ചായ്യോത്ത് സ്കൂളിൽ 44 പേർ ഇനി കുട്ടിപ്പൊലീസുകാരാകും

നീലേശ്വരം: ചായ്യോത്ത് ഹയർ സെക്കൻഡറി സ്കൂളിൽ 44 പേർ ഇനി സ്റ്റുഡന്റ്സ് പൊലീസുകാരാകും. 22 ആൺകുട്ടികളെയും 22 പെൺകുട്ടികളെയും പുതിയ ബാച്ചിലേക്ക് തിരഞ്ഞെടുത്തു. 85 കുട്ടികളാണ് പരീക്ഷയെ നേരിട്ടത്. എഴുത്തുപരീക്ഷയിലും കായികക്ഷമത പരീക്ഷയിലും ലഭിക്കുന്ന ഉയർന്ന മാർക്കിന്റെ അടിസ്ഥാനത്തിലാണ് തിരഞ്ഞെടുക്കുക. കായികക്ഷമത പരീക്ഷക്ക് പൊലീസ് ഇൻസ്‌പെക്ടർമാരായ എം. ശൈലജ, പി. ഷിജു, അധ്യാപകരായ സുനിൽകുമാർ, ഷിജി ജോസ്, പി.വി. സുനിൽ, ഇ.വി. സുനിൽകുമാർ എന്നിവർ നേതൃത്വം നൽകി. പടം: nlr spc ചായ്യോത്ത് ഗവ. ഹയർ സെക്കൻഡറി സ്കൂളിൽ നടന്ന സ്റ്റുഡൻറ്സ് പൊലീസ് കായിക പരിശീലന പരിപാടി