കെ.എസ്.ആർ.ടി.സി 23 സർവിസുകൾ റദ്ദാക്കി

കാസർകോട്: ഡീസൽ ക്ഷാമം കാരണം കെ.എസ്.ആർ.ടി.സിയു​ടെ കാസർകോട് ഡിപ്പോയിലെ 23 സർവിസുകൾ ഞായറാഴ്ചയും റദ്ദാക്കി. കാസർകോട് ഡിപ്പോയിൽനിന്ന് 66 സർവിസുകളാണ് നിലവിലുള്ളത്. ഇതിൽനിന്നാണ് 23 എണ്ണം നിർത്തിയത്. മംഗളൂരു, സുള്ള്യ, പുത്തൂർ തുടങ്ങിയ അന്തർസംസ്ഥാന സർവിസുകൾക്കു പുറമെ കണ്ണൂർ ടൗൺ ടു ടൗൺ സർവിസുകളും വെട്ടിച്ചുരുക്കിയതോടെ യാത്രക്കാർ പെരുവഴിയിലായി.