15 വ​ർ​ഷ​ത്തെ ദു​രൂ​ഹ​ത നീ​ക്കി​യ​ത് നാ​ലു​മാ​സ​ത്തെ അ​ന്വേ​ഷ​ണം

കാ​സ​ർ​കോ​ട്: പെൺകുട്ടിയെ കാണതായ അ​മ്പ​ല​ത്ത​റ പൊ​ലീ​സ് സ്റ്റേ​ഷ​ൻ പ​രി​ധി​യി​ലെ 15 വ​ർ​ഷം പ​ഴ​ക്ക​മു​ള്ള കേ​സി​ന്‍റെ ദു​രൂ​ഹ​ത നീ​ക്കി​യ​ത്​ നാ​ലു​മാ​സ​ത്തെ അ​ന്വേ​ഷ​ണം. 2024 ഡി​സം​ബ​റി​ൽ ഹൈ​കോ​ട​തി പ്ര​ത്യേ​ക സം​ഘ​ത്തെ നി​യോ​ഗി​ക്ക​ണ​മെ​ന്ന്​ ഉ​ത്ത​ര​വി​ട്ടു. ജ​നു​വ​രി 20ന്​ 13 ​അം​ഗ സം​ഘ​ത്തി​ന്​ രൂ​പം ന​ൽ​കി.

ഐ.​ജി പ്ര​കാ​ശ്​ എ.​പി.​എ​സി​ന്‍റെ കീ​ഴി​ൽ എ​സ്.​പി. പ്ര​ജീ​ഷ്​ തോ​ട്ട​ത്തി​ന്‍റെ മേ​ൽ​നോ​ട്ട​ത്തി​ൽ ക്രൈം ​ബ്രാ​ഞ്ച്​ ജി​ല്ല മേ​ധാ​വി ടി. ​മ​ധു​സൂ​ദ​ന​ൻ അ​ന്വേ​ഷ​ണ ഉ​ദ്യോ​ഗ​സ്ഥ​നാ​യി അ​തി​വേ​ഗ​ത്തി​ൽ നീ​ങ്ങി​യ അ​ന്വേ​ഷ​ണം മേ​യ്​ 17 ഓ​ടെ നി​ർ​ണാ​യ​ക ഘ​ട്ടം പൂ​ർ​ത്തി​യാ​ക്കു​ക​യാ​യി​രു​ന്നു. പെ​ൺ​കു​ട്ടി ജീ​വി​ച്ചി​രി​പ്പു​ണ്ട്​ എ​ന്ന്​ വ​രു​ത്താ​നു​ള്ള എ​ല്ലാ ശ്ര​മ​ങ്ങ​ളും അ​ന്വേ​ഷ​ണം തു​ട​ങ്ങി​യ​തോ​ടെ പൊ​ളി​ഞ്ഞു തു​ട​ങ്ങി.

പ​വി​ത്രം ക​യ​ത്തി​ൽ മൃ​ത​ദേ​ഹം താ​ഴ്​​ത്തി​യെ​ന്ന്​ മ​ന​സ്സി​ലാ​യ​തോ​ടെ പൊ​ലീ​സ്​ ച​ന്ദ്ര​ഗി​രി അ​ഴി​മു​ഖ​ത്തി​ൽ ക​ണ്ടെ​ത്തി​യ മൃ​ത​ദേ​ഹ​ങ്ങ​ളു​ടെ എ​ഫ്.​ഐ.​ആ​റു​ക​ൾ പ​രി​ശോ​ധ​ന​ക്ക്​ വി​ധേ​യ​മാ​ക്കി. അ​വ കു​ഴി​ച്ചി​ട്ട പൊ​തു ശ്​​മ​ശാ​ന​ത്തി​ൽ നി​ന്ന്​ ല​ഭ്യ​മാ​യ 22 വാ​രി​യെ​ല്ലു​ക​ൾ, അ​ര​കെ​ട്ടി​​ന്‍റെ ഭാ​ഗം, ഒ​രു കാ​ൽ, ഒ​രു കൈ, ​പാ​ദ​സ​രം, ഉ​റു​ക്ക്​ എ​ന്നി​വ പ​രി​ശോ​ധി​ച്ചു. ഇ​വ​ക്ക്​ കാ​ണാ​താ​യ പെ​ൺ​കു​ട്ടി​യു​ടെ അ​ട​യാ​ള​ങ്ങ​ളു​മാ​യി സാ​മ്യം വ​ന്ന​തോ​ടെ കേ​സ്​ വ​ഴി​ത്തിി​വാ​യി.

