വിവാഹവാഗ്ദാനം നൽകി പീഡിപ്പിച്ച കേസിൽ പ്രതി പിടിയിൽ

കാഞ്ഞങ്ങാട്: വിഹാഹവാഗ്ദാനം നൽകി യുവതിയെ പീഡനത്തിനിരയാക്കിയെന്ന കേസിൽ പ്രതിയെ ബംഗളൂരുവിൽനിന്ന് പൊലീസ് പിടികൂടി. യുവതിയുടെ പരാതിയെ തുടർന്ന് ചന്തേര പൊലീസ് കേസ് രജിസ്ടർ ചെയ്യുകയും അന്വേഷണം നടത്തി പ്രതി ബംഗളൂരുവിലാണെന്ന് കണ്ടെത്തുകയുമായിരുന്നു. പടന്ന കൈപ്പാടിലെ ബി.എസ്. അബ്ദുൽ മനാഫാണ് (29) അറസ്റ്റിലായത്. ചന്തേര ഇൻസ്‌പെക്ടർ എം. പ്രശാന്തിന്റെ നേതൃത്വത്തിൽ എസ്.ഐമാരായ ജിയോ സദാനന്ദൻ, രാഘുനാഥൻ, സീനിയർ സിവിൽ ഓഫിസർമാരായ ഷൈജു വെള്ളൂർ, രഞ്ജിത്ത് എന്നിവർ ചേർന്നാണ് പ്രതിയെ പിടികൂടിയത്. കോടതി പ്രതിയെ റിമാൻഡ് ചെയ്തു.