1000 ഇൻവർട്ടർ ലോഞ്ച് ചെയ്തു

കുമ്പള: നൂതന സാങ്കേതിക വിദ്യയുടെ സഹായത്തോടെ നിർമിച്ചെടുത്ത എക്സൈഡ് ഇന്റെഗ്ര -1000 ഇൻവർട്ടർ കുമ്പളയിൽ ലോഞ്ച് ചെയ്തു. കുമ്പളയിലെ ബാട്രിക്സാണ് ഉൽപന്നത്തിന്റെ നിലവിലെ ജില്ലയിലെ വിതരണക്കാർ. ആദ്യ വിൽപന കേരള വ്യാപാരി വ്യവസായി ഏകോപന സമിതി യൂനിറ്റ് പ്രസിഡന്റ് വിക്രം പൈ, പൗരപ്രമുഖനും പ്രവാസി വ്യവസായിയുമായ അഹമ്മദലി നാങ്കിക്ക് നൽകി നിർവഹിച്ചു. സെക്രട്ടറി സത്താർ ആരിക്കാടി, വ്യാപാരിയും പ്രമുഖ സാമൂഹിക രാഷ്ട്രീയ പ്രവർത്തകനുമായ അബ്ദുൽ അസീസ് കൊട്ടൂഡൽ, കേരള വ്യാപാരി വ്യവസായി സമിതി നേതാവ് കെ.സി. മോഹനൻ തുടങ്ങിയവർ സംബന്ധിച്ചു.