നീ​ലേ​ശ്വ​രം തീരദേശ മേഖലയിൽ 10 പേർക്ക് നായ്ക്കളുടെ കടിയേറ്റു

നീ​ലേ​ശ്വ​രം: ന​ഗ​ര​സ​ഭ​യി​ലെ പ​ടി​ഞ്ഞാ​റ​ൻ തീ​ര​ദേ​ശ മേ​ഖ​ല​യി​ൽ ഭീ​തി പ​ര​ത്തി തെ​രു​വ് നാ​യ്ക്ക​ളു​ടെ ആ​ക്ര​മ​ണം. പ​ത്തോ​ളം​പേ​രെ ഇ​തു​വ​രെ നാ​യ്ക്ക​ൾ ക​ടി​ച്ചു​പ​രി​ക്കേ​ൽ​പ്പി​ച്ചു. ക​ടി​ഞ്ഞി​മൂ​ല, കൊ​ട്ര, എ.​പി റോ​ഡ്, സ്റ്റോ​ർ ജ​ങ്ഷ​ൻ എ​ന്നി​വി​ട​ങ്ങ​ളി​ലാ​ണ് നാ​യ്ക്ക​ൾ ആ​ളു​ക​ളെ ആ​ക്ര​മി​ച്ച​ത്.

തൈ​ക്ക​ട​പ്പു​റം സ്റ്റോ​ർ ജ​ങ്ഷ​ന് സ​മീ​പം ഒ​രു​സ്ത്രീ​യെ ചൊ​വ്വാ​ഴ്ച രാ​വി​ലെ ക​ടി​ച്ചു. ക​ടി​ഞ്ഞി​മൂ​ല​യി​ലെ സ​ന്ദീ​പ്, സീ​ത, അ​ർ​ച്ച​ന എ.​പി. റോ​ഡി​ലെ ക​ദീ​ജ, ശി​വ​ൻ, ഓ​ർ​ച്ച​യി​ലെ ഇ​ല്യാ​സ്, ര​ഖി​ൻ, പാ​ലി​ച്ചോ​ൻ റോ​ഡി​ല ച​ന്ദ്ര​ൻ തു​ട​ങ്ങി​യ​വ​രെ കാ​ഞ്ഞ​ങ്ങാ​ട് ജി​ല്ല ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

തി​ങ്ക​ളാ​ഴ്ച രാ​ത്രി​യാ​ണ് ക​ടി​ഞ്ഞി​മൂ​ല, കൊ​ട്ര ഭാ​ഗ​ങ്ങ​ളി​ൽ തെ​രു​വ് നാ​യ്ക്ക​ൾ നി​ര​വ​ധി​പേ​രെ ക​ടി​ച്ച​ത്. പി​ന്നീ​ട് മ​റ്റ് സ്ഥ​ല​ങ്ങ​ളി​ൽ വി​ട്ടു​മു​റ്റ​ത്ത് നി​ന്ന​വ​രെ​യും ക​ടി​ച്ചു. തൈ​ക്ക​ട​പ്പു​റം എ​ൻ.​എ​സ്.​സി ബാ​ങ്ക് പ​രി​സ​ര​ത്ത് ഒ​രു​സ്ത്രീ​യെ നാ​യ് ആ​ക്ര​മി​ച്ചു. തീ​ര​ദേ​ശ കൗ​ൺ​സി​ല​ർ​മാ​രും ന​ഗ​ര​സ​ഭ അ​ധി​കൃ​ത​രും സ്ഥ​ല​ത്തെ​ത്തി. ക​ടി​യേ​ൽ​ക്കു​ന്ന​വ​ർ​ക്ക് ചി​കി​ത്സ​സ​ഹാ​യം ന​ഗ​ര​സ​ഭ ന​ൽ​ക​ണ​മെ​ന്നും തെ​രു​വു നാ​യ്ക്ക​ളെ നി​യ​ന്ത്രി​ക്കു​ന്ന​തി​ന് നീ​ലേ​ശ്വ​ര​ത്ത് എ.​ബി.​സി സെ​ന്റ​ർ ആ​രം​ഭി​ക്ക​ണ​മെ​ന്നും യു.​ഡി.​എ​ഫ് ആ​വ​ശ്യ​പ്പെ​ട്ടു.

കാഞ്ഞങ്ങാട് 30ാം വാർഡിൽ രണ്ടുപേർക്ക് കടിയേറ്റു

കാ​ഞ്ഞ​ങ്ങാ​ട്: കാ​ഞ്ഞ​ങ്ങാ​ട് ന​ഗ​ര​സ​ഭ 30ാം വാ​ർ​ഡി​ൽ ര​ണ്ടു​പേ​ർ​ക്ക് ക​ഴി​ഞ്ഞ​ദി​വ​സം തെ​രു​വു നാ​യ് ക​ടി​യേ​റ്റു. മ​ര​ക്കാ​പ്പ് ക​ട​പ്പു​റം സ്വ​ദേ​ശി​ക​ളാ​യ ജ​നാ​ന​ന്ദ​ൻ (60), നാ​രാ​യ​ണി (60) എ​ന്നി​വ​രെ​യാ​ണ് നാ​യ് ആ​ക്ര​മി​ച്ച​ത്. ഇ​വ​രെ ജി​ല്ല ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. തെ​രു​വു നാ​യ്ക്ക​ളെ നി​യ​ന്ത്രി​ക്കാ​ൻ ന​ഗ​ര​സ​ഭ​യു​ടെ അ​ടി​യ​ന്തര ന​ട​പ​ടി ഉ​ണ്ടാ​വ​ണ​മെ​ന്ന ആ​വ​ശ്യ​വു​മാ​യി വാ​ർ​ഡ് കൗ​ൺ​സി​ല​ർ കെ.​കെ. ബാ​ബു​വി​ന്റെ നേ​തൃ​ത്വ​ത്തി​ൽ കാ​ഞ്ഞ​ങ്ങാ​ട് ന​ഗ​ര​സ​ഭ അ​ധ്യ​ക്ഷ കെ.​വി. സു​ജാ​ത​യെ ക​ണ്ടു.

മു​ൻ കൗ​ൺ​സി​ല​ർ എം.​എം. നാ​രാ​യ​ണ​ൻ, പ​ത്മ​രാ​ജ​ൻ ഐ​ങ്ങോ​ത്ത്, മ​നോ​ജ് ഉ​പ്പി​ലി​കൈ, രാ​ജേ​ഷ് പു​തി​യ​വ​ള​പ്പ്, ഷി​ഹാ​ബ് കാ​ർ​ഗി​ൽ, റ​ഫീ​ഖ് ഹാ​ജി റോ​ഡ് തു​ട​ങ്ങി​യ​വ​ർ പ​രാ​തി പ​റ​ഞ്ഞു. ന​ട​പ​ടി​യു​ണ്ടാ​യി​ല്ലെ​ങ്കി​ൽ പ്ര​ക്ഷോ​ഭ​ത്തി​നി​റ​ങ്ങു​മെ​ന്ന് നാ​ട്ടു​കാ​ർ പ​റ​ഞ്ഞു. ക​ടി​ച്ച നാ​യെ പി​ടി​കൂ​ടാ​നാ​വാ​ത്ത​തി​നാ​ൽ നാ​ട്ടു​കാ​ർ ഭീ​തി​യി​ലാ​ണ്.