5.33 ലക്ഷം കവർന്നതായി പരാതി

കാസർകോട്​: വീടിന്റെ വാതിൽ തകർത്ത്​ അലമാരയിൽ സൂക്ഷിച്ച​​ 5,33,000 രൂപ കവർന്നതായി പരാതി. മധൂർ എസ്പിന്നർ ധന്വന്തരി റോഡിലെ സി.കെ. മുഹമ്മദ് കുഞ്ഞിയുടെ വീട്ടിലാണ് മോഷണം. വെള്ളിയാഴ്ച വൈകീട്ട് നാലിന് ഇദ്ദേഹവും കുടുംബവും ചേരൂറിലെ തറവാട്ട് വീട്ടിലെ ചടങ്ങിൽ പങ്കെടുക്കാൻ​ പോയതായിരുന്നു. രാത്രി 10.30 ഓടെ തിരിച്ചെത്തിയപ്പോഴാണ്​ വീടിന്‍റെ വാതിൽ തകർത്ത നിലയിൽ കണ്ടെത്തിയത്​. അലമാര തുറന്ന നിലയിലുമായിരുന്നു. വിദ്യാനഗർ പൊലീസിൽ പരാതി നൽകി. വിരലടയാള വിദഗ്ധർ പരിശോധന നടത്തി.