ബദിയടുക്കയില്‍ മലഞ്ചരക്ക് കടയില്‍ കവര്‍ച്ച

ബദിയടുക്ക: ബദിയടുക്ക മുകളിലെ ബസാറില്‍ പ്രവര്‍ത്തിക്കുന്ന മലഞ്ചരക്ക് കട കുത്തിതുറന്ന് രണ്ടര ലക്ഷം രൂപയുടെ അടക്ക മോഷ്ടിച്ചതായി പരാതി. കോരിക്കണ്ടത്തെ ഇഖ്ബാല്‍ മുഹമ്മദിന്‍റെ ഉടമസ്ഥതയിലുള്ള കടയിലാണ് മോഷണം. രാത്രി കട അടച്ചുപോയതായിരുന്നു. രാവിലെ ഉടമ എത്തിയപ്പോള്‍ കടയുടെ മുന്‍വശത്തെ ഗ്രില്‍സിന്‍റെ പൂട്ടും ഷട്ടറിന്‍റെ രണ്ട് പൂട്ടുകളും പൊളിച്ച നിലയില്‍ കണ്ടെത്തി. അകത്തുകയറി നോക്കിയപ്പോഴാണ് എട്ട് ചാക്ക് അടക്ക മോഷണം പോയതായി വ്യക്തമായത്. ബദിയടുക്ക പൊലീസ് അന്വേഷണം നടത്തിവരുന്നു.