മലയോരത്ത് തെരുവുനായ് ശല്യം രൂക്ഷം

നീലേശ്വരം: മലയോര മേഖലയിൽ തെരുവുനായ്​ ശല്യം രൂക്ഷമായി. മലയോരത്തെ വിവിധ ഭാഗങ്ങളിൽ കൂട്ടമായി അലഞ്ഞുതിരിഞ്ഞുനടക്കുന്ന തെരുവു നായ്ക്കളെ കാണാം. ബളാൽ, കോടോംബേളൂർ, കള്ളാർ, പനത്തടി, കുറ്റിക്കോൽ, കരിവേടകം, കുടുംബൂർ, ബന്തടുക്ക, പള്ളത്തിങ്കാൽ മേഖലയിൽ ഇവയുടെ ശല്യം രൂക്ഷമാണ്. രാവിലെ നടക്കാനിറങ്ങുന്നവരും സൊസൈറ്റികളിൽ പാൽ കൊണ്ടുപോകുന്നവരും ഭീതിയിലാണ്. ഇരുചക്ര വാഹന യാത്രക്കാർക്കു പിന്നാലെ നായ്ക്കൂട്ടം ഓടുന്ന സംഭവങ്ങളും പതിവാണ്. ഇവയിൽനിന്ന് രക്ഷപ്പെടാൻ അതിവേഗം ഓടിച്ച് അപകടത്തിൽപെടുന്നവരുമുണ്ട്.