വിവാഹ പ്രായം 21 ആക്കി ഉയര്‍ത്തുന്ന ബില്‍ പിന്‍വലിക്കണം

കാഞ്ഞങ്ങാട്: പെണ്‍കുട്ടികളുടെ വിവാഹ പ്രായം 21 ആക്കി ഉയര്‍ത്തുന്ന ബില്‍ പിന്‍വലിക്കണമെന്ന് ജില്ല ന്യൂനപക്ഷ വിദ്യാഭ്യാസ സമിതി യോഗം ആവശ്യപ്പെട്ടു. വിവാഹ പ്രായം ഉയര്‍ത്തുന്നത് സ്ത്രീകളുടെ വ്യക്തി സ്വാതന്ത്ര്യത്തിന് നേരെയുള്ള കടന്നകയറ്റമാണെന്നും സമിതി കൂട്ടിച്ചേര്‍ത്തു. ജില്ല ചെയര്‍മാന്‍ മുഹമ്മദ് പാവൂര്‍ അധ്യക്ഷത വഹിച്ചു. കേരള സൗഹൃദ വേദിയുടെ അവാര്‍ഡിന് അര്‍ഹമായ ഡോ. മുഹമ്മദ് പാവൂരിന് ജില്ല സമിതിയുടെ ഉപഹാരം മുനിസിപ്പല്‍ വൈസ് ചെയര്‍മാന്‍ ബില്‍ടെക് അബ്ദുല്ല നല്‍കി. ബഷീര്‍ ആറങ്ങാടി, ബി.എസ്. ഇബ്രാഹിം, ഹാഷിം ആറങ്ങാടി, എന്‍.പി. സൈനുദ്ദീന്‍, മുഹമ്മദ് കുഞ്ഞി ഹാജി പുത്തൂര്‍, പാലക്കി അബ്ദുറഹ്മാന്‍, അഷ്‌റഫ് കൊട്ടോടി, മുഹമ്മദലി ചിത്താരി, എന്‍.കെ മുഹമ്മദ്, പി.പി. അബ്ദുറഹ്മാന്‍ എന്നിവർ സംസാരിച്ചു. ജന.സെക്രട്ടറി സി. മുഹമ്മദ് കുഞ്ഞി സ്വാഗതം പറഞ്ഞു.