ഇഫ്താർ സംഗമം

തൃക്കരിപ്പൂർ: സൻെറ് പോൾസ് എ.യു.പി സ്കൂൾ അധ്യാപക രക്ഷാകർതൃ സമിതിയുടെയും മാനേജ്മെന്റിന്റെയും നേതൃത്വത്തിൽ നടത്തി. സ്കൂൾ ഓഡിറ്റോറിയത്തിൽ നടന്ന ചടങ്ങിൽ മാനേജർ ഫാ. ജോസഫ് തണ്ണിക്കോട്ട് അധ്യക്ഷത വഹിച്ചു. ബീരിച്ചേരി വലിയ ജുമാമസ്ജിദ് ഖത്തീബ് അബ്ദുൽ നാസർ അസ്നവി അനുഗ്രഹ ഭാഷണം നടത്തി. തൃക്കരിപ്പൂർ കണ്ണമംഗലം കഴകം സെക്രട്ടറി ടി. നാരായണൻ, ഹാഷിം അരിയിൽ, ഗ്രാമപഞ്ചായത്തംഗം ഇ. ശശിധരൻ, ചന്തേര എസ്.ഐ എൻ. മുരളീധരൻ, പി.ആർ.ഒ ടി. തമ്പാൻ, പി.ടി.എ പ്രസിഡൻറ് കരീം ചന്തേര, വൈസ് പ്രസിഡൻറ് കെ.വി. ശങ്കരൻകുട്ടി, പ്രധാനാധ്യാപിക ഷീന ജോർജ്, എം.ടി.പി. ഷഹീദ്, എം. മുഹമ്മദ് റഫീഖ് എന്നിവർ സംസാരിച്ചു.