ജില്ലയിൽ 150 പേര്‍ക്കുകൂടി കോവിഡ് പോസിറ്റിവ്

കാസർകോട്​: ജില്ലയിൽ 150 പേര്‍ കൂടി കോവിഡ് പോസിറ്റിവായി. ചികിത്സയിലുണ്ടായിരുന്ന 41 പേര്‍ നെഗറ്റിവായി. നിലവില്‍ 615 പേരാണ് ചികിത്സയിലുള്ളത്. കോവിഡ് ബാധിച്ച് മരിച്ചവരുടെ എണ്ണം 840. നിരീക്ഷണത്തിലുള്ളത് 4514 പേർ വീടുകളിൽ 4153 പേരും സ്ഥാപനങ്ങളില്‍ 361 പേരുമുള്‍പ്പെടെ 4514 പേരാണ് ജില്ലയില്‍ ആകെ നിരീക്ഷണത്തിലുള്ളത്. പുതിയതായി 315 പേരെകൂടി നിരീക്ഷണത്തിലാക്കി. സെന്‍റിനല്‍ സർവേ അടക്കം പുതിയതായി 1695 സാമ്പിളുകള്‍ കൂടി പരിശോധനക്ക് അയച്ചു. 432 പേരുടെ പരിശോധനാ ഫലം ലഭിക്കാനുണ്ട്. 162 പേര്‍ നിരീക്ഷണ കാലയളവ് പൂര്‍ത്തിയാക്കി. പുതിയതായി ആശുപത്രികളിലും മറ്റു കോവിഡ് കെയര്‍ സെന്‍ററുകളിലുമായി 71 പേര്‍ നിരീക്ഷണത്തില്‍ പ്രവേശിച്ചപ്പോൾ 41 പേരെ ഡിസ്ചാര്‍ജ് ചെയ്തു. ഇതുവരെ കോവിഡ് സ്ഥിരീകരിച്ചത് 1,44,326 പേർക്കാണ്. 1,42,439 പേർ ജില്ലയിൽ നെഗറ്റിവ് ആയി. ഇതുവരെ മൂന്നു ഒമിക്രോൺ കേസുകളാണ് സ്ഥിരീകരിച്ചത്.