കേ​സ്​ അ​ന്വേ​ഷ​ണം ഒ​തു​ക്കാ​ൻ സാ​ധ്യ​മാ​യ എ​ല്ല വ​ഴി​ക​ളും പ്ര​തി​ക​ളു​ടെ പ​ക്ഷ​ത്തു​നി​ന്നു​ണ്ടാ​യി​രു​ന്നു. ല​ക്ഷ​ങ്ങ​ൾ വാ​ഗ്​​ദാ​നം ചെ​യ്​​ത്​ പ​രാ​തി പി​ൻ​വ​ലി​പ്പി​ക്കാ​ൻ ന​ട​ത്തി​യ ശ്ര​മ​ങ്ങ​ളും പൊ​ലീ​സ്​ പൊ​ളി​ച്ചു​കൊ​ടു​ത്തു. പൊ​ലീ​സ്​ ഇ​ൻ​സ്​​പെ​ക്​​ട​ർ​മാ​രാ​യ പി.​എം. ലി​ബി​ൻ, എം. ​ശ്രീ​കു​മാ​ർ, എ​സ്.​ഐ​മാ​രാ​യ പി.​വി. ര​ഘു​നാ​ഥ്, എം. ​മ​നോ​ജ്, എ.​എ​സ്.​ഐ​മാ​രാ​യ എ.​എ​സ്.​ഐ്​ രാ​ജീ​വ​ൻ, കെ. ​ര​തി, സി​വി​ൽ പൊ​ലീ​സ്​ ഓ​ഫി​സ​ർ​മാ​രാ​യ കെ. ​മ​ഹേ​ഷ്, കെ. ​സു​മേ​ഷ്​ മാ​ണി​യാ​ട്ട്, പ്ര​ബേ​ഷ്​ വൈ​ക്ക​ത്ത്, പ്ര​മോ​ദ്, അ​ബ്​​ദു​ൽ​റൗ​ഫ്, ര​ഞ്​​ജി​ത്​ കു​മാ​ർ എ​ന്നി​വ​ർ അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്നു.

പ​ണം ത​ട്ടി​പ്പ് കേ​സും

ബി​ജു പൗ​ലോ​സി​ന്‍റെ​യും ഭാ​ര്യ​യു​ടെ​യും പേ​രി​ൽ പ​ണം ത​ട്ടി​യ​തി​നും കേ​സ്. പാ​ണ​ത്തൂ​ർ ബാ​പ്പും ക​യ​ത്തെ നാ​ട്ടു​കാ​ർ ന​ൽ​കി​യ പ​രാ​തി​യി​ൽ ര​ണ്ടു​മാ​സം മു​മ്പ് രാ​ജ​പു​രം പൊ​ലീ​സ് ര​ണ്ട് വ​ഞ്ച​ന കേ​സു​ക​ൾ ര​ജി​സ്റ്റ​ർ ചെ​യ്തു. ക​ടം വാ​ങ്ങി​യ 10 ല​ക്ഷ​ത്തി​ലേ​റെ രൂ​പ തി​രി​കെ​ന​ൽ​കാ​ത്ത​തി​നാ​ലാ​ണ് കേ​സെ​ടു​ത്ത​ത്. പ​ണം ചോ​ദി​ച്ച​പ്പോ​ൾ സ്വാ​ധീ​ന​മു​പ​യോ​ഗി​ച്ച് ഭീ​ഷ​ണി​പ്പെ​ടു​ത്തി. ക്രൈം​ബ്രാ​ഞ്ച് അ​ന്വേ​ഷ​ണം ആ​രം​ഭി​ച്ച​പ്പോ​ഴാ​ണ് നാ​ട്ടു​കാ​ർ ധൈ​ര്യ​സ​മേ​തം പൊ​ലീ​സി​നെ സ​മീ​പി​ച്ച​ത്.

