കണ്ണൂർ സർവകലാശാല വാർത്തകൾ

ടൈംടേബ്ൾ കണ്ണൂർ: കണ്ണൂർ സർവകലാശാല മേയ്​ 10​ മുതൽ നടത്തുന്ന സർവകലാശാല പഠനവകുപ്പുകളിലെ മൂന്നാം സെമസ്റ്റർ പി.ജി, ബി.പി.എഡ് (റെഗുലർ), നവംബർ 2021 പരീക്ഷ ടൈംടേബിളുകൾ സർവകലാശാല വെബ്സൈറ്റിൽ പ്രസിദ്ധീകരിച്ചു. വെള്ളിയാഴ്ചകളിൽ ഉച്ച രണ്ടു മണിക്കും മറ്റു ദിവസങ്ങളിൽ 01.30നും പരീക്ഷ ആരംഭിക്കും. തീയതി നീട്ടി സർവകലാശാല പഠനവകുപ്പുകളിലെ ഒന്നാം സെമസ്റ്റർ (നവംബർ 2021) പരീക്ഷകളുടെ ഇന്റേണൽ അസസ്മെന്റ് മാർക്ക് സമർപ്പിക്കുന്നതിനുള്ള സമയപരിധി മേയ്​ ഏഴിന് വൈകീട്ട്​ അഞ്ചു​ വരെ നീട്ടി. പ്രായോഗിക, വാചാ പരീക്ഷകൾ രണ്ടാം സെമസ്റ്റർ എം.ഫിൽ ആന്ത്രപ്പോളജി (2019 അഡ്മിഷൻ റെഗുലർ/സപ്ലിമെന്ററി), ജൂൺ 2020 പ്രോജക്ട് മൂല്യനിർണയവും വാചാ പരീക്ഷയും മേയ്​ ആറിന് ഡിപ്പാർട്മൻെറ് ഓഫ് ആന്ത്രപ്പോളജി, ഡോ. ജാനകി അമ്മാൾ കാമ്പസിൽ നടക്കും. രജിസ്റ്റർ ചെയ്ത വിദ്യാർഥികൾ പരീക്ഷകേന്ദ്രവുമായി ബന്ധപ്പെടണം. രണ്ടാം സെമസ്റ്റർ എം.എസ് സി കമ്പ്യൂട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷ്യൽ ഇന്റലിജൻസ് (റെഗുലർ), ഏപ്രിൽ 2021 പ്രായോഗിക പരീക്ഷ മേയ്​ 16ന് ഗവ. കോളജ് തലശ്ശേരിയിൽ നടക്കും. രജിസ്റ്റർ ചെയ്ത വിദ്യാർഥികൾ പരീക്ഷകേന്ദ്രവുമായി ബന്ധപ്പെടണം.