സംസ്ഥാനത്ത് സ​മ​ഗ്ര പ​രി​ച​ര​ണ പ​ദ്ധ​തി ത​യാ​റാ​ക്കും​ -മുഖ്യമന്ത്രി

കാ​സ​ർ​കോ​ട്: ഉ​യ​ര്‍ന്ന ചെ​ല​വി​ന്റെ പേ​രി​ല്‍ ആ​ര്‍ക്കും ചി​കി​ത്സ പ്രാ​പ്യ​മാ​കാ​തെ പോ​ക​രു​ത് എ​ന്ന​താ​ണ് സം​സ്ഥാ​ന സ​ര്‍ക്കാ​റി​ന്റെ നി​ല​പാ​ടെ​ന്നും മെ​ച്ച​പ്പെ​ട്ട ആ​രോ​ഗ്യ സം​വി​ധാ​ന​ങ്ങ​ളാ​ണ് നാ​ട്ടി​ല്‍ നി​ല​നി​ല്‍ക്കു​ന്ന​തെ​ന്നും മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍. മ​ഞ്ചേ​ശ്വ​രം നി​യോ​ജ​ക മ​ണ്ഡ​ല​ത്തി​ലെ മം​ഗ​ല്‍പാ​ടി താ​ലൂ​ക്ക് ആ​ശു​പ​ത്രി​യി​ല്‍ ഐ​സൊ​ലേ​ഷ​ന്‍ വാ​ര്‍ഡ് ഓ​ണ്‍ലൈ​നി​ലൂ​ടെ ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

അ​പൂ​ര്‍വ​രോ​ഗ​ങ്ങ​ള്‍ നേ​ര​ത്തെ ക​ണ്ടെ​ത്താ​നും പ്ര​തി​രോ​ധി​ക്കാ​നും ചി​കി​ത്സ ല​ഭ്യ​മാ​ക്കാ​നും ഗൃ​ഹ​കേ​ന്ദ്രീ​കൃ​ത സേ​വ​ന​ങ്ങ​ള്‍ ഉ​റ​പ്പു​വ​രു​ത്താ​നും മാ​താ​പി​താ​ക്ക​ള്‍ക്കു​ള്ള മാ​ന​സി​ക-​സാ​മൂ​ഹി​ക​പി​ന്തു​ണ ഉ​റ​പ്പു​വ​രു​ത്താ​നും ഉ​ത​കു​ന്ന സ​മ​ഗ്ര പ​രി​ച​ര​ണ പ​ദ്ധ​തി ത​യാ​റാ​ക്കാ​നാ​ണ് സം​സ്ഥാ​ന സ​ര്‍ക്കാ​ര്‍ ശ്ര​മി​ക്കു​ന്ന​ത് -മു​ഖ്യ​മ​ന്ത്രി പ​റ​ഞ്ഞു. സം​സ്ഥാ​ന ആ​രോ​ഗ്യ, വ​നി​ത-​ശി​ശു വി​ക​സ​ന മ​ന്ത്രി വീ​ണ​ജോ​ര്‍ജ് അ​ധ്യ​ക്ഷ​ത വ​ഹി​ച്ചു.

എ.​കെ.​എം. അ​ഷ്റ​ഫ് എം.​എ​ല്‍.​എ ശി​ലാ​ഫ​ല​കം അ​നാ​ച്ഛാ​ദ​നം ചെ​യ്തു. മം​ഗ​ല്‍പാ​ടി താ​ലൂ​ക്ക് ആ​ശു​പ​ത്രി കോ​ണ്‍ഫ​റ​ന്‍സ് ഹാ​ളി​ല്‍ ന​ട​ന്ന ച​ട​ങ്ങി​ല്‍ മ​ഞ്ചേ​ശ്വ​രം ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് ഷ​മീ​ന ടീ​ച്ച​ര്‍ അ​ധ്യ​ക്ഷ​ത വ​ഹി​ച്ചു. ഫാ​ത്തി​മ​ത്ത് റു​ബീ​ന, ജീ​ന്‍ ല​വീ​ന മൊ​ന്തേ​രോ, എ. ​ഷം​സീ​ന, ഗോ​ള്‍ഡ​ന്‍ റ​ഹ്മാ​ന്‍, ഡോ. ​കെ.​കെ. ശാ​ന്റി എ​ന്നി​വ​ര്‍ സം​ബ​ന്ധി​ച്ചു. മ​ഞ്ചേ​ശ്വ​രം ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് പി.​കെ. മു​ഹ​മ്മ​ദ് ഹ​നീ​ഫ് സ്വാ​ഗ​തം പ​റ​ഞ്ഞു.