ആരോഗ്യപ്രവര്‍ത്തകര്‍ക്ക് വെബിനാര്‍

കാസർകോട്: ലോക ഹീമോഫീലിയ ദിനാചരണത്തിന്റെ ഭാഗമായി ജില്ല മെഡിക്കല്‍ ഓഫിസ്​, ദേശീയ ആരോഗ്യദൗത്യം എന്നിവയുടെ ആഭിമുഖ്യത്തില്‍ ജില്ലയിലെ ആരോഗ്യപ്രവര്‍ത്തകര്‍ക്കായി വെബിനാര്‍ സംഘടിപ്പിച്ചു. ജില്ല മെഡിക്കല്‍ ഓഫിസര്‍ ഡോ. എം.വി. രാംദാസ് ഉദ്ഘാടനം ചെയ്തു. ആശാധാര പ്രോഗ്രാം ജില്ല നോഡല്‍ ഓഫിസര്‍ ഡോ. ഇ.കെ. ആശ അധ്യക്ഷത വഹിച്ചു. ദേശീയ ആരോഗ്യ ദൗത്യം പ്രോഗ്രാം മാനേജര്‍ ഡോ. റിജിത് കൃഷ്ണന്‍ സ്വാഗതവും ജില്ല എജുക്കേഷന്‍ ആൻഡ് മീഡിയ ഓഫിസര്‍ അബ്ദുൽ ലത്തീഫ് മഠത്തില്‍ നന്ദിയും പറഞ്ഞു. കാസര്‍കോട് ഗവ. മെഡിക്കല്‍ കോളജിലെ ഡോ. എം.പി. ആദര്‍ശ് വിഷയാവതരണം നടത്തി.