ബളാൽ ടൗണിൽ മോഷണം പതിവാകുന്നു

നീലേശ്വരം: ബളാൽ ടൗണിൽ മോഷണം പതിവാകുന്നു. വെള്ളിയാഴ്ച രാത്രി ബളാൽ കള്ളുഷാപ്പിലെ മോഷണത്തോടൊപ്പം മലഞ്ചരക്ക് വ്യാപാരം നടത്തുന്ന കുഞ്ഞേട്ടന്റെ കടയുടെ പൂട്ട് പൊളിക്കാൻ മോഷ്ടാവ് ശ്രമിച്ചു. കഴിഞ്ഞ ദിവസം രാത്രി ബളാലിലെ ഒരു വീട്ടിൽനിന്ന് റബർഷീറ്റ് മോഷണം പോയിരുന്നു. ആ ദിവസം തന്നെ ബളാലിലെ റഹ്മാന്റെ കടയുടെ മുന്നിലുണ്ടായിരുന്ന ചാക്കുകളും കളവുപോയി. വ്യാപാരികളും പ്രദേശവാസികളും ജാഗ്രത പാലിക്കണമെന്ന് പൊലീസ് അറിയിച്ചു.