29 കിലോമീറ്റർ ദൂരത്തിൽ നിർമാണം പൂർത്തീകരിച്ചു; കാറടുക്ക ആനപ്രതിരോധ വേലി സജ്ജമായി

കാ​സ​ർ​കോ​ട്: ആ​ന​ശ​ല്യം ത​ട​യു​ന്ന​തി​നാ​യി കാ​റ​ഡു​ക്ക ബ്ലോ​ക്ക് പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ൽ ത​ദ്ദേ​ശ സ്ഥാ​പ​ന​ങ്ങ​ൾ ആ​സൂ​ത്ര​ണം ചെ​യ്‌​ത ആ​ന​പ്ര​തി​രോ​ധ വേ​ലി പ്ര​വ​ർ​ത്ത​ന സ​ജ്ജ​മാ​യി. നി​രീ​ക്ഷ​ണ ട​വ​റ​ട​ക്കം 3.33 കോ​ടി​യു​ടെ പ​ദ്ധ​തി​യി​ൽ വേ​ലി​ക്കാ​യി മാ​ത്രം 1.7 കോ​ടി ചെ​ല​വി​ട്ടു​വെ​ന്ന്‌ കാ​റ​ഡു​ക്ക ബ്ലോ​ക്ക്‌ പ​ഞ്ചാ​യ​ത്ത്‌ പ്ര​സി​ഡ​ന്റ്‌ സി​ജി മാ​ത്യു വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. ആ​ന​ശ​ല്യം രൂ​ക്ഷ​മാ​യ ദേ​ലം​പാ​ടി, കാ​റ​ഡു​ക്ക, ബേ​ഡ​ഡു​ക്ക, മു​ളി​യാ​ർ, കു​റ്റി​ക്കോ​ൽ പ​ഞ്ചാ​യ​ത്തു​ക​ളെ​യും ജി​ല്ല പ​ഞ്ചാ​യ​ത്തി​ന്റെ​യും സം​യു​ക്ത പ​ദ്ധ​തി​യാ​ണ് കാ​റ​ഡു​ക്ക ആ​ന പ്ര​തി​രോ​ധ പ​ദ്ധ​തി.

മു​പ്പ​തി​ല​ധി​കം ആ​ന​ക​ൾ ജ​ന​വാ​സ​കേ​ന്ദ്ര​ങ്ങ​ളി​ൽ വ​ർ​ഷ​ങ്ങ​ളാ​യി വ​ലി​യ തോ​തി​ൽ ന​ഷ്ട​ങ്ങ​ൾ ഉ​ണ്ടാ​ക്കി​യി​ട്ടു​ണ്ട്. കൃ​ഷി​ക്കാ​രു​ടെ​യും നാ​ട്ടു​കാ​രു​ടെ​യും വ​ലി​യ പ്ര​യാ​സ​ത്തി​ന്റെ അ​ടി​സ്ഥാ​ന​ത്തി​ൽ ആ​സൂ​ത്ര​ണം ചെ​യ്ത് ന​ട​പ്പാ​ക്കി​യ കാ​റ​ഡു​ക്ക ആ​ന​പ്ര​തി​രോ​ധ പ​ദ്ധ​തി ഇ​പ്പോ​ൾ പൂർ​ണ വി​ജ​യ​ത്തി​ലെ​ത്തി.

വ​നം​വ​കു​പ്പു​മാ​യി ചേ​ർ​ന്ന് ത്രി​ത​ല പ​ഞ്ചാ​യ​ത്തു​ക​ൾ ന​ട​പ്പാ​ക്കു​ന്ന സം​സ്ഥാ​ന​ത്തെ ആ​ദ്യ​ത്തെ പ​ദ്ധ​തി​യാ​ണി​ത്‌. ഇ​തി​ന്റെ ന​ട​ത്തി​പ്പു​മാ​യി ബ​ന്ധ​പ്പെ​ട്ട് ഒ​രു പ്ര​ത്യേ​ക പ്രോ​ജ​ക്റ്റ് ത​യാ​റാ​ക്കി സം​സ്ഥാ​ന പ്ലാ​നി​ങ് കോ​ഓ​ഡി​നേ​ഷ​ൻ ക​മ്മി​റ്റി​യു​ടെ അം​ഗീ​കാ​രം വാ​ങ്ങി​യാ​ണ് പ​ദ്ധ​തി ആ​രം​ഭി​ച്ച​ത്.

