അബ്ദുല്‍ അസീസ് മൗലവി അതിഞ്ഞാല്‍ മദ്​റസയുടെ പടിയിറങ്ങി

Blurb : വിരമിച്ചത് 33വര്‍ഷത്തെ സേവനം കഴിഞ്ഞ് കാഞ്ഞങ്ങാട്: ആയിരക്കണക്കിന് വിദ്യാര്‍ഥികള്‍ക്ക് മതപഠനത്തിന്റെ ആദ്യക്ഷരം പകര്‍ന്നു കൊടുത്ത് ഒരു പ്രദേശത്തിന്റെയാകെ മതവിദ്യാഭ്യാസത്തിന് പ്രാപ്തമായ നേതൃത്വം നല്‍കിയ അതിഞ്ഞാല്‍ അന്‍സാറുല്‍ ഇസ്​ലാം മദ്​റസ പ്രധാനാധ്യാപകന്‍ അബ്ദുല്‍അസീസ് മൗലവി മദ്​റസയുടെ പടിയിങ്ങി. അന്തരിച്ച പി.എം. മമ്മുഞ്ഞിഹാജി പ്രസിഡന്റും കെ. ഇബ്രാഹിം ജനറല്‍ സെക്രട്ടറിയുമായിരിക്കെ 1990ല്‍ അതിഞ്ഞാല്‍ മദ്​റസയില്‍ പ്രധാനാധ്യാപകന്‍ (സദര്‍ മുഅല്ലിം) എന്ന നിലയില്‍ ജോലിയില്‍ പ്രവേശിച്ച അബ്ദുൽഅസീസ് മൗലവി അതിഞ്ഞാല്‍ പ്രദേശത്തിന്റെ മതവൈജ്ഞാനിക മേഖലക്ക്​ കനത്ത സംഭാവനകളാണ് നല്‍കിയത്. ഒന്നു മുതല്‍ പന്ത്രണ്ടാംതരം വരെയുള്ള ക്ലാസുകള്‍ പ്രവര്‍ത്തിക്കുന്ന സെക്കൻഡറി മദ്​റസയായ അതിഞ്ഞാല്‍ അന്‍സാറുല്‍ ഇസ്​ലാം മദ്​റസ ഉത്തരമലബാറിലെ ഏറ്റവും പ്രശസ്തമായ മദ്​റസകളിലൊന്നാണ്. സമസ്ത കേരള ഇസ്​ലാം മതവിദ്യാഭ്യാസ ബോര്‍ഡിന്റെ അംഗീകാരമുള്ള അന്‍സാറുല്‍ ഇസ്​ലാം മദ്​റസയില്‍ 5,7,10,12 ക്ലാസുകളില്‍ വര്‍ഷങ്ങളായി നൂറ് ശതമാനം വിജയമാണ് നേടിവരുന്നത്. തുടക്കത്തില്‍ അഞ്ച്, ഏഴ് ക്ലാസുകളില്‍ പഠിച്ച് ഉന്നതവിജയം നേടുന്ന വിദ്യാർഥിക്കള്‍ക്കുള്ള സമസ്തയുടെ സ്‌കോളര്‍ഷിപ് നേടാന്‍ സാധിച്ച മദ്​റസയില്‍ നിലവില്‍ സംസ്ഥാനതലത്തില്‍ അഞ്ചാതരത്തിലും ഏഴാംതരത്തിലും ഒന്നാം റാങ്ക് ലഭിച്ചിട്ടുണ്ട്. pphotoabdul asees moulavi