മലവേട്ടുവ മഹാസഭ ധർണ സമരം 21ന്

കാഞ്ഞങ്ങാട്: മലവേട്ടുവ മഹാസഭയുടെ നേതൃത്വത്തിൽ 21നു രാവിലെ പത്തിന് പരപ്പയിലെ ജില്ല ട്രൈബൽ ഡെവലപ്മെന്‍റ് ഓഫിസിലേക്ക് നടത്തുന്ന മാർച്ചും ധർണയും ആദിവാസി ഗോത്രമഹാസഭ സംസ്ഥാന കോഓഡിനേറ്റർ എം. ഗീതാനന്ദൻ ഉദ്ഘാടനം ചെയ്യുമെന്ന്​ ഗോത്ര മഹാസഭ ഭാരവാഹികൾ അറിയിച്ചു. ആദിവാസികൾക്ക് ഒരേക്കർ ഭൂമി അനുവദിക്കുക, മലവേട്ടുവ വിഭാഗത്തെ പ്രാക്തന ഗോത്രവർഗത്തിൽ ഉൾപ്പെടുത്തുക, ആദിവാസി സംഘടനകളെ ഉൾപ്പെടുത്തി ഭൂമിവിതരണത്തിന് പ്രത്യേക മോണിറ്ററിങ് കമ്മിറ്റി രൂപവത്കരിക്കുക, എസ്.സി/എസ്.ടി സ്പെഷൽ റിക്രൂട്ട്മെന്‍റ് പുനഃസ്ഥാപിക്കുക, എസ്.ടി വിഭാഗത്തിന്‍റെ ഭവനനിർമാണ തുക പത്തുലക്ഷമായി ഉയർത്തുക, വീട് തേക്കാൻ രണ്ടുലക്ഷം രൂപ അനുവദിക്കുക എന്നീ ആവശ്യങ്ങളുന്നയിച്ചാണ് സമരം നടത്തുന്നതെന്ന് ജില്ല പ്രസിഡന്‍റ് എം. ഭാസ്കരൻ, സെക്രട്ടറി പി.കെ. രാഘവൻ, കെ.ജി. അശോകൻ എന്നിവർ വാർത്തസമ്മേളനത്തിൽ അറിയിച്ചു.