1 എം നൈറ്റ്​ 13ന്​

കാസർകോട്​: ജില്ലയിലെ ഏറ്റവും വലിയ ലൈവ് സംഗീത പരിപാടി ജനുവരി 13ന്​ വൈകിട്ട്​ അഞ്ചുമുതൽ നടക്കുമെന്ന്​ സംഘാടകർ വാർത്ത സമ്മേളനത്തിൽ അറിയിച്ചു. 1 എം നൈറ്റ്​ എന്ന്​ പേരിട്ട പരിപാടി വിദ്യാനഗർ മുൻസിപ്പൽ സ്റ്റേഡിയത്തിൽ നടനും സംവിധായകനുമായ രമേശ് പിഷാരടി ഉദ്​ഘാടനം ചെയ്യും.

ഡാബ്സി, ബേബി ജീൻ, റിബിൻ റിച്ചാർഡ്, മാപ്പിളപ്പാട്ട് ഗായകരായ സജിലി സലിം ആൻഡ്​ സംഘം, പ്രശസ്‌ത നർത്തകി അന്ന പ്രസാദ് സംഘം ഉൾപ്പടെയുള്ള താരനിരയാണ് എത്തുന്നത്. ശ്രീവിദ്യ മുല്ലച്ചേരിയാണ് പരിപാടിയുടെ അവതാരിക.

വാർത്ത സമ്മേളനത്തിൽ മാനേജ്മെന്‍റ് പ്രതിനിധികളായ മുഹാസ്, ലാസിം അബൂബക്കർ, ആതിഷ അബ്ദുല്ല, സാഹിൽ മുനിസ് കുന്നിൽ, ശംറാൻ തെരുവത്ത് എന്നിവർ പങ്കെടുത്തു.