി​ല്‍ വാ​യ​ന​യെ ജീ​വി​ത​ശൈ​ലി​യാ​ക്കി മാ​റ്റു​ക എ​ന്ന ല​ക്ഷ്യ​ത്തോ​ടെ ത​ദ്ദേ​ശ​സ്വ​യം​ഭ​ര​ണ വ​കു​പ്പി​ന്റെ നേ​തൃ​ത്വ​ത്തി​ല്‍ ‘അ​ക്ഷ​രോ​ന്ന​തി’ പ​ദ്ധ​തി ന​ട​പ്പാ​ക്കു​ന്നു.

പ​ട്ടി​ക​ജാ​തി-​വ​ര്‍ഗ വി​ഭാ​ഗ​ത്തി​ൽ​പെ​ടു​ന്ന കു​ട്ടി​ക​ള്‍ക്കും യു​വ​ജ​ന​ങ്ങ​ള്‍ക്കും ഉ​ന്ന​തി​ക​ളി​ലും പ​ഠ​ന​മു​റി​ക​ളി​ലും ഹോ​സ്റ്റ​ലു​ക​ളി​ലും വാ​യ​ന​സൗ​ക​ര്യ​ങ്ങ​ളു​ടെ​യും നി​ല​വാ​ര​മു​ള്ള പു​സ്ത​ക​ങ്ങ​ളു​ടെ​യും ല​ഭ്യ​ത​ക്കു​റ​വ് പ​രി​ഹ​രി​ക്കു​ക, വാ​യ​ന​ശീ​ലം വ​ള​ര്‍ത്തു​ക എ​ന്നി​വ​യാ​ണ് പ​ദ്ധ​തി​യു​ടെ മു​ഖ്യ​ല​ക്ഷ്യം. കു​ട്ടി​ക​ള്‍ക്ക് പ്രാ​യാ​നു​സൃ​ത​വും നി​ല​വാ​ര​മു​ള്ള​തു​മാ​യ പു​സ്ത​ക​ങ്ങ​ള്‍ ല​ഭ്യ​മാ​ക്കു​ക, സ​മൂ​ഹ​ത്തി​ല്‍ പു​സ്ത​ക​ദാ​നം പ്രോ​ത്സാ​ഹി​പ്പി​ക്കു​ക, പ്രാ​ദേ​ശി​ക​ത​ല​ത്തി​ല്‍ വാ​യ​ന​സൗ​ക​ര്യ​ങ്ങ​ള്‍ ശ​ക്തി​പ്പെ​ടു​ത്തു​ക എ​ന്നി​വ​യും പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്നു.

ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍, ലൈ​ബ്ര​റി​ക​ള്‍, പ്രാ​ദേ​ശി​ക​ത​ല കൂ​ട്ടാ​യ്മ​ക​ള്‍ എ​ന്നി​വ​യു​ടെ സ​ഹ​ക​ര​ണ​ത്തോ​ടെ പു​സ്ത​ക​ങ്ങ​ള്‍ ശേ​ഖ​രി​ച്ച് നി​ല​വാ​രം ഉ​റ​പ്പാ​ക്കി​യ​ശേ​ഷം എ​സ്.​സി -എ​സ്.​ടി ഉ​ന്ന​തി​ക​ളി​ലെ ലൈ​ബ്ര​റി​ക​ള്‍, സാ​മൂ​ഹി​ക പ​ഠ​ന​മു​റി​ക​ള്‍, ഹോ​സ്റ്റ​ലു​ക​ള്‍, പ​ക​ല്‍വീ​ടു​ക​ള്‍, സ്‌​കൂ​ളു​ക​ള്‍, പ​ഞ്ചാ​യ​ത്ത്‌-​ബ്ലോ​ക്ക് ലൈ​ബ്ര​റി​ക​ള്‍ എ​ന്നി​വി​ട​ങ്ങ​ളി​ലേ​ക്ക് വി​ത​ര​ണം ചെ​യ്യും.

ജി​ല്ല​ത​ല ഉ​ദ്ഘാ​ട​നം ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് സാ​ബു അ​ബ്ര​ഹാം നി​ര്‍വ​ഹി​ച്ചി​രു​ന്നു. ക​ല​ക്ട​ര്‍ ഇ​മ്പ​ശേ​ഖ​ര്‍ അ​ക്ഷ​രോ​ന്ന​തി​യു​ടെ ലോ​ഗോ പ്ര​കാ​ശ​നം നി​ര്‍വ​ഹി​ക്കു​ക​യും ആ​ദ്യ​പു​സ്ത​കം ത​ദ്ദേ​ശ സ്വ​യം​ഭ​ര​ണ വ​കു​പ്പ് ജോ. ​ഡ​യ​റ​ക്ട​ര്‍ ആ​ർ. ഷൈ​നി​ക്ക് ന​ല്‍കി പു​സ്ത​ക​ശേ​ഖ​ര​ണ​ത്തി​ന്റെ ഉ​ദ്ഘാ​ട​ന​വും നി​ര്‍വ​ഹി​ച്ചി​രു​ന്നു.

കൂ​ട്ടാ​യ​പ്ര​വ​ര്‍ത്ത​ന​ങ്ങ​ളി​ലൂ​ടെ ജി​ല്ല​യി​ലെ വി​വി​ധ ഉ​ന്ന​തി​ക​ളി​ലെ പ​ട്ടി​ക​ജാ​തി -വ​ര്‍ഗ വി​ഭാ​ഗ​ക്കാ​രി​ല്‍ വാ​യ​ന പ്രോ​ത്സാ​ഹി​പ്പി​ക്കു​ക​യാ​ണ് പ​ദ്ധ​തി​യു​ടെ ദൗ​ത്യം. വാ​യ​ന​യി​ലൂ​ടെ അ​റി​വ് സ​മ്പാ​ദ​ന​ത്തി​നും സാ​മൂ​ഹി​ക മു​ന്നേ​റ്റ​ത്തി​നും വ​ഴി​യൊ​രു​ക്കു​ന്ന ‘അ​ക്ഷ​രോ​ന്ന​തി’ ജി​ല്ല​യി​ലെ പ​ട്ടി​ക​ജാ​തി -വ​ര്‍ഗ സ​മൂ​ഹ​ങ്ങ​ളു​ടെ വി​ദ്യാ​ഭ്യാ​സ മു​ന്നേ​റ്റ​ത്തി​ല്‍ നി​ര്‍ണാ​യ​ക പ​ങ്കു​വ​ഹി​ക്കു​മെ​ന്നാ​ണ് പ്ര​തീ​ക്ഷ.