പോക്‌സോ കേസില്‍ എട്ടു വര്‍ഷം കഠിനതടവ്​

കാസർകോട്​: 14കാരിയെ മാനഹാനി വരുത്തിയ കേസിൽ പ്രതിക്ക്​ എട്ടു വര്‍ഷം കഠിന തടവും 75,000 രൂപ പിഴയും. മുന്നാട് കുളിയന്‍മരത്തെ എച്ച്. ആനന്ദനെയാണ്​ കാസര്‍കോട് അഡീഷനല്‍ ഡിസ്ട്രിക്ട്​ ആൻഡ്​ സെഷന്‍സ് കോടതി (ഒന്ന്) ജഡ്ജി എ.വി. ഉണ്ണികൃഷ്ണന്‍ വിവിധ പോക്‌സോ വകുപ്പുകള്‍ പ്രകാരം ശിക്ഷിച്ചത്​. 2018 ജൂണ്‍ രണ്ടിന് ഉച്ചക്ക്​ രണ്ടിന് പെണ്‍കുട്ടിയുടെ വീട്ടില്‍ അതിക്രമിച്ച് കയറി മാനഹാനി വരുത്തിയെന്നാണ്​ കേസ്​. പിഴയടച്ചില്ലെങ്കില്‍ എട്ടു മാസം കൂടി തടവും വിധിച്ചു. ബേഡകം പൊലീസ് രജിസ്റ്റര്‍ ചെയ്ത കേസില്‍ അന്നത്തെ എസ്.ഐ ടി. ദാമോദരനാണ് കുറ്റപത്രം സമര്‍പ്പിച്ചത്. പ്രോസിക്യൂഷനുവേണ്ടി സ്‌പെഷല്‍ പ്രോസിക്യൂട്ടര്‍ അഡ്വ. പ്രകാശ് അമ്മണ്ണായ ഹാജരായി.