ബി​ജു പൗ​ലോ​സി​നെ തെ​ളി​വെ​ടു​പ്പി​നെ​ത്തി​ച്ചു

അ​റ​സ്റ്റി​ലാ​യ ബി​ജു പൗ​ലോ​സി​നെ ബ​ല്ലാ​ക്ക​ട​പ്പു​റം ബീ​ഡി​മു​ക്കി​ലെ​ത്തി​ച്ച് അ​ന്വേ​ഷ​ണ​സം​ഘം തെ​ളി​വെ​ടു​ത്തു. ബി​ജു പൗ​ലോ​സും പെ​ൺ​കു​ട്ടി​യും ഇ​വി​ടെ വാ​ട​ക​വീ​ട്ടി​ൽ താ​മ​സി​ച്ച​താ​യി വ്യ​ക്ത​മാ​യ സാ​ഹ​ച​ര്യ​ത്തി​ലാ​യി​രു​ന്നു ഇ​വി​ടെ തെ​ളി​വെ​ടു​പ്പി​നെ​ത്തി​ച്ച​ത്. ശ​നി​യാ​ഴ്ച വൈ​കീ​ട്ടാ​യി​രു​ന്നു തെ​ളി​വെ​ടു​പ്പ്. പ​ഴ​യ വീ​ട്ടി​ൽ നി​ല​വി​ൽ മ​റ്റൊ​രു കു​ടും​ബം താ​മ​സി​ക്കു​ന്നു​ണ്ട്.

തെ​ളി​വു​ക​ൾ ന​ശി​പ്പി​ക്കാ​ൻ ആ​വു​ന്ന​തെ​ല്ലാം ചെ​യ്തു; ഒ​ടു​വി​ൽ കു​ടു​ങ്ങി

കാ​ഞ്ഞ​ങ്ങാ​ട്: ബി​ജു പൗ​ലോ​സ് തെ​ളി​വു​ക​ൾ ന​ശി​പ്പി​ക്കാ​ൻ കു​ത്സി​ത​ശ്ര​മം ന​ട​ത്തി​യെ​ങ്കി​ലും ഒ​ന്ന​ര പ​തി​റ്റാ​ണ്ടി​നു​ശേ​ഷം കു​ടു​ങ്ങി. ആ​ദ്യ​ഘ​ട്ട​ത്തി​ൽ അ​ന്വേ​ഷ​ണം ന​ട​ത്തി​യ പൊ​ലീ​സ് പ്ര​തി​യെ നു​ണ​പ​രി​ശോ​ധ​ന​ക്ക് വി​ധേ​യ​മാ​ക്കാ​ൻ ശ്ര​മി​ച്ചെ​ങ്കി​ലും വ​ഴ​ങ്ങി​യി​ല്ല. നു​ണ​പ​രി​ശോ​ധ​ന ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് പൊ​ലീ​സ് ഹോ​സ്ദു​ർ​ഗ് ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്ട്രേ​ട്ട് കോ​ട​തി​യെ സ​മീ​പി​ച്ചി​രു​ന്നു. ഹൈ​കോ​ട​തി​യി​ൽ​നി​ന്ന് മു​തി​ർ​ന്ന അ​ഭി​ഭാ​ഷ​ക​നെ കൊ​ണ്ടു​വ​ന്നാ​ണ് പൊ​ലീ​സി​ന്‍റെ നീ​ക്കം ത​ട​ഞ്ഞ​ത്.

