'ലഹരിക്കെതിരെ കൂടെയുണ്ട്' പൊലീസ് ബോധവത്കരണം

നീലേശ്വരം: കിനാനൂർ കരിന്തളം ഗ്രാമപഞ്ചായത്ത് കാട്ടിപ്പൊയിൽ പകൽ വിശ്രമകേന്ദ്രം, എ.യു.പി സ്കൂൾ കാട്ടിപ്പൊയിൽ എന്നിവിടങ്ങളിൽ ലഹരിവിരുദ്ധ ബോധവത്കരണ ക്ലാസുകൾ പഞ്ചായത്ത് പ്രസിഡന്‍റ്​ ടി.കെ. രവി ഉദ്ഘാടനം ചെയ്തു. കിനാനൂർ കരിന്തളം ഗ്രാമപഞ്ചായത്ത് ആരോഗ്യ വിദ്യാഭ്യാസ സ്ഥിരംസമിതി ചെയർമാൻ കെ.വി. അജിത്ത്കുമാർ അധ്യക്ഷത വഹിച്ചു. നാർകോട്ടിക് ഡിവൈ.എസ്.പി എം.എ. മാത്യു മുഖ്യപ്രഭാഷണം നടത്തി. എക്സൈസ് പ്രിവന്‍റിവ് ഓഫിസറായ എൻ.ജി. രഘുനാഥ്, ജനമൈത്രി ബീറ്റ് ഓഫിസർമാരായ പ്രദീപൻ കോതോളി, എം. ശൈലജ എന്നിവർ ക്ലാസ് നടത്തി. പഞ്ചായത്ത് അംഗം കെ. യശോദ, കെ. രജിത, കെ. സാവിത്രി, എ. ഗീതാമണി ബേബി, സുമതി പ്രസീധരൻ എന്നിവർ സംസാരിച്ചു.