ഇ​നി തോ​ഡ, തോ​ഡ അ​ല്ല; ബഡാ, ബ​ഡാ ഹി​ന്ദി; ഹി​ന്ദി വാ​യ​ന​ശാ​ല​യൊ​രു​ക്കി കാസർകോട്ടൊരു ഗവ. സ്കൂൾ

കാ​സ​ർ​കോ​ട്‌: കാ​സ​ർ​കോ​ട്​ ഗ​വ. യു.​പി. സ്കൂ​ളി​ൽ ഇ​നി തോ​ഡ തോ​ഡ ഹി​ന്ദി അ​ല്ല, കു​ട്ടി​ക​ൾ ബ​ഡാ, ബ​ഡാ ഹി​ന്ദി ത​ന്നെ സം​സാ​രി​ക്കും. അ​തി​നാ​യി വാ​യ​ന പ​രി​പോ​ഷി​പ്പി​ക്കാ​ൻ ഹി​ന്ദി വാ​യ​ന​ശാ​ല​യൊ​രു​ക്കി സ്‌​കൂ​ൾ. ഹി​ന്ദി പ​ഠി​ക്കു​ന്ന കു​ട്ടി​ക​ളു​ടെ സ​ർ​ഗാ​ത്മ​ക​ ക​ഴി​വു​ക​ൾ വി​ക​സി​പ്പി​ച്ചെ​ടു​ക്കാ​ൻ വേ​റി​ട്ട വ​ഴി തേ​ടു​ക​യാ​യി​രു​ന്നു.

കു​ട്ടി​ക​ളു​ടെ നേ​തൃ​ത്വ​ത്തി​ലു​ള്ള വാ​യ​ന​ശാ​ല​യും കു​ട്ടി​ക​ൾ​ത​ന്നെ ലൈ​ബ്രേ​റി​യ​ന്റെ ചു​മ​ത​ല​ വ​ഹി​ക്കു​ക​യും ചെ​യ്യു​ന്ന കാ​ഴ്ച ഇ​തി​ന്റെ സ​വി​ശേ​ഷ​ത​യാ​ണ്. ഹി​ന്ദി അ​ധ്യാ​പ​ക​നാ​യ കെ.​എ​ൻ. സു​നി​ൽ​കു​മാ​ർ ത​യാ​റാ​ക്കി​യ അ​ക്കാ​ദ​മി​ക് മാ​സ്റ്റ​ർ പ്ലാ​നി​ന്റെ ഭാ​ഗ​മാ​യാ​ണ്‌ കു​ട്ടി​ക​ളു​ടെ ഹി​ന്ദി വാ​യ​ന​ശാ​ല​യും കു​ട്ടി ലൈ​ബ്രേ​റി​യ​ന്മാ​രും എ​ന്ന ആ​ശ​യ​ത്തി​ലേ​ക്കെ​ത്തി​യ​ത്‌. പു​തി​യ പാ​ഠ്യ പ​ദ്ധ​തി​ക്ക്‌ അ​നു​യോ​ജ്യ​മാ​യ രീ​തി​യി​ൽ ഹി​ന്ദി വാ​യ​ന​ശാ​ല ന​വീ​ക​ര​ണ​മാ​ണ് അ​ക്കാ​ദ​മി​ക് മാ​സ്റ്റ​ർ പ്ലാ​നി​ന്റെ പ്ര​ധാ​ന ല​ക്ഷ്യം. യു.​പി വി​ഭാ​ഗം കു​ട്ടി​ക​ൾ ദി​വ​സ​വും വാ​യ​ന​ശാ​ല​യി​ലെ​ത്തി പു​സ്ത​ക​ങ്ങ​ൾ വാ​യി​ക്കും.

സം​ശ​യ​ങ്ങ​ൾ ദൂ​രീ​ക​രി​ക്കാ​ൻ സു​നി​ൽ മാ​ഷും ഒ​പ്പ​മു​ണ്ടാ​കും. ക​ഥ, ക​വി​ത, ജീ​വ​ച​രി​ത്രം, നോ​വ​ലു​ക​ൾ.... കു​ട്ടി​ക​ൾ വാ​യി​ച്ച്‌ ആ​സ്വാ​ദ​ന കു​റി​പ്പു​ക​ൾ ത​യാ​റാ​ക്കി അ​വ​ത​രി​പ്പി​ക്കും. ഇ​തി​ലൂ​ടെ ചെ​റു​പ്രാ​യ​ത്തി​ൽ​ത​ന്നെ രാ​ഷ്ട്ര​ഭാ​ഷ അ​നാ​യാ​സം കൈ​കാ​ര്യം ചെ​യ്യാ​ൻ കു​ട്ടി​ക​ളെ പ്രാ​പ്ത​രാ​ക്കാ​നാ​കും. വാ​യ​ന​ശാ​ല​യി​ൽ കു​ട്ടി​ക​ളും അ​ധ്യാ​പ​ക​രും ശേ​ഖ​രി​ച്ച മു​ന്നൂ​റോ​ളം പു​സ്ത​ക​ങ്ങ​ളും ഇ​ന്ത്യ​യി​ലെ വി​വി​ധ പ്ര​സാ​ധ​ക​രു​ടെ ഹി​ന്ദി പ​ത്ര​ങ്ങ​ൾ, പ​ത്രി​ക​ക​ൾ, മാ​ഗ​സി​നു​ക​ൾ എ​ന്നി​വ വാ​യ​ന​ശാ​ല​യെ സ​മ്പ​ന്ന​മാ​ക്കി. വാ​യ​ന സ​ജീ​വ​മാ​യ​തോ​ടെ ഹി​ന്ദി സം​വാ​ദം, ഹി​ന്ദി വി​ദ്യാ​ഭ്യാ​സ സെ​മി​നാ​ർ എ​ന്നി​വ സം​ഘ​ടി​പ്പി​ക്കാ​നാ​യി.

മ​ഹ​ത് വ്യ​ക്തി​ക​ളു​ടെ​യും ഹി​ന്ദി ലേ​ഖ​ക​ന്മാ​രു​ടെ​യും സം​ക്ഷി​പ്ത ജീ​വ​ച​രി​ത്ര​ങ്ങ​ൾ കു​ട്ടി​ക​ൾ​ത​ന്നെ ത​യാ​റാ​ക്കി പ്ര​കാ​ശി​പ്പി​ച്ചു. ‘കാ​സ​ർ​കോ​ട്​ സ​മാ​ചാ​ർ' എ​ന്ന പേ​രി​ൽ കൈ​യെ​ഴു​ത്ത് ഹി​ന്ദി പ​ത്ര​വും കു​ട്ടി​ക​ൾ പ്ര​സി​ദ്ധീ​ക​രി​ച്ചു. പ്ര​ഥ​മാ​ധ്യാ​പി​ക ഡി. ​വി​മ​ല​കു​മാ​രി, പി.​ടി.​എ പ്ര​സി​ഡ​ന്റ്‌ റാ​ഷി​ദ് പൂ​ര​ണം, എ​സ്.​എം.​സി ചെ​യ​ർ​മാ​ൻ കെ.​സി. ലൈ​ജു​മോ​ൻ എ​ന്നി​വ​ർ ആ​വ​ശ്യ​മാ​യ മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കി കു​ട്ടി​ക​ൾ​ക്കൊ​പ്പ​മു​ണ്ട്‌.