യുവകലാസാഹിതി വയലാർ രാമവർമ പുരസ്കാരം ദിവാകരൻ വിഷ്ണുമംഗലത്തിന്

കാഞ്ഞങ്ങാട്​: യുവകലാസാഹിതി വയലാർ രാമവർമ കവിതപുരസ്കാരം ദിവാകരൻ വിഷ്ണുമംഗലം രചിച്ച 'അഭിന്നം' എന്ന കവിത സമാഹാരത്തിന്. പതിനായിരത്തി ഒരുനൂറ്റി പതിനൊന്ന് രൂപയും പ്രശസ്തിപത്രവും ഫലകവുമടങ്ങുന്നതാണ് പുരസ്കാരം. ഏപ്രിൽ നാലിന്​ നാലു മണിക്ക് വയലാർ സ്മൃതിമണ്ഡപത്തിൽ ചന്ദ്രകളഭം ഓഡിറ്റോറിയത്തിൽ നടക്കുന്ന ചടങ്ങിൽ യുവകലാസാഹിതി സംസ്ഥാന പ്രസിഡന്‍റ്​ ആലങ്കോട് ലീലാകൃഷ്ണൻ പുരസ്കാരം സമ്മാനിക്കും. വയലാർ രാഘവപ്പറമ്പിൽ ചെയർമാൻ വയലാർ ശരശ്ചന്ദ്രവർമയുടെ അധ്യക്ഷതയിൽ ചേർന്ന പുരസ്കാരസമിതി യോഗത്തിൽ അംഗങ്ങളായ കവി ആലങ്കോട് ലീലാകൃഷ്ണൻ, ഇ.എം. സതീശൻ, ഡോ. പ്രദീപ് കൂടയ്ക്കൽ, അസീഫ് റഹീം (കൺവീനർ) എന്നിവർ പങ്കെടുത്തു. പടം divakararan vishnumagalam