കെ.ജി. മാരാര്‍ മാതൃക പുരുഷന്‍–പി.പി. മുകുന്ദന്‍

കാഞ്ഞങ്ങാട്: സംശുദ്ധ രാഷ്ട്രീയത്തിന്‍റെ മാതൃക പുരുഷനായിരുന്നു കെ.ജി. മാരാറെന്ന് ബി.ജെ.പി മുന്‍ സംസ്ഥാന സംഘടന സെക്രട്ടറി പി.പി. മുകുന്ദന്‍ അഭിപ്രായപ്പെട്ടു. മടിക്കൈ കമ്മാരന്‍ സ്മാരക ഫൗണ്ടേഷന്‍റെ നേതൃത്വത്തില്‍ കാഞ്ഞങ്ങാട്ട് സംഘടിപ്പിച്ച സംവാദ സദസ്സ് ഉദ്ഘാടനം ചെയ്യുകയായിരുന്നു അദ്ദേഹം. അനുസ്മരണ സന്ദേശം ഫൗണ്ടേഷൻ കൺവീനർ എ. കൃഷ്ണൻ അവതരിപ്പിച്ചു. ബി.ജെ.പി ജില്ല മുന്‍ പ്രസിഡന്‍റ്​ വി. രവീന്ദ്രന്‍ അധ്യക്ഷത വഹിച്ചു. അഡ്വ. കെ. രാജഗോപാല്‍ കരിന്തളം ആമുഖ പ്രഭാഷണം നടത്തി. പെന്‍ഷന്‍ മഹാസംഘ് ഓള്‍ ഇന്ത്യ പ്രസിഡന്‍റ്​ സി.എച്ച്. സുരേഷ്, അസോസിയേഷന്‍ ഓഫ് എമര്‍ജന്‍സി വിക്ടിം​സ് സംസ്ഥാന ജനറൽ സെക്രട്ടറി ആര്‍. മോഹന്‍, സെക്രട്ടറി എ. ദാമോദരന്‍ എന്നിവര്‍ സംബന്ധിച്ചു. സുകുമാരന്‍ കാലിക്കടവ് സ്വാഗതവും അജയകുമാര്‍ നെല്ലിക്കാട്ട് നന്ദിയും പറഞ്ഞു.