ജനറൽ ആശുപത്രി വളപ്പിലെ മരംമുറി: കരാറുകാരൻ അറസ്റ്റിൽ

കാസർകോട്​: ഗവ. ജനറൽ ആശുപത്രി വളപ്പിലെ മരംമുറി വിവാദത്തിൽ ഒടുവിൽ അറസ്​റ്റ്​. മരംമുറി കരാറെടുത്ത ശിഹാബുദ്ദീനെയാണ്​ കാസർകോട്​ ടൗൺ പൊലീസ്​ അറസ്റ്റ്​ ചെയ്ത്​. മുൻകൂർ ജാമ്യമെടുത്തതിനാൽ അറസ്റ്റ്​ രേഖപ്പെടുത്തി വിട്ടയച്ചു. റോഡ്​ വികസനത്തിനാണ്​ തേക്ക്​ ഉൾപ്പെടെ അഞ്ച്​ മരങ്ങൾ മുറിച്ചത്​. മരംമുറിക്ക്​ അനുമതി നൽകുന്നതിനു മുമ്പായിരുന്നു നടപടി. ഉദ്യോഗസ്ഥർക്ക്​ വീഴ്ച സംഭവിച്ചതായി വിജിലൻസ്​ അന്വേഷണത്തിൽ കണ്ടെത്തിയിരുന്നു. അനുമതിയില്ലാതെ മരം മുറിച്ചതിനാണ്​ കരാറുകാരനെതിരെ കേസെടുത്തത്​.