ത​ദ്ദേ​ശ വ​കു​പ്പി​ന്റെ​യും വ​നം വ​കു​പ്പി​ന്റെ​യും മ​ന്ത്രി​മാ​രെ ക​ണ്ട് ച​ർ​ച്ച ന​ട​ത്തി​യി​രു​ന്നു. സം​സ്ഥാ​ന ആ​സൂ​ത്ര​ണ വ​കു​പ്പ് അം​ഗീ​കാ​രം ല​ഭി​ച്ച​ത് കൂ​ടാ​തെ മാ​തൃ​കാ പ​ദ്ധ​തി​യെ​ന്ന നി​ല​യി​ൽ പ്രോ​ത്സാ​ഹ​ന ധ​ന​സ​ഹാ​യ​വും അ​നു​വ​ദി​ച്ചു. ഉ​ദ്ദേ​ശി​ച്ച​തി​ലും കൂ​ടു​ത​ൽ സ​മ​യം നി​ർ​മാ​ണ പ്ര​വ​ർ​ത്ത​ന​ത്തി​ന് വേ​ണ്ടി വ​ന്നു. ഇ​പ്പോ​ൾ 29 കി​ലോ​മീ​റ്റ​ർ ദൂ​ര​ത്തി​ൽ വേ​ലി നി​ർ​മാ​ണം പൂ​ർ​ത്തീ​ക​രി​ച്ചു. ഇ​തി​നോ​ട​നു​ബ​ന്ധി​ച്ച് ക്യാ​മ്പ് ഷെ​ഡ്, സേ​ർ​ച്ച് ട​വ​ർ എ​ന്നി​വ പൂ​ർ​ത്തീ​ക​രി​ക്കാ​നു​ണ്ട്.

20 വ​ർ​ഷ​ത്തി​നു​ള്ളി​ൽ ആ​ദ്യ​മാ​യാ​ണ്‌ അ​ഞ്ച് പ​ഞ്ചാ​യ​ത്ത് പ​രി​ധി​യി​ൽ ആ​ന​ശ​ല്യ​മി​ല്ലാ​ത്ത സ്ഥി​തി​യു​ള്ള​ത്‌. അ​തി​ന് കാ​ര​ണം ആ​ന​ക​ളെ പൂ​ർ​ണ​മാ​യും വേ​ലി​ക്ക് പു​റ​ത്തേ​ക്ക് ക​ട​ത്തു​ന്ന​തി​ൽ പ്ര​യ​ത്നി​ച്ച വ​നം​വ​കു​പ്പാ​ണ്. സാ​ധാ​ര​ണ ആ​ന​ക​ളെ തി​രി​ച്ച​യ​ക്കാ​റു​ണ്ട് എ​ങ്കി​ലും വേ​ലി പൂ​ർ​ണ​മാ​യും സ​ജ്ജ​മാ​യ​തോ​ടെ ക​ഴി​ഞ്ഞ ഒ​രാ​ഴ്ച​യാ​യി ആ​ന​ക്കൂ​ട്ടം തി​രി​ച്ചു വ​ന്നി​ട്ടി​ല്ല. പ​ര​പ്പ ഫോ​റ​സ്റ്റ് ഡി​വി​ഷ​ന് കീ​ഴി​ൽ നാ​ല് ആ​ന​ക​ൾ ഇ​പ്പോ​ഴു​മു​ണ്ട്.

ആ​ന​ക​ൾ വേ​ലി​ക്ക് അ​രി​കി​ലെ​ത്തി തി​രി​ച്ചു പോ​യ​ത് സോ​ളാ​ർ തൂ​ക്കു​വേ​ലി ഫ​ല​പ്ര​ദ​മെ​ന്ന​തി​ന്റെ തെ​ളി​വാ​ണ്. പ​ദ്ധ​തി തു​ക​യാ​യ 3.33 കോ​ടി രൂ​പ​യി​ൽ 1.20 കോ​ടി രൂ​പ ത്രി​ത​ല പ​ഞ്ചാ​യ​ത്തു​ക​ൾ കൈ​മാ​റി. പ്രോ​ത്സാ​ഹ​ന ധ​ന​സ​ഹാ​യ​മാ​യ 60 ല​ക്ഷം രൂ​പ ഉ​ട​ൻ ല​ഭി​ക്കും. പു​തി​യ പ​ദ്ധ​തി​യി​ൽ ഇ​തി​നാ​യി ഫ​ണ്ട് മാ​റ്റി വെ​ച്ചി​ട്ടു​ണ്ട്. അ​റ്റ​കു​റ്റ​പ്പ​ണി​ക​ൾ​ക്കും വേ​ലി​യു​ടെ സം​ര​ക്ഷ​ണ​ത്തി​നാ​യി 12 വാ​ച്ച​ർ​മാ​ർ പ്ര​വ​ർ​ത്തി​ക്കു​ന്നു. വ​നം​വ​കു​പ്പ് ഇ​തി​ന്റെ ചെ​ല​വു​ക​ൾ വ​ഹി​ക്കും.

ത്രി​ത​ല പ​ഞ്ചാ​യ​ത്തു​ക​ളു​ടെ ഫ​ണ്ടു​ക​ൾ​കൂ​ടി ഇ​തി​നാ​യി ല​ഭ്യ​മാ​ക്കു​മെ​ന്നും അ​ധി​കൃ​ത​ർ അ​റി​യി​ച്ചു. വാ​ർ​ത്ത​സ​മ്മേ​ള​ന​ത്തി​ൽ ജി​ല്ല വ​നം മേ​ധാ​വി കെ. ​അ​ഷ്‌​റ​ഫ്‌, ബ്ലോ​ക്ക്‌ പ​ഞ്ചാ​യ​ത്ത്‌ സ്ഥി​രം​സ​മി​തി ചെ​യ​ർ​മാ​ൻ ബി.​കെ. നാ​രാ​യ​ണ​ൻ എ​ന്നി​വ​രും പ​ങ്കെ​ടു​ത്തു.