2010ൽ ​പെ​ൺ​കു​ട്ടി കൊ​ല്ല​പ്പെ​ട്ട​തി​ന് പി​ന്നാ​ലെ മൃ​ത​ദേ​ഹം മ​റ​വു​ചെ​യ്ത ബി​ജു പൗ​ലോ​സ് തെ​ളി​വ് ന​ശി​പ്പി​ക്കാ​ൻ എ​റ​ണാ​കു​ള​ത്തേ​ക്ക് പോ​യ​ത് പെ​ൺ​കു​ട്ടി​യു​ടെ മൊ​ബൈ​ൽ ഫോ​ണു​മാ​യി. പെ​ൺ​കു​ട്ടി ജീ​വി​ച്ചി​രി​പ്പു​ണ്ടെ​ന്ന് കാ​ണി​ക്കാ​ൻ ഇ​തേ ഫോ​ണി​ൽ​നി​ന്ന് പെ​ൺ​കു​ട്ടി​യു​ടെ പി​താ​വി​നെ പ​ല ത​വ​ണ മി​സ്കാ​ൾ ചെ​യ്തു. ബി​ജു പൗ​ലോ​സി​ന്റെ ഫോ​ണി​ലേ​ക്കും പെ​ൺ​കു​ട്ടി​യു​ടെ ഫോ​ണി​ൽ​നി​ന്ന് വി​ളി​ച്ചു. തി​രി​ച്ചും​വി​ളി​ച്ചു. മ​ക​ളു​ടെ ഫോ​ണി​ൽ​നി​ന്ന് പ​ല​ത​വ​ണ മി​സ്കാ​ൾ വ​രാ​റു​ണ്ടെ​ന്ന് പി​താ​വ് പ​റ​യാ​റു​ണ്ടാ​യി​രു​ന്നു. അ​ന്വേ​ഷ​ണ​ത്തോ​ടെ​യാ​ണ് ഇ​ത് ബി​ജു വി​ളി​ച്ച​താ​ണെ​ന്ന് വ്യ​ക്ത​മാ​യ​ത്.

സം​ഭ​വ​ത്തി​നു​ശേ​ഷം ഗ​ൾ​ഫി​ലേ​ക്ക് ക​ട​ന്ന​താ​യും പൊ​ലീ​സ് പ​റ​ഞ്ഞു. ഗ​ൾ​ഫി​ൽ വി​സ കാ​ലാ​വ​ധി ക​ഴി​ഞ്ഞ​തോ​ടെ ജ​യി​ലി​ൽ കി​ട​ന്ന​തി​നു​ശേ​ഷം വീ​ണ്ടും നാ​ട്ടി​ലേ​ക്ക് തി​രി​ച്ചു​വ​ന്നു. അ​തി​നി​ടെ അ​ടു​ത്ത​കാ​ല​ത്ത് അ​ന്വേ​ഷ​ണം ഊ​ർ​ജി​ത​മാ​യ​തോ​ടെ കു​ടു​ങ്ങു​മെ​ന്നു​റ​പ്പാ​യ​പ്പോ​ൾ ഒ​ളി​വി​ൽ ക​ഴി​യു​ക​യാ​യി​രു​ന്നു.

ഹൈ​കോ​ട​തി​യു​ടെ നി​ർ​ദേ​ശ​ത്തെ തു​ട​ർ​ന്നാ​ണ് ക്രൈം ​ബ്രാ​ഞ്ചി​ന്റെ പ്ര​ത്യേ​ക അ​ന്വേ​ഷ​ണ​സം​ഘ​ത്തെ നി​യോ​ഗി​ച്ച​ത്. ബി​ജു പൗ​ലോ​സി​നെ ര​ക്ഷി​ക്കാ​ൻ ചി​ല​ർ രം​ഗ​ത്തു​വ​രു​ക​യും ചെ​യ്തി​രു​ന്നു. ഇ​ട​നി​ല​ക്കാ​ർ വ​ഴി പെ​ൺ​കു​ട്ടി​യു​ടെ ര​ക്ഷി​താ​ക്ക​ളെ സ​മീ​പി​ച്ച് കേ​സ് പി​ൻ​വ​ലി​ക്കാ​ൻ കാ​ൽ​ല​ക്ഷം വാ​ഗ്ദാ​നം ചെ​യ്തു. ഈ ​സം​ഭ​വ​ത്തി​ൽ ക​ർ​മ​സ​മി​തി അ​ന്വേ​ഷ​ണ​സം​ഘ​ത്തി​ന് രേ​ഖാ​മൂ​ലം പ​രാ​തി ന​ൽ​കി​യെ​ങ്കി​ലും ഇ​വ​ർ​ക്കെ​തി​രെ ന​ട​പ​ടി​യു​ണ്ടാ​യി​ല്ല.