റമദാൻ കിറ്റ് കൂപ്പൺ നൽകി

തൃക്കരിപ്പൂർ: ഗ്രാമ പഞ്ചായത്ത് റിയാദ് കെ.എം.സി.സിയുടെ സഹായത്തോടെ മുസ്‌ലിം ലീഗ് ഏർപ്പെടുത്തിയ റമദാൻ കിറ്റിന്റെ കൂപ്പൺ വിതരണം ചെയ്തു. സുൽഫെക്സ് മാട്രസ് എം.ഡി എം.ടി.പി. മുഹമ്മദ് കുഞ്ഞി ഉദ്ഘാടനം ചെയ്തു. എസ്. കുഞ്ഞഹമ്മദ് അധ്യക്ഷത വഹിച്ചു. 150 പേർക്കുള്ള കൂപ്പണുകളാണ് വിതരണം ചെയ്തത്. കെ.എം.സി.സി ഭാരവാഹികളായ എ.ജി. അബൂബക്കർ, എൻ.പി. മുനീർ, ടി.വി.പി. ഖാലിദ്, അസീസ് കൂലേരി, പഞ്ചായത്ത് പ്രസിഡന്റ് സത്താർ വടക്കുമ്പാട്, എം.ടി.പി. കരീം, വി.വി. അബ്ദുല്ല ഹാജി, ടി.പി. അഹമ്മദ് ഹാജി, ഒ.ടി. അഹമ്മദ് ഹാജി, പി.കെ.എം. കുട്ടി, യു.പി. റസാഖ്, വി.പി.പി. ശുഹൈബ്, സിറാജ് വടക്കുമ്പാട് എന്നിവർ സംസാരിച്ചു.